BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاپوندىق كومپانيانىڭ جۇكتەرى ارتىلعان پويىز قازاقستان اۋماعى ارقىلى ەۋروپاعا جونەلتىلدى

استانا، baq.kz. اعىمداعى جىلدىڭ 20 جەلتوقسانىندا جونەلتىلگەن قىتايدا شوعىرلاندىرىلعان nippon express جاپوندىق كومپانيانىڭ جۇكتەرى تيەلگەن ٴبىرىنشى كونتەينەرلىك پويىزى قازىرگى كەزدە جول ۇستىندە. بۇل تۋرالى «قازاقستان تەمىر جولى» ۇلتتىق كومپانياسىنىڭ» ٴباسپاسوز قىزمەتى حابارلايدى.

«ktz express» اق ۇيىمداستىرعان حالىقارالىق كونتەينەرلىك پويىز قىتايلىق سيان قالاسىنان شىعىپ «قورعاس-شىعىس قاقپاسى» اەا قۇرعاق پورتىندا قايتا تيەلىپ قازاقستان اۋماعى ارقىلى ترانزيتپەن دۋيسبۋرگ قالاسىنداعى (گەرمانيا) بەلگىلەنگەن ستانسياعا باعىت الدى.

قۇرامىندا قىرىق ٴبىر كونتەينەرى بار كونتەينەرلىك پويىز ون مىڭ شاقىرىمدى ەنسەرەدى. پويىزدىڭ ورتاشا جىلدامدىعى تاۋلىگىنە 1000 شاقىرىم.

مۋلتيمودالدىق لوگيستيكالىق كومپانيالار – جاپوندىق nippon express جانە ktz express hong kong ltd. فيليالىنىڭ بەلسەندى قاتىسۋىمەن «ktz express» اق بىرلەسكەن جۇمىسى ناتيجەسىندە جوبا ٴساتتى جۇزەگە اسىرىلدى.

كەلەسى جىلدان باستاپ سيان-دۋيسبۋرگ كونتەينەرلىك سەرۆيسىن تۇراقتى اپتا سايىنعى نەگىزگە وتكىزۋ جوسپارلانعان. سونداي-اق قيىر شىعىستان قازاقستان ارقىلى ورتالىق ازيا ەلدەرى مەن تۇركياعا تەستىلىك جونەلتىلىم ۇيىمداستىرلادى دەپ كۇتىلۋدە.

اعىمداعى جىلدىڭ قاراشاسىندا شانحايدا «ktz express» مەن nippon express اراسىندا اگەنتتىك كەلىسىمگە قول قويىلسا، وعان سايكەس كومپانيالار لوگيستيكالىق ارىپتەستەر بولىپ تابىلادى. قۇجات تمد، ورتالىق ازيا، ەۋروپالىق وداق ەلدەرى جانە جاپونيا اراسىندا قازاقستان اۋماعى ارقىلى كونتەينەرلىك جۇكتەردى تاسىمالداۋ، تاسىمالداۋ كولەمىن ارتتىرۋعا جانە ىڭتىماقتاستىقتى نىعايتۋعا باعىتتالعان.

ستراتەگيالىق ارىپتەستىك كەلىسىم-شارتىنا قول قويۋعا قازاقستان مەن جاپونيا مەملەكەت باسشىلارىنىڭ مالىمدەمەسى ىقپال ەتكەنى بەلگىلى. سوڭعى ەكى جىلدا ىڭتىماقتاستىق تۋرالى كەلىسىمگە قول قويىلىپ، جاپوندىق جۇكجونەلتۋشىلەر ٴۇشىن تانىستىرىلىم سەنمينارلارى ۇيىمداستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي