استانا: 
1732 
0
استانا، baq.kz. ەلباسى قازاقستان حالقىنا ارناعان جولداۋىندا ۇكىمەتكە ەڭ تومەنگى جالاقىنى 1،5 ەسە كوتەرۋدى تاپسىرعان بولاتىن. مەملەكەت باسشىسىنىڭ قويعان مىندەتىن ىسكە اسىرۋ ناتيجەسىندە اقتوبەلىكتەردىڭ ايلىق تابىسى وسپەك. بۇل تۋرالى aktobetv.kz سايتى حابارلايدى.
جالپىلاي العاندا، شامامەن 70 مىڭنان استام اقتوبەلىكتىڭ جالاقىسى وسەدى دەپ كۇتىلۋدە. ول ٴۇشىن رەسپۋبليكالىق بيۋدجەتتەن 4 ملرد تەڭگە قارجى بولىنبەك. ٴارى، تەك بيۋدجەتتىك مەكەمە قىزمەتكەرلەرىنىڭ عانا ەمەس، ٴتۇرلى مەنشىكتەگى كاسىپورىندار مەن كومپانيا جۇمىسشىلارىنىڭ دا تابىسىن ٴوسىرۋ كوزدەلگەن.
وبلىس اكىمى جالاقىنى ٴوسىرۋ ٴاربىر سالانى قامتۋى كەرەك دەپ قاداپ ايتتى. وتىرىس بارىسىندا، جالاقى دەڭگەيىن كوتەرۋگە قاتىستى اۋدان اكىمدەرى، باسقارما باسشىلارى باياندادى.
جيىن سوڭىندا وبلىس اكىمى ايلىق تابىستى كوتەرۋگە قاتىستى جۇمىستاردى ودان ٴارى جالعاستىرۋ كەرەكتىگىن ايتىپ، جاۋاپتى باسشىلارعا ناقتى تاپسىرمالار بەردى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6536
0