BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اكىم مەن كاسىپكەرلەر اراسىنداعى سوت. كىمدىكى دۇرىس، كىمدىكى بۇرىس؟

فوتو: Автор

پەتروپاۆلدا قالا اكىمى مەن كاسىپكەرلەر اراسىندا بىلتىر باستالعان داۋ – سوتقا جەتتى. «التىن بازار» اۋماعىندا ينتەرناسيونال كوشەسىنىڭ بويىندا ورنالاسقان دۇڭگىرشەك يەلەرى ٴوز ساۋدا نۇكتەلەرىنىڭ سۇرىلۋىنە قارسى. ال اكىمدىك ٴبىر كەزدەرى جەكەمەنشىك قولىنا ٴوتىپ كەتكەن جەر تەلىمدەرىن مەملەكەتكە قايتارماق نيەتتە، دەپ حابارلايدى baq.kz ٴتىلشىسى.

پەتروپاۆلدىڭ ورتالىق كوشەلەرىندە، اسىرەسە «التىن بازار» ماڭىندا قاز-قاتار تىزىلگەن دۇڭگىرشەكتەردەن اياق الىپ ٴجۇرۋ قيىن. ولاردىڭ كوبى كوممۋنيكاسيالىق جەلىلەر وتەتىن «قىزىل جولاقتاردىڭ» ۇستىندە ورنالاسقان. وسىنى العا تارتقان جەرگىلىكتى اكىمدىك ۇساق ساۋدا نۇكتەلەرىن ٴسۇرىپ تاستاماق بولعان. بۇعان نارازى كاسىپكەرلەر پەتروپاۆل قالالىق سوتىنا شاعىمداندى. اتالعان داۋ-دامايعا قاتىستى ٴىس وتىرىسى باستالدى.

«پەتروپاۆل قالالىق سوتىنا 17 كاسىپكەر شاعىمداندى. كەلەسى سوت وتىرىسى قىركۇيەكتىڭ ٴ5-ى كۇنى وتەدى دەپ جوسپارلانعان. اتالعان ىسكە قاتىستى باسقا ايتارىم جوق. وتىرىس اشىق رەجيمدە ٴوتىپ جاتقاندىقتان، كەز كەلگەن ازامات وعان قاتىسا الادى»، - دەدى پەتروپاۆل قالالىق سوتىنىڭ ٴباسپاسوز-حاتشىسى دينارا تۇلەنگۇتوۆا.

ٴقازىر پەتروپاۆل قالاسىندا ەلەكتر جەلىلەرى اۋىستىرىلىپ جاتىر. شاھار بويىنشا 67 ساۋدا نۇكتەسى «قىزىل جولاقتىڭ» ۇستىندە تۇر.

«مۇنداي نىساندار جەلىلەردى اۋىستىرۋعا كەدەرگى كەلتىرىپ وتىر. سونىمەن قاتار، ولاردىڭ ورنالاسقان جەرى – قاۋىپسىزدىك تالاپتارىنا ساي كەلمەيدى. اتالعان ساۋدا نۇكتەلەرى تۇرعان جەر تەلىمدەرىنىڭ يەلەرىنە وتەماقى تولەپ، ونى مەملەكەت مەنشىگىنە قايتارماقپىز. ٴقازىر ونىڭ كولەمى ەسەپتەلىپ جاتىر»، - دەيدى پەتروپاۆل قالالىق اكىمدىگىنىڭ تۇكش، جولاۋشىلار كولىگى جانە اۆتوبوميل جولدارى ٴبولىمىنىڭ ٴباسپاسوز xاتشىسى اسەم ايتوللا.

شاعىمدانۋشى تاراپ جىلدار بويى اينالىسىپ كەلە جاتقان كاسىپتەرىنىڭ توقتاپ قالاتىنىنا نارازى. ولار ٴوز مۇددەلەرىن قورعاۋ ماقساتىندا ەلباسىنا دەيىن بارۋعا دايىن ەكەندىكتەرىن ايتتى.

«اكىمدىك بىزگە وتەماقى ۇسىنىپ وتىر. ونداي قارجىعا كاسىبىمىزدى باسقا جەردە جالعاستىرۋ مۇمكىن ەمەس. جەرگىلىكتى بيلىك ٴبىزدىڭ ساۋالدارىمىزعا ماردىمدى جاۋاپ قايىرا الماي وتىر. ٴبىز ٴوز قۇقىعىمىزدى قورعاۋ ٴۇشىن بارىنە دايىنبىز. العان بەتىمىزدەن تايىنبايمىز»، - دەيدى پەتروپاۆلدىق كاسىپكەر ولەگ حايرۋللين.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي