BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جامبىل وبلىسىندا 178،4 مىڭ ادام ٴوزىن-وزى جۇمىسپەن قامتىعان

جامبىل وبلىسىندا وبلىس اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى سەيداحمەت سەيتبەكوۆتىڭ قاتىسۋىمەن ٴباسپاسوز كونفەرەنسياسى ٴوتتى، دەپ حابارلايدى baq.kz اقپارات اگەنتتىگى.

سەيداحمەت سەيتبەكوۆ «ازاماتتاردىڭ مارتەبەسىن انىقتاۋ جانە ٴبىرىڭعاي جيىنتىق تولەم ماسەلەسى» تۋرالى بايانداپ، جۋرناليستەردىڭ سۇراقتارىنا جاۋاپ بەردى.

"وتكەن جىلى ٴبىزدىڭ وبلىسقا جۇمىس ساپارى بارىسىندا ەلباسى وبلىستاعى ناتيجەسىز ٴوز بەتىمەن جۇمىسپەن قامتىلعاندار سانىنىڭ كوپتىگى جانە ولاردىڭ ٴوز بەتىمەن جۇمىسپەن قامتىلعانداردىڭ جالپى سانىنداعى ۇلەسىنىڭ جوعارى ەكەندىگى تۋرالى سىن ايتقان بولاتىن. بۇگىنگى كۇنگە وبلىستا ٴوز بەتىمەن جۇمىسپەن قامتىلعانداردىڭ سانى 178،4 مىڭ ادامدى نەمەسە ەكونوميكالىق بەلسەندى حالىقتىڭ 33،7 پايىزىن قۇرادى. ونىڭ ىشىندە ناتيجەسىز ٴوز بەتىمەن جۇمىسپەن قامتىلعاندار 10،8 مىڭ ادامدى نەمەسە جالپى ٴوز بەتىمەن جۇمىسپەن قامتىلعانداردىڭ 6،1 پايىزىن قۇراپ وتىر، بۇل رەسپۋبليكاداعى ٴتورتىنشى كورسەتكىش. ياعني، 2017 جىلدىڭ 2 توقسانىمەن سالىستىرعاندا ٴوز بەتىمەن جۇمىسپەن قامتىلعانداردىڭ سانى 44،1 مىڭ ادامعا، ال، ناتيجەسىز ٴوز بەتىمەن جۇمىسپەن قامتىلعانداردىڭ سانى 70،8 مىڭ ادامعا ازايدى" - دەيدى ول.

مۇنداي كورسەتكىشتەرگە قول جەتكىزۋدە بەيرەسمي جۇمىسپەن قامتىلعان حالىقتى زاڭداستىرۋ جانە ەل ەكونوميكاسىنا تارتۋ جونىندەگى جول كارتاسى اياسىندا ازاماتتاردىڭ مارتەبەلەرىن وزەكتەندىرۋ جۇمىستارى ٴوزىنىڭ وڭ ىقپالىن تيگىزگەن.

"2018 جىلدىڭ 1 قاڭتارىندا مارتەبەسى انىقتالماعان ادامدار سانى 208799 ادام بولسا، بۇگىنگى كۇنى ونىڭ ٴ107664-نىڭ نەمەسە 51،6%-نىڭ مالىمەتتەرى وزەكتەندىرىلدى. مالىمەتتەرى وزەكتەندىرىلگەندەر ىشىندە 30307 جالدامالى قىزمەتكەرگە جۇمىس بەرۋشىلەر مىندەتتى زەينەتاقى تولەمدەرىن تولەي باستادى، 1003 ادام كىرىس ورگاندارىندا جەكە كاسىپكەر رەتىندە تىركەلدى. ال، قالعان مارتەبەسى انىقتالماعان 101135 ادامنىڭ ىشىنەن ٴ79386-ى نەمەسە 78،5%-ى مىندەتتى الەۋمەتتىك مەديسينالىق ساقتاندىرۋ قورىنا جارنانى وزدەرى تولەيتىنى تۋرالى قولحات بەردى" - دەيدى اكىمنىڭ ورىنباسارى.

سونداي-اق، ەڭبەك ينسپەكسياسىنىڭ مالىمەت بويىنشا زەينەتاقى جارنالارى اۋدارىلماي جۇمىس ىستەپ جاتقان 15365 ادامعا جۇمىس بەرۋشىلەرمەن ەڭبەك شارتىن جاساۋ قاجەتتىگى تۋرالى حابارلامالار بەرىلىپ، بارلىعى 4137 ەڭبەك شارتى جاسالىپ، ونىڭ 2186-سى جول كارتاسى اقپاراتتىق جۇيەسىنە ەنگىزىلدى.

قازىرگى تاڭدا جىل باسىنداعى جۇمىسپەن قامتۋدىڭ بەلسەندى شارالارىنا تارتۋعا مۇقتاج 58357 ادامنىڭ ىشىنەن 7282 ادام (12،5%) جۇمىسپەن قامتۋ باعدارلاماسىنا تارتىلدى.

سونىمەن قاتار سەيداحمەت سەيتبەكوۆ ٴبىرىڭعاي جيىنتىق تولەم تۋرالى ايتتى.

"2019 جىلدىڭ 1-قاڭتارىنان باستاپ ٴبىرىڭعاي جيىنتىق تولەمگە قاتىستى زاڭ كۇشىنە ەنەدى. قاتىسۋشىلار ٴۇشىن تولەمنىڭ كولەمى - قالا تۇرعىندارى ٴۇشىن 1 اەك جانە اۋىل تۇرعىندارى ٴۇشىن 0،5 اەك بولىپ بەلگىلەنەدى. 2019 جىلدان باستاپ اەك دەڭگەيى 2525 تەڭگە بولادى. وسى 2525 تەڭگە تولەۋ كەزىندە قازاقستاندىق ايىنا اۋدارىمدى بىردەن - جەكە تابىس سالىعى، ٴبىرىڭعاي زەينەتاقى جياقتاۋشى قورىنداعى ٴوز شوتىنا زەينەتاقى جارناسىن اۋدارۋ، الەۋمەتتىك ساقتاندىرۋ مەملەكەتتىك قورىنا جانە مىندەتتى مەديسينالىق ساقتاندىرۋ قورىنا اۋدارىم جاساۋ قاتارلى ٴتورت باعىت بويىنشا جۇرگىزە الادى" - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي