BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى اۋەجايى 2،5 ەسە ۇلعايادى

فوتو: ашық дереккөзден

الماتى، baq.kz. جاڭا قۇرىلىس جۇرگىزۋ ارقىلى قازىرگى اۋەجايدىڭ عيماراتىن 2،5 ەسەگە ۇلعايتۋ تۇجىرىمداماسى جاسالىپ قويدى. بۇل تۋرالى الماتى قالاسى اكىمىنىڭ ورىنباسارى ەرلان اۋكەنوۆ facebook جەلىسىندە جازدى.

«2017 جىلعا دەيىن الماتى اۋەجايىنىڭ جاعدايى ناشار بولدى. اۋا رايىنىڭ ناشارلىعىنان جىلىنا 200 رەيس بوگەلىپ قالاتىن. اۋەكومپانيالاردىڭ شىعىنى 1 ملرد تەڭگەگە دەيىن جەتسە، 30 مىڭعا جۋىق جولاۋشى ىسكەرلىك كەزدەسۋلەر مەن وتباسىلىق شارالاردان كەشىككەن»، -دەيدى ول.

ونىڭ ايتۋىنشا، مۇنداي پروبلەمانى كەزىندە گەلمۋت شميد (گامبۋرگ، گەرمانيا)، اۋرەل ۆلايك (بۋحارەست، رۋمىنيا)، دون مۋانگ (بانگكوك، تايلاند) سياقتى الەمنىڭ تانىمال اۋەجايلارى دا باسىنان وتكەرگەن.

جۇكتەمە جوعارىلىعىن شەشۋ ٴۇشىن ولار ۇشۋ-قونۋ جولاقتارى قايتا جاساپ، تەرريتورياسى كەڭەيتكەن ٴارى جاڭا تەرمينالدار اشىلعان. ناتيجەسىندە تەكسەرۋ وتكىزۋ قابىلەتى ەكى ەسەگە ارتىپ، تۋريستەردىڭ قوسىمشا لەگىن قابىلدايتىن جاعدايعا جەتكەن.

«الماتى اۋەجايىنىڭ قىزمەت كورسەتۋ ساپاسىن ارتتىرۋ ماقساتىندا سوڭعى ەكى جىلدا ٴبىر قاتار ىستەر اتقارىلدى. ەكى ۇشۋ-قونۋ جولاعىنا جوندەۋ جۇمىستارى جاسالدى. جالعامالى ٴرولدى جولاقتار تۇرعىزىلدى. زاماناۋي اۋەناۆيگاسيالىق جانە جارىق بەلگى بەرەتىن جابدىقتار قويىلدى. جەكە كومپانيا تاراپىنان بولىنگەن ينۆەستيسيانىڭ مولشەرى 8 ملرد تەڭنەنى قۇرادى. 2018 جىلدىڭ جەلتوقسانداعى جاعداي بويىنشا اۋا رايىنىڭ قولايسىزدىعى كەزىندە بورتتاردى قابىلداۋ مۇمكىندىگى ارتىپ، تەكسەرۋدەن وتكىزۋ قابىلەتى 2،5 ەسەگە ارتتى. ساعاتىنا 8-20 دەيىن ۇشاق قابىلدايدى»،-دەيدى ە. اۋكەنوۆ.

ول اۋەجايدى جاقسارتۋ جۇمىستارى مۇنىمەن بىتپەيتىندىگىن ايتا كەلە، جاڭا قۇرىلىس جۇرگىزۋ ارقىلى قازىرگى اۋەجايدىڭ عيماراتىن 2،5 ەسەگە ۇلعايتۋ تۇجىرىمداماسى ازىرلەنگەندىگىن جەتكىزدى.

«بۇل جىلىنا 13 ملن جولاۋشىنى قابىلداۋعا مۇمكىندىك بەرەدى. ەكى تەلەسكوپتى ترامپپەن قامتىلىپ، اۆتوتۇراق ەكى مىڭ ورىنعا دەيىن كەڭەيتىلەدى»، -دەيدى ول.

سونىمەن قاتار، بورتتاعى تاماقتانۋدى قامتاماسىز ەتەتىن جاڭا سەحتىڭ جوباسى اياقتالىپتى. ونىڭ كۇشى تاۋلىگىنە 15 مىڭ پورسيا تاماق بەرۋگە دەيىن جەتەدى. بۇل قازىرگىدەن 2،5 ەسەگە كوپ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي