استانا: 
اقمولا وبلىسى، baq.kz ٴتىلشىسى. اقمولا وبلىسىندا سوڭعى ون اي ىشىندە 82 مىڭ جول قوزعالىسى ەرەجەسىن بۇزۋ وقيعاسى تىركەلدى. بۇل تۋرالى اقمولا وبلىستىق پوليسيا دەپارتامەنتىنىڭ باستىعى ەرجان سادەنوۆ حالىقپەن ەسەپتىك كەزدەسۋى بارىسىندا مالىمدەدى.
جىل باسىنان بەرى قىلمىس – 5،3%، زورلىق-زومبىلىق – 36،9%، توناۋ –11،5%، بۇزاقىلىق – 6،9%، كولىك ايداپ كەتۋ –2،8%، مال ۇرلىعى – 7،7% ازايعان. جاسوسپىرىمدەر تاراپىنان جاسالاتىن قىلمىستار 13،4 پايىزعا تومەندەگەن.
«مۇنىڭ ٴبارى پوليسيا قىزمەتكەرلەرىنىڭ قىراعىلىقتى كۇشەيتكەنىنىڭ ارقاسىندا جۇزەگە اسىپ وتىر. سوڭعى ون ايدا اۋىر جانە اسا اۋىر قىلمىستاردى اشۋ بويىنشا ەلىمىزدە الدىڭعى ورىندا تۇرمىز. دەپارتامەنتتە «ٴتيىمدى پوليسيا: ۋاقىتتى ۇتىمدى پايدالانۋ» اتتى پيلوتتىق جوبا قولعا الىندى. بۇل قاجەتسىز قۇجات اينالىمىن ازايتۋعا جانە ٴتارتىپ ساقشىلارىنىڭ جۇمىس ۋاقىتىن دۇرىس قولدانۋىنا ىقپال ەتپەك»، –دەدى ٴوز ەسەبىندە ەرجان سادەنوۆ.
بۇگىندە اۋلالار مەن قوعامدىق ورىنداردا 322 بەينەباقىلاۋ كامەرالارى ورناتىلعان. دەپارتامەنت باسشىسى جەرگىلىكتى ٴماسليحات دەپۋتاتتارىنا ٴوڭىردىڭ ەلدى مەكەندەرىنە وسىنداي قۇرىلعىلار ورناتۋعا قولقابىس ەتۋىن سۇرادى.
«بۇل ەڭ الدىمەن ازاماتتاردىڭ قاۋىپسىزدىگىن قامتاماسىز ەتپەك. جول-كولىك وقيعالارى ازايماي تۇر. كوڭىلگە ٴبىر دەمەۋ بولارلىعى، ودان زارداپ شەككەندەر مەن كوز جۇمعاندار سانىنىڭ ازايۋى. اپتا سايىن ٴتارتىپ ساقشىلارى «ٴقاۋىپسىز جول»، «ماس جۇرگىزۋشى»، «اۆتوبۋس»، «قاۋىپسىزدىك اپتاسى»، «جىلدامدىق»، «قاراما-قارسى جولاق»، «بالالاردىڭ جولداعى قاۋىپسىزدىگى»، «جولداعى قابىلداۋ» سياقتى جەدەل الدىن الۋ شارالارىن جۇرگىزەدى. سوڭعى ون ايدا 82 مىڭ جول قوزعالىسى ەرەجەسىن بۇزۋ دەرەگى تىركەلدى. سوت ارقىلى 2012 جۇرگىزۋشى كولىك ايداۋ قۇقىعىنان ايرىلىپ، ماس كۇيدەگى ٴ200-ى اكىمشىلىك قاماۋعا الىندى. كوكشەتاۋ قالاسىندا 6 جول قيىلىسىندا فوتو-بەينە تىركەۋ جۇرگىزىلەدى. دەپارتامەنت وكىلدەرى كوممۋنالدىق سالا ماماندارىمەن بىرلەسىپ 1863 رەت اۆتوجولداردىڭ ساپاسىن تەكسەردى. سوعان وراي 1863 حاتتاما تولتىرىلىپ، ٴتيىستى قىزمەت بولىمىنە جىبەرىلدى»، - دەدى ە.سادەنوۆ.
وبلىس ورتالىعىندا ٴقازىر 6 ستاسيونارلىق پوليسيا بەكەتتەرى جۇمىس ىستەيدى. كەلەر جىلى زەرەندى اۋدانىندا 5 ۋچاسكەلىك پوليسيا پۋنكتى سالىنادى.
«اۋدان ورتالىقتارى مەن ٴىرى ەلدى مەكەندەردىڭ بارىندە قىزمەتكەرلەرگە ارنالعان بەكەتتەر اشۋ قيىندىق تۋعىزادى. ويتكەنى ٴتارتىپ ساقشىلارىنا تۇراتىن جەر جوق. الدىمەن پاتەر ماسەلەسىن شەشىپ بارىپ قانا، قالعان ماسەلەنى رەتتەۋگە بولادى»، – دەپ ٴتۇسىندىردى ەرجان ساپاربەك ۇلى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1951 
0
6547
0