BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە دارىندى بالالارعا ارنالعان ينتەرنات اشىلدى

اقتوبەدە قازاقستاننىڭ تاۋەلسىزدىك كۇنى قارساڭىندا «سىمبات» فيزيكا-ماتەماتيكا مەكتەبى جانىنان دارىندى بالالارعا ارنالعان ينتەرنات اشىلدى. سالتاناتتى شاراعا وبلىس اكىمى بەردىبەك ساپاربايەۆ قاتىستى، دەپ حابارلايدى baq.kz اقپارات اگەنتتىگى اقتوبە وبلىسى اكىمدىگىنىڭ ٴباسپاسوز قىزمەتىنە سىلتەمە جاساپ..

«ٴبىز مەملەكەت باسشىسىنىڭ تاپسىرماسىنا سايكەس ٴبىلىم بەرۋ سالاسىنا باسا نازار اۋدارىپ كەلەمىز. تەك بيىلدىڭ وزىندە وڭىردە 12 جاڭا مەكتەپ اشىلدى، تاعى ٴۇش مەكتەپ جىل سوڭىنا دەيىن وقۋشىلاردى قابىلدايتىن بولادى. ٴبىزدىڭ ماقساتىمىز – وبلىسىمىزداعى بارلىق بالاعا ساپالى ٴارى قول جەتىمدى ٴبىلىم الۋعا مۇمكىندىك بەرۋ»، - دەدى ب.ساپاربايەۆ.

جوعارى سىنىپتىڭ ٴجۇز وقۋشىسى تۇراتىن عيماراتتىڭ جالپى اۋماعى 1،4 مىڭ شارشى مەتر. ينتەرنات، ەڭ الدىمەن، اۋىلدان كەلگەن دارىندى بالالاردىڭ تەگىن ٴبىلىم الۋلارى ٴۇشىن اشىلعان بولاتىن. 85 بالا مەملەكەتتىك ٴبىلىم بەرۋ تاپسىرىسى اياسىندا وقيتىن بولادى، مەكتەپتىڭ قۇرىلتايشىلارى بالالاردىڭ ينتەرناتتا جاتىپ، ٴبىلىم الۋى ٴۇشىن 15 گرانت بولەدى. بۇگىندە بۇل – قازاقستاندا مەملەكەتتىك – جەكە سەرىكتەستىك اياسىندا جۇزەگە اسىرىلعان بىرەگەي جوبا.

«ينتەرناتتا ماتەماتيكا، لوگيكا، اعىلشىن تىلىنەن ەمتيحان تاپسىرىپ، اڭگىمەلەسۋدەن وتكەن وبلىسىمىزدىڭ بارلىق اۋداندارىنىڭ بالالارى تۇراتىن بولادى. نەبارى ٴجۇز ورىنعا 760 بالا تالاپ ٴبىلدىردى. بايقاۋ اشىق تۇردە اتا-انالار مەن ٴبىلىم بەرۋ باسقارماسى وكىلدەرىنىڭ قاتىسۋىمەن ٴوتتى. مۇندا بالالاردىڭ جايلى ٴومىر ٴسۇرىپ، ٴبىلىم الۋلارى ٴۇشىن بارلىق قاجەتتى جاعدايلار جاسالعان»، - دەپ اتاپ ٴوتتى مەكتەپ ديرەكتورى بەرىك ورازوۆ.

ايتا كەتەيىك، بالالاردىڭ دەنە ٴبىتىمىنىڭ دۇرىس دامۋى ٴۇشىن ينتەرنات جانىنان فۋتبول، باسكەتبول مەن ۆولەيبول الاڭدارى، ويىن الاڭدارى، workout ايماعى، حوككەي كورتى بار سپورتتىق بازا قۇرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي