BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبە تۇرعىندارى ەندى قوقىستارىن ساتا الادى

اقتوبەدە «تازا قالا» مەردىگەر ۇيىمى تۇرعىنداردىڭ قولدانعان پلاستيكالىق جانە شىنى بوتەلكەلەرىن، تۇرمىستىق حيميانىڭ فلاكونىن، كارتون، پاكەت جانە قاپتاردى اقشاعا ساتىپ الادى، دەپ حابارلايدى baq.kz اقپارات اگەنتتىگى «مەنىڭ قالام» پورتالىنا سىلتەمە جاساپ.

ٴبىراق اقتوبەلىكتەر قوقىس ساتىپ، اقشا تابۋعا اسىعار ەمەس. قالا تۇرعىندارىنىڭ ايتۋىنشا، مۇنداي لاس جۇمىستىڭ اقشاسى ماردىمسىز. كادەگە جارايتىن شيكىزاتتى كيلوگرامداپ ولشەپ الادى. كارتوننىڭ ٴبىر كيلوگرامى 8 تەڭگە، بوتەلكە 2 تەڭگە، باكلاجكا مەن پاكەت 20 تەڭگە، قاپ 4 تەڭگەگە قابىلدانادى. قوقىستى قابىلدايتىن جەر قالا سىرتىندا، وقشاۋلانىپ تۇر.

زاتتاردى قابىلدايتىن دانياردىڭ ايتۋىنشا، پۋنكت اشىلعالى بەرى ٴبىر كيلو دا شيكىزات تۇسپەپتى.

«جاقسى اقشا ىستەۋ ٴۇشىن، «گازەلمەن» اكەلۋ كەرەك. ٴبىراق ازىرگە مۇنداي قوقىس كەلگەن جوق.

پلاستيك پەن پوليەتيلەن قالدىقتارى – ٴبىر جىل بۇرىن اقتوبەنىڭ قوقىس پوليگونىندا جينالا باستادى. «سويۋز گرانت» جشس بۇل جەردەن ىرىكتەيتىن كەشەن اشتى. جىلىنا 200 مىڭ توننا قوقىستى ٴبولىپ شىعاراتىن. كاسىپورىن ىرىكتەپ العان قوقىستى رەسەيگە جىبەرەدى. ال ولار ونى شيكىزات رەتىندە پايدالانادى.

«سويۋز گرانت» كوپقاباتتى ۇيلەردىڭ اۋلاسىندا پلاستيكالىق قوقىستارعا ارنالعان كونتەينەرلەر قويدى. قالا تۇرعىندارى قوقىستى ٴبولىپ سالۋعا ەندى داعدىلانىپ جاتىر. ٴبىراق بۇدان قوقىس ازايار ەمەس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي