BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە ٴجاسوسپىرىم باۋىرلارىن اسىراۋ ٴۇشىن 6 رەت قىلمىس جاساعان

فوتو: Вслух.ру

اقتوبە وبلىسى مارتوك اۋدانىنىڭ 15 جاستاعى تۇرعىنى باۋىرلارىن اسىراۋ ٴۇشىن 6 رەت ۇرلىق جاساعان. پروكۋرورلار جاعدايدى باقىلاۋعا الماعان جاۋاپتى مەكەمەلەردىڭ وكىلدەرى دە جاۋاپقا تارتىلاتىنىن ايتادى، دەپ حابارلايدى baq.kz ٴتىلشىسى.

اقتوبەدە جىل باسىنان بەرى 21 ٴجاسوسپىرىم 60 قىلمىس جاساعان. قىلمىستىق جاۋاپكەرشىلىككە تارتىلعان جاسوسپىرىمدەردىڭ كوبى ناشار جانە تولىق ەمەس وتباسىلاردا تاربيەلەنگەن. اكەسى نەمەسە اناسى اششى سۋمەن دوستاسقاندار از ەمەس. اراسىندا جاقىندارى ٴۇشىن قىلمىسقا بارعاندارى بار. مارتوك اۋدانىنىڭ تۋماسى اناسى تاستاپ كەتكەننەن كەيىن باۋىرلارىنا ازىق تابۋ ٴۇشىن بىرنەشە رەت ۇرلىق جاساعان. 15 جاستاعى ٴجاسوسپىرىمنىڭ ىشكىش اكەسىنەن قايىر بولماپتى. پروكۋرور اۋدانداعى ٴبىلىم جانە قۇقىق قورعاۋ مەكەمەلەرى وتباسىنداعى جاعدايدى بىلگەنىمەن، ەشقانداي شارا قولدانباعانىن ايتادى. الدىن الۋ شارالارى جۇرگىزىلمەگەن. ولار دا جاۋاپكەرشىلىككە تارتىلادى.

«مارتوك اۋدانىندا ٴجاسوسپىرىم ٴىنى-قارىنداستارىن تاماقتاندىرۋ ٴۇشىن 6 رەت ازىق-تۇلىك ۇرلاعان. اكەسى ىشەدى. اناسى تاستاپ كەتكەن. ولاردى اتا-انا قۇقىعىنان ايىرۋ تۋرالى ماسەلە كوتەرىلگەنىمەن، شەشۋسىز قالعان. بۇل وتباسىنداعى جاعدايدى ٴبىلىم مەكەمەسى دە، ٴتارتىپ ساقشىلارى دا بىلگەنىمەن، ەشقانداي كومەك كورسەتىلمەگەن»، - دەدى اقتوبە وبلىستىق پروكۋراتۋرانىڭ قوعامدىق مۇددەلەردى قورعاۋ جونىندەگى باسقارما باستىعى قانات ناحيمبەكوۆ.

ٴوڭىردىڭ مارتوك اۋدانىنىڭ وزىندە 9 ٴجاسوسپىرىم مەن 32 ناشار وتباسى ەسەپكە الىنعانىمەن بىردە ٴبىر ماتەريال كامەلەتتىك جاسقا تولماعاندار جونىندەگى كوميسسيادا قارالماعان. ال، جىل باسىنان بەرى اقتوبە وبلىسى بويىنشا جاسوسپىرىمدەر جاساعان قىلمىستىق ىستەردىڭ 70 پايىزدان استامى انىقتالماعان نەگىزدەرگە سايكەس قىسقارتىلدى.

«وبلىستا 32 ٴجاسوسپىرىم ەكىنشى رەت قىلمىستىق جاۋاپكەرشىلىككە تارتىلدى. 59-ى قۇقىق بۇزۋشىلىقتاردى العاش جاساپ، تىركەلگەندەر. تەك ٴتارتىپ ساقشىلارى ەمەس، ۇستازدار دا جاۋاپتى مىندەت اتقارۋى ٴتيىس. كامەلەتتىك جاسقا تولماعاندار قىلمىسىنىڭ ٴجيى تىركەلۋ سەبەبىن انىقتاپ كوردىك. ولاردىڭ قىلمىس جاساپ، قۇقىق بۇزۋىنىڭ الدىن الۋدىڭ جاڭا ادىس-تاسىلدەرى قاراستىرىلىپ جاتىر»، - دەدى قانات ناحيمبەكوۆ.

اۋىلدا تۇراتىن نەمەسە وبلىس ورتالىعىنا وقۋعا كەلگەن جاسوسپىرىمدەر اراسىندا دا قۇقىق بۇزۋشىلىق ٴجيى بولادى. اقتوبەدە مۇنداي 80-نەن استام دەرەك تىركەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي