ٴۇش جىلعا سوزىلعان سوت قازاقستان پايداسىنا شەشىلدى - قوعام|12 قاراشا 2018، 10:00
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴۇش جىلعا سوزىلعان سوت قازاقستان پايداسىنا شەشىلدى

استانا، baq.kz. پاريجدە ٴۇش جىلعا سوزىلعان تالاپ-ارىزى سان ميلليونداعان سومانى قۇراعان تورەلىك داۋ قازاقستاننىڭ پايداسىنا شەشىلدى.

"2018 جىلدىڭ 8 قاراشاسىندا حالىقارالىق ساۋدا پالاتاسىنىڭ جانىنداعى تورەلىك تريبۋنال «mağdenli yer hizmetleri ve taşıma anonim şirketi» (بۇدان ٴارى – «تالاپكەر») تۇرىك كومپانياسىنىڭ قازاقستان رەسپۋبليكاسىنا قارسى بەرگەن بارلىق تالاپتارىن قابىلداماۋ بويىنشا شەشىم شىعاردى"، - دەپ حابارلادى قر ادىلەت مينيسترلىگىنىڭ ٴباسپاسوز قىزمەتى.

2015 جىلعى ناۋرىز ايىندا «اتىراۋ» اكك» اق-مەن بىرلەستىكتە «اتما» اتىراۋ اۋەجايى جانە تاسىمالداۋ» اق-نىڭ قۇرىلتايىشىسى بولىپ تابىلاتىن تالاپكەر قازاقستان رەسپۋبليكاسىنا قارسى تورەلىك پروسەسكە باستاما جاسادى.

2018 جىلعى 4 شىلدەدە پاريج قالاسىنداعى حالىقارالىق ساۋدا پالاتاسىندا نەگىزگى تىڭداۋلار ٴوتتى.

تالاپكەر اتىراۋ حالىقارالىق اۋەجايىن قۇرۋ ارقىلى جانارماي جەتكىزۋ، جۇك قىزمەتى جانە تىكۇشاقتارعا قىزمەت كورسەتۋ بويىنشا قىزمەتتەردى ەكسپروپرياسيالاۋ بويىنشا ٴىس-شارالاردى جۇزەگە اسىردى دەپ قازاقستان رەسپۋبليكاسىن ايىپتاپ، سونداي-اق قازاقستان رەسپۋبليكاسى تالاپكەردىڭ «اتما» اتىراۋ اۋەجايى جانە تاسىمالداۋ» اق-عا سالعان قوسىمشا ينۆەستيسيالارىن وتەۋى كەرەك دەپ تالاپ ەتتى.

تالاپتاردىڭ سوماسى 16 ملن اقش دوللارىن جانە پايىزدار مەن تورەلىك شىعىنداردى قۇرادى.

تاراپتاردىڭ دالەلدەردىن زەردەلەپ، تريبۋنال تالاپكەردىڭ بارلىق تالاپتارىن قابىلداماي تاستادى. تريبۋنالدىڭ قورىتا ايتقانى، قازاقستاننىڭ مەملەكەتتىك ورگاندارى جانارماي جەتكىزۋ، جۇك قىزمەتى جانە تىكۇشاقتارعا قىزمەت كورسەتۋ بويىنشا قىزمەتتەردى ەكسپروپرياسيالاۋ بويىنشا، سونداي-اق تالاپكەرگە قوسىمشا ينۆەستيسيالاردى قايتارۋدا كەدەرگى جاساپ، ەشقانداي ارەكەت جاسامادى.

سونىمەن قاتار، تورەلىك تريبۋنالدىڭ اتاپ وتكەنى، قازاقستاندىق سوت جۇيەسى شەتەلدىك ينۆەستورلاردىڭ قۇقىقتارىن بۇزباي، زاڭدىلىق جانە ادىلدىك قاعيداتتارىنا سايكەس ارەكەت ەتتى.

بۇدان باسقا، تريبۋنال قازاقستان رەسپۋبليكاسىنىڭ تالاپكەرگە قوسىمشا ينۆەستيسيالاردى وتەۋ بويىنشا قانداي دا ٴبىر مىندەتتەمەلەرى جوق دەپ قاۋلى ەتىپ، قازاقستان شەتەلدىك ينۆەستيسيالاردى قورعاۋ بويىنشا حالىقارالىق مىندەتتەمەلەرىن تولىقتاي ورىندادى دەگەن قورىتىندىعا كەلدى.

وسىلايشا، تريبۋنال تالاپكەر شامامەن 500 000 اقش دوللارىن قۇرايتىن سوماعا جۇمىستى ۇيىمداستىرۋ ٴۇشىن جۇمسالعان جانە تورەلىك شىعىنداردى كوتەرۋى كەرەك دەپ قاۋلى ەتتى.

قازاقستان رەسپۋبليكاسىنىڭ ادىلەت ٴمينيسترى مارات بەكەتايەۆتىڭ ايتۋىنشا، «تورەلىك تريبۋنالدىڭ شەشىمى قازاقستاننىڭ اۋماعىندا شەتەلدىك ينۆەستورلاردى جان-جاقتى قولداۋ ساياساتىن بۇرىنعىشا ۇستاناتىن قازاقستان رەسپۋبليكاسىنىڭ پوزيسياسىن تولىقتاي راستايدى».


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي