تۇركىتىلدەس ەلدەردىڭ جۋرناليستەرى تۇركىستاندا باس قوستى

فوتو: Түркістан облысы әкімдігі

استانا، baq.kz. تۇركىستاندا «túrkistan: jańa aqparattyq keńistik» اتتى حالىقارالىق جۋرناليستەر فورۋمى ٴوتتى.

اتالعان شاراعا ەلىمىزبەن قاتار تۇركيا، قىرعىزستان، ٴازىربايجان جانە تاتارستان ەلدەرىنىڭ اقپاراتتىق اگەنتتىكتەرى مەن بەلدى باسىلىمداردىڭ جەتەكشىلەرى، تۇركىستان وبلىسىنداعى باق باسشىلارى مەن وكىلدەرى عالىمدار جانە ستۋدەنتتەر قاتىستى.

فورۋمنىڭ ماقساتى – تۇركىستان وبلىسىنىڭ باستى برەندىن قالىپتاستىرۋ، وبلىستىڭ وڭ ٴيميدجىن كوتەرۋ، سونداي-اق، تۇركىستان قالاسىن تۇركى الەمىنىڭ رۋحاني ورتالىعىنا اينالدىرۋ، وڭىردەگى يگىلىكتى ىستەردى تۇركىتىلدەس ەلدەردىڭ باق-دا تاراتۋ جانە وزگە مەملەكەتتەرىمەن اقپاراتتىق سالادا ىنتىماقتاستىقتى ارتتىرۋ. سونىمەن قاتار، ٴوڭىر جۋرناليستيكاسىن دامىتۋ باعىتىنداعى تىڭ يدەيالار مەن باستامالاردى جۇيەلەۋ دە كوزدەلگەن.

فورۋمنىڭ اشىلۋىندا وبلىس اكىمى جانسەيىت تۇيمەبايەۆ ٴسوز سويلەدى. ول جيىننىڭ ماڭىزدىلىعىنا توقتالىپ، مەديا كەڭىستىكتى دامىتۋ، كيەلى شاhاردى تۇركى الەمىنىڭ رۋحاني ورتالىعىنا اينالدىرۋ جولىندا وسىنداي كەلەلى كەڭەستەردىڭ وڭ ىقپال ەتەتىنىن ايتتى.

«ەلباسىمىز تۇركىستان قالاسىن تۇركى الەمىنىڭ رۋحاني ورتالىعىنا جانە الەم تۋريستەرى كەلۋگە اسىعاتىن قالاعا اينالدىرۋ جونىندە تاپسىرما بەرگەن بولاتىن. قازاقستان حالقىنا ارناعان «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋىندا دا تۋريزم ماسەلەسىنە ەرەكشە توقتالدى. ٴتۋريزمدى دامىتۋدا اقپاراتتىق ماڭىزى زور. بۇگىن شەتەلدىك اقپارات قۇرالدارى وكىلدەرىن، ەلىمىزدىڭ جەتەكشى تەلەارنالارى مەن باسىلىمدارىنىڭ باسشىلارىن، وڭىردەگى رەداكتورلار مەن جۋرناليستەردىڭ باسىن قوسۋداعى ماقساتىمىز دا – بىرلەسىپ جۇمىس ىستەۋگە شاقىرۋ. وبلىستى دامىتۋ ٴھام تۇلەتۋ باعىتىنداعى وي-پىكىرلەرىن ٴبىلۋ. قالانى كوركەيتۋگە جانە جۋرناليستيكانى دامىتۋعا ارنالعان ۇسىنىستاردى تىڭداۋعا ٴازىرمىز. بۇگىندە وبلىس ورتالىعىنا مەملەكەتتىك قىزمەتكەرلەرمەن قاتار ٴبىرقاتار جۋرناليستەر كوشىپ كەلدى. ولار تۇركىستاننىڭ جاڭا جىلناماسىن جازىپ جاتىر. سىزدەردى دە تۇركى الەمىنىڭ رۋحاني ورتالىعىنا جۇمىس ىستەۋگە شاقىرامىن. بۇگىنگى فورۋم جۋرناليستەر قاۋىمىنا تىڭ سەرپىن بەرىپ، جاڭا شىعارماشىلىق ىزدەنىستەرگە جەتەلەيدى دەپ سەنەمىن. تاجىريبە الماسۋ، پىكىرلەسۋ، اقىلداسۋ ارقىلى جۋرناليستيكا داميدى. فورۋم جۇمىسىنا ساتتىلىك تىلەيمىن!»، – دەدى ج.تۇيمەبايەۆ.

وسى فورۋمعا تۇركىتىلدەس ەلدەردەن ارنايى شاقىرىلعان اقپارات قۇرالدارىنىڭ جەتەكشىلەرى مەن وكىلدەرى الداعى ۋاقىتتا وبلىستى حالىقارالىق دەڭگەيدە ناسيحاتتاۋعا ۇلەس قوسپاق. سونداي-اق شىنايى ٴارى ساپالى اقپارات ارقىلى ٴتۋريزمدى دامىتىپ، ينۆەستيسيا تارتۋعا كوپ كوڭىل ٴبولىپ وتىرعانىن تىلگە تيەك ەتتى.

سونىمەن قاتار، فورۋم بارىسىندا قازاقستانعا بەلگىلى جۋرناليستەر مەن شەتەلدىك باق وكىلدەرى وسىنداي ەركىن پىكىر الاڭىن قۇرۋ اقپارات كەڭىستىگىنىڭ اشىقتىعىن ودان ٴارى ارتتىرۋعا مۇمكىندىك بەرەتىنىنە نازار اۋداردى.

باسقوسۋدا قازاقستاندىق جانە شەتەلدىك باق وكىلدەرى جۋرناليستيكانى دامىتۋ، تۇركىستاندى گۇلدەندىرۋ باعىتىنداعى پىكىرلەرى مەن ويلارىن ايتتى.

فورۋم اياسىندا تۇركىستان وبلىسى ىشكى ساياسات بارقارماسى مەن شەتەل باسىلىمدارى اراسىندا كەلىسىمدەر مەن مەموراندۋمعا قول قويىلدى. جاڭادان اشىلعان «تۇركىستان مەديا» حالىقارالىق ورتالىعى ارقىلى ەندى وبلىس تۋرالى اقپاراتتاردى تۇركىتىلدەس ەلدەردىڭ باق-دا 5 تىلدە (ٴازىربايجان، تۇرىك، وزبەك، قىرعىز، ورىس) تاراتۋ جونىندە شەتەلدىك اقپارات قۇرالدارىمەن كەلىسىم جاسالدى.

فورۋمعا قاتىسۋشىلار جۋرناليستيكا سالاسىنداعى سوڭعى جاڭالىقتارعا توقتالىپ، جاڭا اقپارات كەڭىستىگىندە تۇركىستاننىڭ جۋرناليستيكاسى زامان كوشىنەن قالمايتىنىنا سەنىم ٴبىلدىردى. كيەلى مەكەننىڭ تۋريستىك جانە رۋحاني الەۋەتىن كوتەرۋدە وسىنداي فورۋمداردىڭ وڭ سەرپىن بەرەتىنىن اتاپ ٴوتىپ، اقپارات ايدىنىندا تۇركىستاننىڭ دامۋىنا قولداۋ كورسەتۋگە دايىن ەكەندەرىن جەتكىزدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!