BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە حالىقارالىق سىبايلاس جەمقورلىقپەن كۇرەس كۇنىن اتاپ ٴوتتى

استانا، baq.kz. اقتوبەدە حالىقارالىق سىبايلاس جەمقورلىقپەن كۇرەس كۇنىنە ارنالعان سالتاناتتى شارا ٴوتتى. بۇل تۋرالى اقتوبە اكىمدىگىنىڭ ٴباسپاسوز قىزمەتى حابارلايدى.

وعان قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ، وبلىس اكىمى بەردىبەك ساپاربايەۆ، قر پرەزيدەنتى جانىنداعى مەملەكەتتىك باسقارما اكادەمياسىنىڭ رەكتورى فاتيما جاقىپوۆا، مەملەكەتتىك، بانك مەكەمەلەرى مەن قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداق ٴتوراعاسى مەربولات جاقىپوۆ، وبلىستىق مەملەكەتتىك جانە قۇقىققورعاۋ ورگاندارىنىڭ باسشىلارى، ارنايى باقىلاۋ توپتارىنىڭ مۇشەلەرى مەن قوعام وكىلدەرى قاتىستى.

«تاۋەلسىزدىك العان كۇننەن باستاپ مەملەكەت باسشىسى سىبايلاس جەمقورلىقتى تامىرىمەن جويۋدىڭ جوسپارلى ساياساتىن جۇرگىزىپ جاتىر. سوڭعى جىلدارى تۇرمىستىق سىبايلاس جەمقورلىقتى جويۋ ٴۇشىن مەملەكەتتىك قىزمەتتەردىڭ دەنى ەلەكتروندى فورماتتا جۇرگىزىلۋدە. اقتوبەدە وسى ماقساتتا حالىققا قىزمەت كورسەتۋ ورتالىقتارى جۇمىس جاسايدى، كوشى-قون قىزمەتتەرى ورتالىعى مەن ٴبىر جىلدان استام ۋاقىت بۇرىن ازاماتتار 600-دەن استام مەملەكەتتىك قىزمەت تۇرلەرىن الا الاتىن «حالىقتىق كەڭسە» اشىلدى. بيىلدان باستاپ «حالىقتىق كەڭسە» 350 مىڭنان اسا ادامعا قىزمەت كورسەتتى. ٴبىزدىڭ باستى مىندەتىمىز – پرەزيدەنتتىڭ سىبايلاس جەمقورلىقتى تامىرىمەن جويۋ بويىنشا بارلىق تاپسىرماسىن ساپالى ورىنداۋ، سول ٴۇشىن مەملەكەتتىك ورگاندار مەن ازاماتتىق قوعام بىرلەسە جۇمىس ىستەۋلەرى كەرەك. سونىمەن بىرگە، بالالاردى سىبايلاس جەمقورلىققا قارسى تاربيەلەۋگە ەرەكشە كوڭىل بولگەن ماڭىزدى»،- دەدى وبلىس اكىمى بەردىبەك ساپاربايەۆ سالەمدەسۋ سوزىندە.

ٴوز كەزەگىندە اليك شپەكبايەۆ اقتوبە وبلىسىنداعى انتيكوررۋپسيالىق جۇمىستىڭ ۇيىمداستىرىلۋ دەڭگەيىنە جوعارى باعاسىن بەردى.

«ٴبىز وبلىس اكىمىمەن بىرگە «اقتوبە – ادالدىق الاڭى» جوبالىق كەڭسەسىنىڭ اشىلۋىنا قاتىسىپ، جارعىسىنا قول قويدىق. ونىڭ باستى ماقساتى – تۇرمىستىق سىبايلاس جەمقورلىقتى تۇبەگەيلى تامىرىمەن جويۋ. بۇل بولاشاعى زور جوبا جانە مەن ونى ساپالى جۇزەگە اسىرۋ ٴۇشىن مەملەكەتتىك ورگاندارمەن قاتار، قوعام وكىلدەرى دە بەلسەندى تۇردە قاتىسادى دەپ سەنەمىن. جالپى، ەكى كۇندىك جۇمىس ساپارىمنىڭ قورىتىندىسىندا اقتوبە وبلىسىنداعى انتيكوررۋپسيالىق قىزمەت جۇيەلى جانە كەشەندى سيپاتقا يە دەپ ايتا الامىن. بۇعان بيىلعى جىلدىڭ 11 ايىنىڭ ناتيجەسى بويىنشا وبلىستاعى سىبايلاس جەمقورلىق دەڭگەيى ەلىمىز بويىنشا ەڭ تومەن ەكەندىگى دالەل»، - دەدى اگەنتتىك باسشىسى.

شارانىڭ جالعاسىندا ب.ساپاربايەۆ پەن ا.شپەكبايەۆ وبلىستاعى انتيكوررۋپسيالىق مادەنيەتتى قالىپتاستىرۋعا سۇبەلى ۇلەس قوسقان اقتوبەلىكتەردى العىس حاتتارمەن ماراپاتتادى.

سونداي-اق، «ادال جول» مارافون-ەستافەتاسى مەن جۋرناليستەر اراسىنداعى «ۇزدىك انتيكوررۋپسيالىق ماتەريال» وبلىستىق بايقاۋى قورىتىندىلاندى. ٴتۇرلى اتالىمدار بويىنشا «قازاقپارات» حاا ٴتىلشىسى سامال ەندىبايەۆا، «حابار-24» تەلەارناسىنىڭ ٴتىلشىسى اقساۋلە بايمەنشينە، «اقتوبە» گازەتىنىڭ ٴتىلشىسى ايرايلىم نۇربايەۆا، «bnews» اقپاراتتىق سايتىنىڭ ٴتىلشىسى بايان ساعىمبايەۆا جەڭىمپاز اتاندى.

مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى دەپارتامەنتىنىڭ ۇزدىك قالالىق، اۋداندىق اكىم اپپپاراتىن انىقتايتىن باسقا بايقاۋىندا قوبدا، بايعانين جانە تەمىر اۋداندارى جۇلدەلى ورىندارعا يە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي