BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
استانا:

اقتوبە وبلىسىنىڭ ەكى اۋىلىندا كارانتين جاريالاندى

اقتوبە وبلىسى ويىل اۋدانىنىڭ ەكى اۋىلىندا برۋسەللەزدىڭ ۋشىعۋىنا بايلانىستى كارانتين جاريالاندى. بۇل تۋرالى ايماقتىق mgorod.kz پورتالى جازدى، دەپ حابارلايدى ۆaq.kz اقپارات اگەنتتىگى.

قاراتال جانە سارالجىن اۋىلدارىنىڭ تۇرعىندارى سيىرلارى مەن بۇزاۋلارىن شەتىنەن سويىپ جاتىر. سەبەبى جانۋارلاردان برۋسەللەز تابىلدى. ٴقاۋىپتى ينفەكسياعا بولا اۋىلداردا كارانتين جاريالاندى.

قاراتالدا 80 باس مال، سارالجىن اۋىلىندا 30 مال سويىلدى. اۋىل تۇرعىندارى شوشىپ وتىر. كەيبىرەۋلەرى بار مالىنان ايىرىلىپ قالدى. حالىق اۋرۋ مالعا بەرىلەتىن وتەماقى سوماسى شىعىنداردىڭ ورنىن تولتىرا المايتىنىنا نارازى.

«بىزگە سيىر باعاسىنىڭ 30 پايىزىن عانا بەرەدى. بۇل – از. مۇنداي تيىنعا تەك بۇزاۋ الۋعا بولادى. ال، ٴبىز ٴارى قاراي قالاي كۇن كورەمىز؟ بار تابىسىمىز – مال باعۋ. ەت قىلىپ ساتا المايمىز. ساتۋشىلار تەك 600-800 تەڭگەدەن عانا تولەيدى»، — دەپ شاعىمداندى قاراتال اۋىلىنىڭ تۇرعىنى جاۋعاشتى ٴجۇنىسوۆ.

ادامدار ينفەكسيانىڭ تارالۋىن توقتاتۋدى سۇرايدى. ال، شەنەۋنىكتەر مۇنداي جاعدايدا مالدى تۇگەل سويۋ كەرەك دەيدى.

«بيىل ويىل اۋدانىنا تولەماقى ٴۇشىن 10 ميلليون تەڭگە ٴبولىندى. ٴبىراق ول بارلىعىنا بەرىلمەيدى. تەك لابوراتوريا مالدىڭ ەتى زيان ەكەنىن راستاسا عانا وتەماقى تولەنەدى. ال، ەگەر ەتتى جەۋگە بولاتىن بولسا، وندا يەسىنە قايتارىلادى. كەيىن ەتتى ساتا ما، جوق پا، ٴوزى بىلەدى»، — دەدى ويىل اۋدانىنىڭ اكىمى بۇلبۇل كۇزەمبايەۆا

ٴبىراق اۋىل تۇرعىندارى قىستا ەتتى ساتۋ ٴتيىمسىز دەپ وتىر. سيىر ٴالى سەمىرگەن جوق. ونى سويعان سوڭ از اقشاعا عانا ساتۋعا بولادى. ال، ول اقشا باسقا مال ساتىپ الۋعا جەتپەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي