BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا تۋعان بالاعا قاتىستى قىزمەتتەردىڭ بارلىق تۇرلەرىن ەندى پەرزەنتحانالاردا رەسىمدەۋگە بولادى

«ازاماتتارعا ارنالعان ۇكىمەت» مەملەكەتتىك كورپوراسياسى جاڭا پيلوتتىق جوبانى ىسكە قوستى، بۇل جوبا شەڭبەرىندە بالانىڭ تۋىلۋىن تىركەۋدى، بالا تۋۋ مەن ونىڭ كۇتىمىنە جاردەماقى تاعايىنداۋدى، بوسانۋ جانە جۇكتىلىككە بايلانىستى تابىسىن جوعالتقان جاعدايداعى الەۋمەتتىك تولەمدەردى رەسىمدەۋدى، سونداي-اق بالانى بالاباقشا كەزەگىنە قويۋدى جاس انالار پەرزەنتحانادا جۇزەگە اسىرا الادى.

بۇل تۋرالى primeminister.kz حابارلايدى.

كومپوزيتتى قىزمەت كورسەتۋ بارلىق ٴتورت قىزمەتكە ٴبىر ۋاقىتتا پەرزەنتحانادا ٴوتىنىش قابىلداۋدى بىلدىرەتىنىن ايتا كەتكەن ٴجون.

«ازاماتتارعا ارنالعان ۇكىمەت» مەملەكەتتىك كورپوراسياسى» كە اق باسقارما ٴتوراعاسىنىڭ ورىنباسارى مەدەت قۇمارعاليەۆ وسى جىلدىڭ ناۋرىز ايىندا ادىلەت مينيسترلىگى بالانىڭ تۋىلۋىن تىركەۋ بويىنشا مەملەكەتتىك قىزمەتتەر ستاندارتىنا ازاماتتار بالانىڭ تۋىلۋىن تىركەۋگە ٴوتىنىشتى ٴۇش جۇمىس كۇنى ىشىندە بەرۋلەرى ٴتيىس دەگەن وزگەرىستەر ەنگىزگەنىن ەسكە سالىپ ٴوتتى.

«قازاقستاندىقتارعا قولايلى بولۋ ٴۇشىن وسى جانە وعان ىلەسپە قىزمەتتەردى كومپوزيتتىك تۇردە كورسەتۋ مۇمكىندىكتەرىن قاراستىردىق. بۇل قازاقستاندىقتاردىڭ ٴومىرىن جەڭىلدەتىپ، ۋاقىتتارىن ۇنەمدەيدى»، - دەدى م. قۇمارعاليەۆ.

ونىڭ ايتۋىنشا، كومپوزيت «بالانىڭ تۋىلۋىن تىركەۋ، ونىڭ ىشىندە ازاماتتىق احۋال اكتىلەرى جازبالارىنا وزگەرىستەر، تۇزەتۋلەر مەن تولىقتىرۋلار ەنگىزۋ»، «بالا تۋعاندا بەرىلەتىن جانە بالا كۇتىمى بويىنشا جاردەماقىلاردى تاعايىنداۋ»، «الەۋمەتتىك تاۋەكەلدەر جاعدايلارىنا الەۋمەتتىك تولەمدەر تاعايىنداۋ: ەڭبەككە قابىلەتتىلىگىن جوعالتۋ، اسىراۋشىسىنان ايىرىلۋ، جۇمىسىنان ايىرىلۋ، جۇكتى بولۋ مەن بوسانۋعا بايلانىستى تابىسىنان ايىرىلۋ، جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلۋ، بالا ٴبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلۋ» جانە «مەكتەپ جاسىنا دەيىنگى (7 جاسقا دەيىن) بالالاردى بالالار مەكتەپالدى ۇيىمدارىنا جىبەرۋ ٴۇشىن كەزەككە قويۋ» قىزمەتتەرىنە قاتىستى بولىپ تابىلادى.

«دايىن بولعان تۋۋ تۋرالى كۋالىكتى اتا-انالار، قۇجات تاپسىرعان كۇندى ەسەپتەمەگەندە، 2 جۇمىس كۇنى ىشىندە حالىققا قىزمەت كورسەتۋ ورتالىقتارىنان الۋلارىنا بولادى، ال جاردەماقىنى تاعايىنداۋ تۋرالى اقپارات كليەنتتىڭ ۇيالى تەلەفونىنا sms-حابارلاندىرۋ ارقىلى تۇسەدى»، - دەپ ناقتىلادى مەملەكەتتىك كورپوراسيادا.

ايتا كەتەرلىگى، حالىققا قىزمەت كورسەتۋ ورتالىقتارى ارقىلى 8 ايدا 24 ميلليوننان استام مەملەكەتتىك قىزمەتتەر كورسەتىلگەن، ونىڭ 235 مىڭنان استامى تۋۋ تۋرالى كۋالىك بەرۋ بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي