BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە ماقاتايەۆ اتىندا جاڭا مەكتەپ اشىلدى

فوتو: Автор

اقتوبەدەگى قىزىلجار اۋىلىندا 300 بالاعا ارنالعان جاڭا مەكتەپ اشىلدى. ٴبىلىم ورداسىنا اقيقىق اقىن مۇقاعالي ماقاتايەۆتىڭ ەسىمى بەرىلگەن. زاماناۋي ۇلگىدە سالىنعان جاڭا عيماراتتا وقۋشىلار ٴۇشىن بارلىق جاعداي جاسالعان، دەپ حابارلايدى baq.kz ايماقتىق ٴتىلشىسى.

اقتوبەدەگى م.ماقاتايەۆ اتىنداعى №73 جالپى ٴبىلىم بەرۋ مەكتەبىندە بۇگىن العاشقى قوڭىراۋ سوعىلدى. 300-گە جۋىق وقۋشى جاڭا ٴبىلىم ورداسىنىڭ تابالدىرىعىن اتتادى. مەكتەپ 2 قاباتتى. 21 وقۋ كابينەت بار. سپورت زال، 100 ورىندىق اسحانا، ەڭبەك ساباقتارىنا ارنالعان ەكى كابينەت، مۇعالىمدەر كابينەتى مەن ٴماجىلىس زالى بار. مۇندا ارباعا تاڭىلعان بالالار دا كەلىپ، ٴبىلىم الا الادى. زاماناۋي عيماراتتىڭ ٴىشى مەن سىرتىندا پاندۋس بار. 2-قاباتقا كوتەرىلەتىن جەدەلساتى دا سالىنعان.

«مەكتەپ زاماناۋي ۇلگىدە سالىنعان. it باعدارلاماسى بويىنشا كومپيۋتەرلەرمەن جابدىقتالعان. كەڭ جولاقتى ينتەرنەت جەلىلەرى ورناتىلعان. سونداي-اق، ٴبىلىم ورداسىندا it جۇيەسى ورناتىلعان كىتاپحانا دا بار. مۇعالىمدەرگە تاپشىلىق جوق. بالالارعا ٴبىلىم بەرەتىن بارلىق پەداگوگ قىزمەتكەرلەر تۇگەل»،-دەدى م.ماقاتايەۆ اتىنداعى №73 ورتا مەكتەبى ديرەكتورىنىڭ مىندەتىن اتقارۋشى ارتۋر مۇحامبەتجانوۆ.

بۇعان ەديىن اۋىلدا تەك 150 ورىندىق قىزىلجار ورتا مەكتەبى عانا جۇمىس ىستەدى. مەكتەپكە سىيماعان وقۋشىلار اۆتوبۋسپەن وزگە اۋداندارعا قاتىناپ وقيتىن. ەندى مىنە، بۇل پروبلەما شەشىلدى. قىزىلجارلىقتار ٴۇشىن ەرەكشە قۋانىش.

«جاستار قازىرگى زامان تالابىنا ساي ٴبىلىم الۋ كەرەك. وبلىستا 26 مەكتەپ سالىنىپ جاتىر. ٴ15-ى بيىل پايدالانۋعا بەرىلەدى. توعىزى مەرەكە كۇندەرى اشىلادى. اۋىلدارىڭىزدا ۇلكەن قۋانىش. قىزىلجار دامىپ، وركەندەپ كەلە جاتقان ەلدى مەكەن. اتا-انالارعا كوپ نارسە بايلانىستى. ٴار اتا-انانىڭ مىندەتى بار. ۇستازدار جاڭا مەكتەپكە ساي جاقسى ٴبىلىم مەن تاربيە بەرۋ كەرەك»،-دەدى وبلىس اكىمى بەردىبەك ساپاربايەۆ.

م.ماقاتايەۆ اتىنداعى №73 مەكتەپتە ەكى اۋسىمدا تولىق 600 بالانى قامتيدى. جاڭا وقۋ ورداسىنا "قارعالى" تۇرعىن ٴۇي ماسسيۆىندەگى 4-مولتەك اۋداندا تۇراتىن بالالار دا قابىلدانىپ جاتىر. قۇرىلىسى 18 ايدا اياقتالعان مەكتەپكە 880 ميلليون تەڭگە قارجى اقتوبە وبلىسىنىڭ بيۋدجەتىنەن ٴبولىندى.

جىل سوڭىنا دەيىن اشىلاتىن 15 مەكتەپ وبلىستاعى 2 اپاتتى، 2 ەسكى، 14 ٴۇش اۋىسىمدى مەكتەپتىڭ ماسەلەسىن شەشىلەدى. وبلىستىق ٴبىلىم باسقارماسىنىڭ باسشىسى ٴلاززات ورازبايەۆانىڭ سوزىنشە، بيىل 64 ٴبىلىم بەرۋ مەكەمەسىنىڭ جوندەۋدەن وتۋىنە 1،5 ملرد تەڭگە ٴبولىندى. 1-قىركۇيەكتە ايماقتا 140 مىڭعا جۋىق وقۋشى مەكتەپكە بارادى. 16 مىڭنان استامى مەكتەپ تابالدىرىعىن اتتايدى.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي