جۇمىس بەرۋشىدەن ەڭبەك شارتىن جاساسۋدى تالاپ ەتۋ كەرەك – تالعات رازاكوۆ   - قوعام|19 قىركۇيەك 2018، 15:12
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جۇمىس بەرۋشىدەن ەڭبەك شارتىن جاساسۋدى تالاپ ەتۋ كەرەك – تالعات رازاكوۆ  

فوتو: интернеттен

10 جۇمىس بەرۋشىگە 1،5 ملن تەڭگە كولەمىندە ايىپپۇل سالىندى. بۇل تۋرالى الماتىدا وتكەن بريفينگتە الماتى قالاسى ەڭبەك ينسپەكسياسى جانە كوشى قون باسقارماسىنىڭ باسشىسى تالعات رازاكوۆ ايتتى، دەپ حابارلايدى baq.kz ٴتىلشىسى.

ونىڭ ايتۋىنشا، مەملەكەتتىك كىرىس دەپارتامەنتى جۇمىسپەن قامتۋ ورتالىعىمەن مزج جوق جۇمىس جاسايتىندار سانى 13 376-عا جەتتى. وسى تىزىمنەن، 5941 جۇمىسشىنىڭ ناقتى جۇمىس ورنىنىڭ اتاۋى بەلگىلى بولدى، ونىڭ بۇگىنگى تاڭدا جۇزەگە اسىرىلعانى - 4334.
جۇمىس بەرۋشىلەر مەن قىزمەتكەرلەر اراسىندا ەڭبەك شارتتارىن جاساسۋ ٴۇشىن ەڭبەك زاڭناماسىنىڭ نورمالارىن ٴتۇسىندىرۋ بويىنشا شارالار جۇرگىزىلۋدە. بۇگىنگى كۇنى 113 قىزمەتكەرمەن ەڭبەك كەلىسىمشارتىنا قول قويىلدى جانە 1 205 كاسىپورىنعا اتالعان تۇلعالاردىڭ جۇمىس ىستەمەيتىنىن حابارلادى.

«ەڭبەك شارتتارىن جاساسۋ ٴۇشىن ۇسىنىلعان الەۋمەتتىك جانە سالىق جەڭىلدىكتەرى بويىنشا 2518 جۇمىس بەرۋشىگە جىبەرىلدى. وزدەرىڭىز بىلەتىندەي، جۇمىسقا قابىلداۋ كەزىندە ەڭبەك شارتىن جاساسۋ مىندەتتى بولىپ تابىلادى. ەڭبەك شارتىن جاساسۋ مىندەتتەمەسى جۇمىس بەرۋشىگە جۇكتەلەدى. قىزمەتكەر جۇمىس بەرۋشىدەن ەڭبەك شارتىن جاساسۋدى تالاپ ەتۋگە قۇقىلى. ٴوز كەزەگىندە بۇل قىزمەتكەردىڭ ٴوزى ٴۇشىن كەرەك. ويتكەنى ەرتەڭ قاندايدا ٴبىر داۋلى ماسەلە تۋىنداعاندا ەڭبەك شارتىنسىز ونى دالەلدەۋ قيىنعا سوعادى»، -دەيدى ول.

سونىمەن قاتار ول، «ەڭبەك شارتىن جاساڭىز!» رەسپۋبليكالىق اكسياسىن ەڭبەك مينيسترلىگى ماقۇلداعانىن جەتكىزدى.

«بۇل اكسيانىڭ ماقساتى - بەيرەسمي ەڭبەك قاتىناستارىن بولدىرماۋ جانە انىقتاۋ، ەڭبەك قاتىناستارىنىڭ جاسىرىن نىساندارىن قىسقارتۋ جانە ازاماتتاردىڭ جۇمىسىنداعى ٴوز قۇقىقتارى تۋرالى اقپاراتتاندىرۋ»، -دەيدى تالعات رازاكوۆ.

باسقارمامەن اكسيا اياسىندا 201 جۇمىس بەرۋشىگە 954 قىزمەتكەرمەن ەڭبەك شارتىن جاساسۋ بويىنشا جۇمىس جۇرگىزگەن.

«مەملەكەتتىك ەڭبەك ينسپەكتورلارى 2018 جىلدىڭ وتكەن كەزەڭىندە تەكسەرىس بارىسىندا 17 قىزمەتكەرمەن ەڭبەك شارتىنىڭ جاسالماعاندىعىنان 17 فاكتىنى انىقتادى. ناتيجەسىندە 10 جۇمىس بەرۋشىگە قاتىستى 1،5 ملن تەڭگەگە 10 اكىمشىلىك ايىپپۇل سالىنعان. ەڭبەك زاڭناماسىنىڭ نورماتيۆتەرىن ٴتۇسىندىرۋ ماقساتىندا قالا كاسىپورىندارىندا 4 361 ادام قاتىسقان 215 كەزدەسۋ وتكىزىلدى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي