BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبە وبلىسىندا اۋىل اكىمدەرىنە جاڭا اۆتوكولىكتەر بەرىلدى

اقتوبەدە 25 اۋىلدىق وكرۋگتىڭ اكىمىنە سۋ جاڭا قىزمەتتىك كولىك بەرىلدى. شەنەۋنىكتەرگە كولىك الۋ ٴۇشىن وبلىستىق بيۋدجەتتەن 96 ميلليون تەڭگە قاراجات بولىنگەن، دەپ حابارلايدى baq.kz اقپارات اگەنتتىگى.

24.kz ارناسىنىڭ مالىمەتىنە قاراعاندا، جىل باسىندا 59 اۋىلدىق وكرۋگتىڭ اكىمى كولىكتەرىنىڭ ەسكىرگەندىگىن ايتىپ، ٴوتىنىش جازعان. ەندى بۇل ماسەلە شەشىمىن تابا باستادى. جاڭادان قۇرىلعان اۋىلدىق وكرۋگ باسشىلارى دا كولىكتى بولدى. ونىڭ ىشىندە قوبدا اۋدانىنداعى تالدىساي اۋىلدىق وكرۋگى دە بار. بولاشاعىنان زور ٴۇمىت كۇتتىرەتىن ەلدى مەكەننىڭ مىڭنان استام تۇرعىنى بار. جالپى وبلىستا 147 اۋىلدىق وكرۋگ تىركەلگەن.

"بۇعان دەيىنگى الىنعان اۆتوكولىك 2007 جىلى بەرىلگەن بولاتىن، ودان كەيىن ەندى ٴبىراز جىل ٴوتتى. ەندى ٴقازىر حالىقتىڭ ٴال-اۋقاتىن كوتەرۋگە، تۇرمىس-تىرشىلىگىن كوتەرۋگە، حالىقپەن تىعىز بايلانىس جاساۋعا، تۇكپىردەگى اۋىلدارعا بارىپ كەلىپ، قاتىناستى، ٴبىزدىڭ جۇمىسىمىزدى جۇيەلەندىرۋگە ۇلكەن كومەگىن تيگىزەدى" - دەيدى العا اۋدانى، مارجانبۇلاق اۋىلدىق وكرۋگىنىڭ اكىمى جومارت شاباروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي