BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جۇمىسپەن قامتۋ باعدارلاماسىنىڭ قاتىسۋشىسى 426،4 مىڭنان استى

استانا. 9 جەلتوقسان. baq.kz – بۇگىن «نۇر وتان» پارتياسىنىڭ ورتالىق اپپاراتىندا پارلامەنت ٴماجىلىسىنىڭ جانە ٴماسليحات دەپۋتاتتارىنىڭ، دەنساۋلىق ساقتاۋ جانە الەۋمەتتىك دامۋ، ٴبىلىم جانە عىلىم مينيسترلىگى مەن ۇكىمەتتىك ەمەس ۇيىمدار وكىلدەرىنىڭ باسىن قوسقان القالى جيىن بولىپ ٴوتتى. ماجىلىستەگى «نۇر وتان» پارتياسى فراكسياسىنىڭ مۇشەسى گۇلميرا يسىمبايەۆا جەتەكشىلىك ەتكەن وتىرىس سايلاۋالدى تۇعىرنامانىڭ «تۇرعىنداردىڭ جۇمىسپەن قامتىلۋى مەن تابىسى» باعىتى بويىنشا ٴوربىدى، - دەپ حابارلايدى baq.kz ٴتىلشىسى.

وتىرىستا بايانداما جاساعان دەنساۋلىق ساقتاۋ جانە الەۋمەتتىك دامۋ ۆيسە-مينيسترى داۋلەت ارعىندىقوۆ «جۇمىسپەن قامتۋدىڭ جول كارتاسى – 2020» باعدارلاماسىنىڭ نەگىزگى باعىتتارىن ىسكە اسىرۋ كەزەڭىندە، 2011 جىلدان باستاپ وعان قاتىسۋ ٴۇشىن 485،5 مىڭ ادام ٴوتىنىش بىلدىرگەندىگىن ايتتى.

- ال ٴىس جۇزىندە 426،4 مىڭنان استام ادام الەۋمەتتىك شارتقا قول قويىپ، وسى باعدارلامانىڭ قاتىسۋشىسى اتاندى، - دەدى ول ٴوز سوزىندە.

ايتا كەتەيىك، باسقوسۋدا اعىمداعى جىلدىڭ ون ايىنداعى «جۇمىسپەن قامتۋدىڭ جول كارتاسى – 2020» باعدارلاماسىنىڭ نەگىزگى باعىتى بويىنشا ماسەلەلەردىڭ ىسكە اسىرىلۋ جايى جان-جاقتى تالقىلاندى. سونىمەن قاتار، پارتيانىڭ سايلاۋالدى تۇعىرناماسىنىڭ ورىندالۋى مەن باعدارلامانىڭ وڭىرلەردەگى تۇرعىندار تابىسىنىڭ وسۋىنە ۇلەسى، كەدەيشىلىكتى تومەندەتۋگە ىقپال ەتۋ ماسەلەسى دە نازاردان تىس قالمادى.


نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي