BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىلدىڭ ەڭ ۇزدىك جاس كاسىپكەرى 1 ملن تەڭگەگە يە بولدى

فوتو: Автор

بۇگىن «اتامەكەن» ۇلتتىق كاسىپكەرلەر پالاتاسىنىڭ ۇيىمداستىرۋىمەن العاش رەت وتكەن «جىلدىڭ ۇزدىك كاسىپكەرى» بايقاۋىنىڭ جەڭىمپازدارى بەلگىلى بولدى، دەپ حابارلايدى baq.kz ٴتىلشىسى.

«بيزنەستىڭ جول كارتاسى – 2020» باعدارلاماسى اياسىندا وتكەن بايقاۋعا 16-دان 29 جاس ارالىعىنداعى جاس كاسىپكەرلەر قاتىستى. «اتامەكەن» ۇكپ قوعاممەن بايلانىس دەپارتامەنتىنىڭ ديرەكتورى شۇعا ناۋرىزبايەۆانىڭ ايتۋىنشا بايقاۋعا قازاقستاننىڭ بارلىق ايماعىنان 51 ٴوتىنىم كەلىپ تۇسكەن.

«جاس كاسىپكەرلەرگە قولداۋ كورسەتۋ ماقساتىندا كاسىپكەرلەر پالاتاسىنىڭ ۇيىمداستىرۋىمەن العاش رەت وتكىزىلدى. قاتىسۋشىلار – بيزنەستىڭ جول كارتاسى باعدارلاماسى اياسىندا سەرۆيستىك كومەك العان، ماقسات-مىندەتتەرىن انىقتاعان كاسىپكەرلەر. ٴوتىنىم جيناعان كەزدە وسىنشاما يننوۆاسيالىق جوبالاردى كورە وتىرىپ بەلدى كاسىپكەرلەردىڭ ٴوسىپ كەلە جاتقانىن بايقادىق. جەرگىلىكتى قامتۋ، جاڭاشىلدىعى، جوبانىڭ تيىمدىلىگى، الەۋمەتتىك باعىتتى قامتۋى، بيۋدجەتتىگى، ياعني از اقشامەن العاشقى ستارتاپىن جاساۋى دەگەن سەكىلدى كريتەرييلەرگە ٴمان بەردىك»، - دەپ اتاپ ٴوتتى ول.

بايقاۋ قورىتىندىسى بويىنشا 1-ورىنعا تاڭىربەرگەن ەسبولوۆ يە بولدى. وعان 1 ملن تەڭگە سوماسىندا اقشالاي سىيلىق تابىستالدى.

ول جاساندى روتانگتان جيھاز دايىندايتىن «رويال كومفورت» فابريكاسىنىڭ نەگىزىن قالاعان.

«جىگەرىمنىڭ ارقاسىندا تابىسقا جەتتىم. قۇلايتىن ساتتەر دە جاسىماي ماقساتىڭا قاراي ۇمتىلۋىڭ كەرەك. وسىعان دەيىن پاتەرلەردى جوندەۋ، ينتەرەر، ديزاين جۇمىستارىمەن اينالىستىم. «بيزنەستىڭ جول كارتاسى» بويىنشا ەكى اپتالىق كۋرسقا قاتىستىم. ماركەتينگ، بۋحگالتەرلىك ەسەپ، بيزنەستى جۇرگىزۋ نەگىزىن ۇيرەندىك. ٴارى قاراي بيزنەس-جوسپار قۇرۋعا كومەكتەستى. «بيزنەستىڭ جول كارتاسى – 2020» باعدارلاماسى بويىنشا 3 ملن تەڭگەگە دەيىنگى كەپىلدىككە قاتىسۋدى ۇسىنىپ، گرانت ۇتىپ الدىم. بۇگىندە ترەندتەگى جاساندى روتانگتان جاسالعان جيھازداردى جاساۋ تەحنولوگياسىن زەرتتەپ، گرانت پەن ٴوز قارجىمدى قوسىپ، وسى ٴوندىرىس ورنىن اشتىم. وسىعان دەيىن دە بيزنەسپەن اينالىستىم. فابريكادا ازىرگە 5 مامان بار. ولار ۋكراينادان كەلگەن ماماننان وقىپ شىقتى»، - دەدى جاس كاسىپكەر.

روتانگ – وسىمدىك. ال اتالعان فابريكا جاساندى روتانگتى ٴوندىرىپ، الىنعان ماتەريالدان جيھاز دايىندايدى. تولىق سيكلدى ٴوندىرىس ورنىنىڭ يەسى جۇمىسشىلاردىڭ سانىن 30-عا جەتكىزۋدى جوسپارلاپ وتىر.

«نەگىزگى ماماندىعىم – ينجەنەر-قۇرىلىسشى. وسىنداي جيھازدار قىتايدان اكەلىنە باستادى. سونىڭ ٴبارىن زەرتتەپ نەگە وزىمىزدە شىعارماسقا دەدپ ويلادىم. ٴبىزدىڭ فابريكانىڭ ٴونىمى قىتاي، تۇركيادان كەلەتىن جيھازداردان الدەقايدا ارزان. سەبەبى شيكىزاتتان باستاپ ٴبارىن ٴوزىمىز دايىندايمىز»، - دەپ ٴوز كاسىبىمەن ٴبولىستى.

ەكىنشى ورىنعا يە بولعان اقتوبەلىك ارمان ساكيشەۆ 500 مىڭ تەڭگەلىك سەرتيفيكاتپەن ماراپاتتالدى. ول «dental-centre» جشس جوباسىنىڭ نەگىزىن قالاۋشى. بۇل ٴتىس ەمحاناسى قازىرگى زامانعى جوعارى تەحنولوگيالاردى نەگىزگە الا وتىرىپ جۇمىس ىستەيدى.

تالدىقورعاندىق جاس كاسىپكەر ەلدوسبايالىشبايەۆ بايقاۋدىڭ ٴۇشىنشى ورنىن يەلەنىپ، 300 مىڭ تەڭگەمەن ماراپاتتالدى. ول جول-كولىك اپاتىنان سوڭ جاراقات الىپ، جۇرە الماي قالعان. الايدا جاتتىعۋلار مەن ەمدىك، شىنىقتىرۋ شارالارىنىڭ ارقاسىندا اياقتانىپ، اياعى مەن قولىنىڭ جۇمىسىن قالپىنا كەلتىردى. وسىدان كەيىن ەلدوس ٴوزى سەكىلدى قيىن جاعدايعا تاپ بولعان جاندارعا كومەك كورسەتۋ ٴۇشىن «بيزنەستىڭ جول كارتاسى – 2020» باعدارلاماسىنا قاتىسىپ مۇگەدەك جاندارعا ارناپ سپورتتىق ساۋىقتىرۋ ورتالىعىن اشۋعا 3 ملن تەڭگەنىڭ گرانتىن جەڭىپ الدى. الداعى ۋاقىتتا الماتى وبلىسىندا مۇگەدەكتەرگە ارنالعان حوستەل اشۋدى جوسپارلاپ وتىر.

سونداي-اق، جاس كاسىپكەرلەر اراسىنداعى «جىلدىڭ ۇزدىك كاسىپكەرى» ىنتالاندىرۋ سىيلىعىمەن ۆيكتوريا ۆولوشينا ماراپاتتالدى. وعان 200 مىڭ تەڭگە كولەمىندە سەرتيفيكات تابىستالدى.

ايتا كەتسەك، «اتامەكەن» ۇكپ 2015 جىلدان باستاپ قارجىلاي ەمەس قولداۋ باعىتىندا ٴبىرقاتار شارالار جۇرگىزىپ كەلەدى. ٴار وڭىردە كاسىپكەرلەرگە قولداۋ كورسەتۋ ورتالىقتارى بار. ول جەرلەردە 200 مىڭنان استام ادامعا سەرۆيستىك قىزمەت كورسەتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي