BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا جىل كۇندەرىنە ارنالعان اۋا رايى بولجامى

فوتو: ашық дереккөзден

استانا، baq.kz. جاڭا جىل مەرەكەسىندە رەسپۋبليكانىڭ باسىم بولىگىندە انتيسيكلوننىڭ ىقپالىمەن اۋا رايى اشىق جانە ايازدى بولادى. بۇل تۋرالى «قازگيدرومەت» رمك حابارلادى.

سينوپتيكتەردىڭ بولجامى بويىنشا، ەلىمىزدىڭ سولتۇستىك بولىگىندە اتموسفەرالىق فرونتتاردىڭ وتۋىنە بايلانىستى اۋا رايى جاۋىن-شاشىندى، جەلدىڭ كۇشەيۋى جانە بوران سوعىپ، تۇراقسىز بولادى.

2018 جىلدىڭ 30 جەلتوقسانىنان باستاپ، 2019 جىلعى 2 قاڭتارعا دەيىن اۋا تەمپەراتۋراسى ورتالىقتا جانە شىعىستا تۇندە 15...25 اياز، كۇندىز 10...20 اياز، وڭتۇستىك-باتىستا، وڭتۇستىكتە جانە وڭتۇستىك-شىعىستا تۇندە 2...12 اياز، كۇندىز 0...5 گرادۋس اياز، كەي جەردە 5 گرادۋس جىلى بولادى.

باتىستا تۇندە 5...15 اياز، كۇندىز 0...8 اياز، سولتۇستىك جانە سولتۇستىك-باتىستا تۇندە 15...23 اياز، كۇندىز 7...15 اياز كۇتىلەدى.

2 قاڭتاردا انتيسيكلون اۋماقتىڭ باسىم بولىگىن قامتيدى، وسىعان بايلانىستى بۇلتتى جانە قالىپتى ايازدى اۋا رايى بولجانادى.

​ال استانادا 30-31 جەلتوقسان كۇندەرى سينوپتيكتەردىڭ بولجامىنشا اتموسفەرالىق فرونتتاردىڭ وتۋىنە بايلانىستى اۋا رايى قۇبىلمالى بولادى. ول كۇندەرى قار جاۋىپ، بوران سوعادى، وڭتۇستىك-شىعىستان سوققان جەلدىڭ جىلدامدىعى 9-14 م/س، كەيدە ەكپىنى 15-20 م/س دەيىن جەتەدى. تۇندە اۋا تەمپەراتۋراسى 12...17 بولسا، كۇندىز 7...12 اياز كۇتىلەدى.

سونىمەن قاتار، 1-2 قاڭتاردا انتيسيكلوننىڭ ىقپالىمەن اشىق جانە ورتاشا ايازدى اۋا رايى باسىم بولادى. اۋا تەمپەراتۋراسى تۇندە 20...ٴ25-تى كورسەتسە، كۇندىز 15...20 اياز بولماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي