BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىل باسىنان بەرى ەلوردالىق ەمدەۋ مەكەمەلەرىنە 77،1 ملرد تەڭگە تولەندى

استانا، baq.kz. الەۋمەتتىك مەديسينالىق ساقتاندىرۋ قورى جىل باسىندا ەمدەۋ مەكەمەلەرىمەن تەگىن مەديسينالىق پاكەتى شەڭبەرىندە حالىققا تەگىن كومەك كورسەتۋ جونىندە كەلىسىمشارتتار جاساعان بولاتىن. وسى كەلىسىمشارتتار نەگىزىندە جىل باسىنان بەرى ەمدەۋ مەكەمەلەرى حالىققا تەگىن مەديسينالىق قىزمەت كورسەتتى. كورسەتىلگەن قىزمەت اقىسىن مەديسينالىق ساقتاندىرۋ قورى تولەيدى.

«ەلوردادا مەديسينالىق قىزمەتتەردى ساتىپ الۋدىڭ جوسپارلانعان سوماسى -88، 8 ملرد تەڭگە. 11 جەلتوقسانداعى مالىمەت بويىنشا، جىل باسىنان بەرى كەلىسىمشارت جاسالعان جەتكىزۋشى كومپانيالارعا 77،1 ملرد تەڭگەگە جۋىق قاراجات تولەندى. بۇل تەگىن مەديسينالىق كومەكتىڭ كەپىلدەندىرىلگەن كولەمى (تمككك) شەڭبەرىندە جاسالعان كەلىسىمشارت سوماسىنىڭ 87 پايىزىن قۇرايدى»، - دەدى ٴامسق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.

تولەمدەردىڭ باسىم بولىگى ستاسيونارلىق جانە ستاسيوناردى الماستىراتىن كومەككە (25،6 ملرد تەڭگە)، جوعارى تەحنولوگيالىق مەديسينالىق قىزمەتتەر (20،7 ملرد تەڭگە) ٴۇشىن، سونداي-اق، امبۋلاتورلىق-ەمحانالىق كومەك كورسەتۋ (10،4 ملرد تەڭگە) ٴۇشىن تولەندى.

قازىرگى تاڭدا استانا قالالىق فيليالىنىڭ مەديسينالىق قىزمەتتەردى جەتكىزۋشىلەر تىزىمىندە 85 مەكەمە بار، ولارمەن ستاسيونارلىق كومەك، العاشقى مەديسينالىق-سانيتارلىق كومەك، كونسۋلتاتيۆتىك-دياگنوستيكالىق كومەك، جەدەل جاردەم، جوعارى تەحنولوگيالىق مەديسينالىق قىزمەتتەر جانە تاعى باسقا قىزمەت تۇرلەرى بويىنشا 122 كەلىسىم شارت جاسالعان. جەتكىزۋشىلەر تىزىمىندەگى 36 مەديسينالىق ۇيىم – مەملەكەتتىك، ال 49-ى - جەكەمەنشىك. وتكەن جىلمەن سالىستىرعاندا جەكەمەنشىك ەمحانالاردىڭ سانى تاعى 13-كە ارتتى (استانالىق جەتكىزۋشىلەردىڭ تولىق ٴتىزىمى قوردىڭ fms.kz سايتىندا ورنالاسقان).

«ٴامسق» كەاق استانا قالاسى بويىنشا فيليالىنىڭ ديرەكتورى ن.كابدىقاپاروۆتىڭ ايتۋىنشا، مەديسينالىق ۇيىمدارعا اقى تولەۋ كەستەگە ساي ٴجۇرىپ جاتىر. بولىنگەن قاراجات مەديسينالىق ۇيىمداردىڭ وپەراسيالىق شىعىندارىن وتەۋگە، ونىڭ ىشىندە قىزمەتكەرلەردىڭ جالاقىسىن تولەۋگە جەتكىلىكتى.

ەستەرىڭىزگە سالا كەتسەك، مەديسينالىق ساقتاندىرۋ قورى تەگىن مەديسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديسينالىق ساقتاندىرۋ پاكەتتەرى جانە ۇكىمەت بەلگىلەگەن شەڭبەردە تۇرعىندار ٴۇشىن قىزمەتتەردى ساتىپ الۋشى قارجى وپەراتورى بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي