BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

1-توپ مۇگەدەكتەرىن اسىراعاندارعا كۇنكورىس دەڭگەيىنەن كەم ەمەس جاردەماقى بەرىلەدى

الماتى قالاسى وڭىرلىك كوممۋنيكاسيالار قىزمەتىندە ەڭبەك، الەۋمەتتىك قورعاۋ جانە كوشى-قون كوميتەتىنىڭ الماتى قالاسى بويىنشا دەپارتامەنتىنىڭ باسشىسى ا.نارماتوۆتىڭ قاتىسۋىمەن بريفينگ ٴوتتى، دەپ حابارلايدى baq.kz اقپارات اگەنتتىگى.

«مەملەكەت باسشىسى ٴوزىنىڭ جىل سايىنعى جولداۋىندا مەملەكەت بارلىق الەۋمەتتىك مىندەتتەمەلەردى تولىقتاي ورىندايتىنىن ايتقان ەدى. ماسەلەن، مەملەكەت باسشىسىنىڭ تاپسىرماسىن ورىنداۋ ٴۇشىن اعىمداعى جىلعى 1 قاڭتاردان باستاپ ىنتىماقتى زەينەتاقى 8% جانە بازالىق زەينەتاقى مەن باسقا دا الەۋمەتتىك جاردەماقىلار 6%-عا دەيىن ارتتىرىلدى. بازالىق زەينەتاقىنى قوسا العاندا، ەڭ تومەنگى زەينەتاقى بۇگىنگى كۇنى 49 019 تەڭگەنى قۇرايدى»، – دەدى ول ٴوز سوزىندە.

سونداي-اق، ول مەملەكەت باسشىسىنىڭ ٴوز جولداۋىندا كامەلەتكە تولعان بالا جاستان 1-توپ مۇگەدەكتەرىن كۇتىپ-باعۋدى جۇزەگە اسىراتىن ادامدار ٴۇشىن 2018 جىلعى 1 شىلدەدەن باستاپ اي سايىن 1 كۇنكورىس دەنگەيىنەن كەم ەمەس مولشەرىندە قوسىمشا مەملەكەتتىك جاردەماقى ەنگىزۋدى تاپسىرعانىن ايتىپ ٴوتتى.

«بۇل جاردەماقىنى تاعايىنداۋ قاعيدالارى مەن ٴتارتىبىن قر ەڭبەك جانە حالىقتى الەۋمەتتىك قورعاۋ مينيسترلىگى قىسقا مەرزىم ىشىندە ازىرلەپ، حالىق نازارىنا جەتكىزەتىن بولادى. وسىلايشا، مەملەكەت جۇرگىزىپ وتىرعان الەۋمەتتىك ساياسات حالىقتىڭ ٴومىر ٴسۇرۋ ساپاسىن ۇدايى ارتتىرۋعا باعىتتالعان»، – دەدى نارماتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي