BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبە وبلىسىنىڭ جول قىزمەتى كوكتايعاققا قارسى ماتەريالدار مەن قوسپالار دايىندادى

فوتو: Autonews.ua

استانا، baq.kz. وبلىس اكىمى بەردىبەك ساپاربايەۆتىڭ توراعالىعىمەن وتكەن جيىندا جەرگىلىكتى جانە رەسپۋبليككاالىق ماڭىزى بار اۆتوكولىك جولدارىنىڭ قىسقى جاعدايى تالقىلاندى.

وڭىردەگى كولىك جولدارىنىڭ جالپى ۇزىندىعى 6 946،3 شاقىرىمدى قۇرايدى. وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ايازباي وسمانعاليەۆتىڭ ايتۋىنشا، قىسقى كەزەڭدە وبلىستىق جانە اۋداندىق ماڭىزى بار 5 مىڭ شاقىرىمنان استام كولىك جولىنا قىزمەت كورسەتۋ ٴۇشىن 38 كاسىپورىن جۇمىلدىرىلعان، ولاردىڭ اكتيۆتەرىندە 266 بىرلىك تەحنيكا بار. كوكتايعاققا قارسى ينەرتتى ماتەريالداردىڭ قاجەتتى قورى - 2500 توننا، كولەمى 500 توننالى ديزەل وتىنىنىڭ رەزەرۆى قۇرىلدى. اۋا رايىنىڭ ناشارلاۋىنا جەدەل ارەكەت ەتۋ ٴۇشىن 1 جەلتوقساننان باستاپ كەزەكشىلىك ۇيىمداستىرىلدى. «دوڭ-بادامشا-اقتوبە-ورسك»، «اقتوبە-بولگار-شۇبارقۇدىق» جانە «پوكروۆكا-تەمىر-كەڭقياق-ەمبى» كولىك جولدارىنىڭ قار قاتتى باسىپ قالاتىن جەرلەرىنە 12 مىڭ مەترلىك جاساندى قار توقتاتاتىن قوندىرعىلار ورناتىلۋدا.

سونىمەن قاتار، اقتوبە كوشەلەرىن، اينالما جولداردى ۋاقىتىندا تازالاۋ ٴۇشىن 15 ارنايى كاسىپورىن ەڭبەك ەتىپ جاتىر، 250 بىرلىك ارنايى تەحنيكا جۇمىلدىرىلدى. كوكتايعاقپەن كۇرەسۋگە مىڭ توننا قۇمدى-تۇزدى قوسپا مەن 700 توننا تۇز دايىندالدى. 17 بىرلىك قۇمشاشىراتقىش تاۋلىك بويى دايىن تۇرادى. سونداي-اق، ارنايى تەحنيكا مەن جاۋاپتى تۇلعالاردىڭ تاۋلىك بويعى كەزەكشىلىگى ۇيىمداستىرىلدى.

«قازاۆتوجول» ۇك» اق رەسپۋبليكالىق ماڭىزى بار 1676 شاقىرىم كولىك جولىنا قىزمەت كورسەتەدى. فيليال ديرەكتورى مارات ماحامبەتوۆتىڭ مالىمەتىنشە، قىسقى كەزەڭدە توتەنشە جاعدايدى بولدىرماۋ ٴۇشىن 7900 توننا كوكتايعاققا قارسى ماتەريال، 3900 قۇم-تۇز قوسپاسى، 600 توننا تۇز، 268 توننا ديزەل وتىنى جينالعان. ەكسپلۋاتاسيالىق قىزمەت قاراماعىندا قار تازارتاتىن 86 بىرلىك تەحنيكا بار. «قازاقاۆتوجولدىڭ» بارلىق 17 جول-ەكسپلۋاتاسيالىق جەرلەرىندە جىلىتۋ بەكەتتەرى ورنالاسقان. بۇدان باسقا، قالا سىرتىنداعى جولداردا جولدا قىزمەت كورسەتەتىن 74 نىسان بار، ولار توتەنشە جاعداي كەزەڭدەرىندە جىلىتۋ بەكەتى قىزمەتىن كورسەتەدى.

جيىن قورىتىندىسىندا ٴوڭىر باسشىسى ارنايى تەحنيكالردىڭ دايىندىعى مەن ينەرتتى ماتەريالداردىڭ بارىن ۇنەمى باقىلاۋدا ۇستاۋدى تاپسىردى. سونىمەن بىرگە، ٴوڭىر باسشىسى جولداعى قاردى قاردىڭ ٴتۇسۋىن كۇتپەي، تەز تازالاپ تاستاۋ كەرەكتىگىن ەرەكشە اتاپ ٴوتتى.

«اۆتوكولىك جاعدايىنا جاۋاپتى ۇيىمدار، مەكەمەلەر ادال نيەتپەن جۇمىس جاساۋلارى قاجەت. باستى مىندەت – كولىك قوزعالىسىنىڭ شەكتەلۋىنە جول بەرمەۋ. مەردىگەر مەكەمە باسشىلارىنان سىزدەرمەن وتىرعان كەلىسىمشارتتىڭ بارلىق تارماقتارىن ورىنداۋلارىڭىزدى سۇرايمىن»، - دەدى بەردىبەك ساپاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي