BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

اقتوبەدە اۆتوبۋس ورتەنىپ، 52 ادام تىرىدەي جانىپ كەتتى

فوتو: vesti22.tv

اقتوبە وبلىسىنىڭ ىرعىز اۋدانىندا اۆتوبۋس ورتەنىپ، 52 ادام قازا تاپتى جانە بەسەۋى جاراقات الدى، دەپ حابارلايدى ۆaq.kz اقپارات اگەنتتىگى اقتوبە وبلىسىنىڭ تجد ٴباسپاسوز قىزمەتىنە سىلتەمە جاساپ.

سامارا-شىمكەنت تراسساسىندا اۆتوبۋس ورتەنىپ، ساناۋلى ادام عانا امان قالدى.

توتەنشە جاعداي بۇگىن قالىباي اۋىلىنان 10 كم جانە وبلىس ورتالىعىنان 320 كم قاشىقتىقتا سامارا-شىمكەنت تراسساسىندا استانا ۋاقىتىمەن ساعات 10.30-دا بولدى. وزبەكستاننىڭ 57 ازاماتى وتىرعان «يكارۋس» ماركالى جولاۋشىلار اۆتوبۋسى ورتەندى. اقتوبە وبلىسىنىڭ تجد ٴباسپاسوز قىزمەتىنىڭ مالىمەتىنە سايكەس، جانىپ جاتقان اۆتوبۋستان 5 ادام شىعىپ ۇلگەرىپتى، 52 ادام قايتىس بولعان.

«وقيعا ورنىنا ەكى ٴورت ٴسوندىرۋ بريگاداسى جىبەرىلدى. ونىڭ قۇرامىندا 8 ادام جانە 2 تەحنيكا بار. توتەنشە جاعداي دەپارتامەنتىندە وبلىس اكىمى ورىنباسارىنىڭ باسشىلىعىمەن شۇعىل شتاب قۇرىلدى. زارداپ شەككەندەرمەن پسيحولوگتار، دارىگەرلەر، پوليسەيلەر جانە قۇتقارۋشىلار جۇمىس ىستەپ جاتىر»، - دەپ حابارلادى اقتوبە وبلىسى تجد ٴباسپاسوز قىزمەتى.

الدىن الا مالىمەتتەر بويىنشا، اۆتوبۋستىڭ ورتەنۋى سالدارىنان قازا بولعانداردىڭ باسىم بولىگى - وزبەكستان ازاماتتارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي