BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ستامبۇلدان ۇشاققا جالعان قۇجاتپەن وتىرعان ايەل ۇستالدى

استانا، baq.kz. الماتىدا قر ۇقك شەكارا قىزمەتى ەل تەرريتورياسىنا جالعان تولقۇجاتپەن كىرمەك بولعان ايەلدى ۇستادى. بۇل تۋرالى ۆەدومستۆونىڭ ٴباسپاسوز قىزمەتى حابارلادى.

"الماتى حالىقارالىق اۋەجايىندا شەكاراشىلار «ستامبۇل-الماتى» باعىتىمەن ۇشىپ كەلگەن تك-350 اۋە رەيسىن رەسىمدەۋ بارىسىندا، تەكسەرۋگە قولدان تۇزەتىلگەن ٴتولقۇجات ۇسىنعان ايەلدى ۇستادى. وتە شەبەرلىكپەن تۇزەتىلگەن ٴتولقۇجاتتىڭ جالعان ەكەنىن ارنايى اپپارات انىقتاماعاندا، جاي كوزبەن ٴتانىپ-بىلۋ مۇمكىن ەمەس ەدى"، - دەپ جازىلعان ۆەدومستۆو حابارلاماسىندا.

ٴتولقۇجات بويىنشا، ۇستالعان رەسەي ازاماتى بولاتىن. الايدا، تەكسەرۋ بارىسىندا شەكاراشىلار ونىڭ وزبەكستاندىق ەكەنىن انىقتادى.

قازاقستان رەسپۋبليكاسىنىڭ «مەملەكەتتىك شەكارا تۋرالى زاڭىنىڭ» 19-بابىنىڭ 10-تارماعىنا سايكەس، ۇستالعان ايەل ازاماتتىعى بويىنشا ٴوز ەلىنە دەپورتاسيالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي