BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە كوشپەلى قور كورمەسى وتەدى

فوتو: aktobegazeti.kz

استانا، baq.kz. 14 قاراشا كۇنى ساعات 12.00-دە وبلىستىق تاريحي-ولكەتانۋ مۋزەيىندە «ن.نازاربايەۆ: ٴداۋىر، تۇلعا، قوعام» اتتى كوشپەلى قور كورمەسىنىڭ سالتاناتتى اشىلۋ ٴراسىمى وتەدى. بۇل تۋرالى aktobegazeti.kz سايتى حابارلايدى.

قور كورمەسى – قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ كوشپەلى كورمە جوباسىنىڭ باستى وقيعاسى. جوبا اياسىندا اۋقىمدى ٴعىلىمي-بىلىم بەرۋ جانە مادەني-اعارتۋ شارالارى، اقتوبە وبلىسى بويىنشا كوشپەلى ەكسكۋرسيالار ۇيىمداستىرىلادى. ەلباسى كىتاپحاناسىنىڭ قىزمەتى تاجىريبەسىندە «جادىگەرلەر سويلەيدى» توپتاماسى بويىنشا كوشپەلى دارىستەر، مۋزەي ساباقتارى، كوشپەلى ەكسكۋرسيالار ٴتارىزدى مادەني-اعارتۋشىلىق قىزمەتتىڭ ەرەكشە تۇرلەرى بەلسەندى قولدانىلىپ كەلەدى. ولار جادىگەرلەردىڭ مازمۇنىن بايانداپ قانا قويماي، تاريحي ارتەفاكتىلەردى تىكەلەي كورۋگە مۇمكىندىك بەرەدى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ «ن.نازاربايەۆ: ٴداۋىر، تۇلعا، قوعام» كوشپەلى كورمەسى وتكەن جىلدىڭ قاراشا ايىندا الماتى قالاسىندا باستالىپ، بيىل اقپان ايىندا تۇركىستان وبلىسىندا جالعاسسا، قىركۇيەك ايىندا اتىراۋ وبلىسىندا ۇيىمداستىرىلدى. جالپى ەكى جىلدا كورمەنى 350 مىڭنان استام ادام تاماشالادى.

جوبا ەلباسى كىتاپحاناسىنىڭ جيناقتارىنان ۇسىنىلعان قور كورمەسىنە نەگىزدەلگەن. جيناقتالعان، جۇيەلەنگەن ارحيۆتىك، كىتاپ، جادىگەرلىك كەشەندەر تاۋەلسىزدىگىمىزدىڭ تاريحىن، قازاقستاندا پرەزيدەنتتىك ينستيتۋتتىڭ قالىپتاسۋى مەن دامۋى بويىنشا بىرەگەي زەرتتەۋ، تالداۋ، مادەني-اعارتۋشىلىق، ٴبىلىم بەرۋ، اقپاراتتىق الاڭدى جاساقتايدى.

كورمەنىڭ نەگىزگى ماقساتى – كىتاپحانا جيناقتارى نەگىزىندە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ تاۋەلسىز قازاقستاننىڭ تاعدىرىنداعى ٴرولىن جۇيەلى تۇردە كەڭىنەن كورسەتۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي