BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقسۋدا اقشاقارلار فلەشموبى ٴوتتى

فوتو: pavlodarnews.kz

استانا، baq.kz. جاڭا 2019 جىل قارساڭىندا ٴسابيت دونەنتايەۆ اتىنداعى مادەنيەت سارايىنىڭ الاڭىندا قالالىق باس شىرشانىڭ شامدارى جاعىلدى. بۇل تۋرالى pavlodarnews.kz سايتى حابارلايدى.

اقسۋ قالاسىنىڭ اكىمى ٴباسپاسوز حاتشىسى باقىتگۇل ەسەلبايەۆانىڭ ايتۋىنشا، ايازدى كۇنگە قاراماستان اسەم شىرشانىڭ اينالاسىنا جينالعان قالا تۇرعىندارى مەن قوناقتارىنىڭ قاتارى قالىڭ بولدى.

«مەيىرىمدى ەرتەگى كەيىپكەرلەرى جينالعان قاۋىمدى ادەمى بيلەرىمەن قارسى الدى. ٴداستۇرلى شاراعا اقسۋ قالاسىنىڭ اكىمى بالعاباي ىبىرايەۆ قاتىستى. اياز اتا، اقشاقار جانە 2019 جىلدىڭ يەسى ىزگى تىلەكتەرىن ٴبىلدىردى. بۇدان كەيىن شاھار باسشىسى، اياز اتا مەن اقشاقار، قىس كەيىپكەرلەرى جاڭاجىلدىق شىرشانىڭ شامدارىن جاقتى»، - دەيدى باقىتگۇل ەسەلبايەۆا.

عاجايىپقا تولى تۇندە اسپان وتشاشۋمەن كومكەرىلىپ، جارق-جۇرق ەتكەن شىرشا شامدارى قوناقتاردى مەرەكەلىك كوڭىل-كۇي مەن شاتتىققا بولەدى. مۇنداي ەرەكشە سىيلىقتى قالا تۇرعىندارى مەن قوناقتارىنا ەۋروازياتتىق ەنەرگەتيكالىق كورپوراسياسى سىيعا تارتتى. الاڭدا جۇمىس ىستەگەن «اياز اتا شەبەرحاناسىندا» ٴارتۇرلى جانە ەرەكشە شىرشالاردى تاماشالاۋعا مۇمكىندىك بولدى.

ال «جاڭا جىلدىق ەرمەك» ويىن الاڭىندا بالالار مەن ەرەسەكتەر جىلدامدىق پەن ەپتىلىك بويىنشا سىڭعا ٴتۇستى. سونداي-اق جاڭا جىلدىق جارمەڭكە بارىسىندا مەرەكە قوناقتارىنا جاۋراپ قالماۋ ٴۇشىن تەگىن ىستىق شاي تاراتىلدى. «اياز اتا شەبەرحاناسى» شىرشالار فەستيۆالىنىڭ ۇزدىكتەرى ٴتۇرلى اتالىمدار بويىنشا ماراپاتتالدى. وعان قالانىڭ مەكتەپتەرى مەن بالاباقشالارى اتسالىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي