BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق كىتاپحانادا تۇركولوگيا وقۋ زالى اشىلادى

استانا، baq.kz. بۇگىن ەلورداداعى ۇلتتىق اكادەميالىق كىتاپحانادا تۇركولوگيا وقۋ زالى سالتاناتتى تۇردە اشىلادى.

زال قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن قازاقستان رەسپۋبليكاسىنىڭ پرەزيدەنتى نۇرسۇلتان ٴابىش ۇلى نازاربايەۆتىڭ « ۇلى دالانىڭ جەتى قىرى» اتتى ماقالاسىندا كوتەرىلگەن «تۇركى وركەنيەتى: ٴتۇپ تامىرىنان قازىرگى زامانعا دەيىن» دەگەن جوبانى قولعا الۋ ماقساتىندا اشىلادى.

ونىڭ ماقساتى تۇركىتىلدەس حالىقتاردىڭ رۋحاني مۇراسىن ساقتاۋ، ناسيحاتتاۋ جانە دامىتۋ بولىپ وتىر.

ٴىس-شارا بارىسىندا عىلىمي-تانىمال جازۋشى، اۋدارماشى جانە تۇركىتانۋشى نەماتكەلىمبەتوۆتى زەرتتەۋگە ارنالعان «قازاقستاندا قازىرگى زامانعى تۇركولوگيانىڭ دامۋى» اتتى حالىقارالىق عىلىمي-پراكتيكالىق كونفەرەنسياسى وتەدى. كونفەرەنسيا قاتىسۋشىلارى تۇركىتانۋدىڭ قازىرگى جاعدايى مەن كەلەشەگىن، تۇركى حالىقتارىنىڭ مادەني جانە رۋحاني قۇندىلىقتارىن دامىتۋ جانە ناسيحاتتاۋ، تاۋەلسىزدىك تۇرعىسىنان تۇركىتانۋ تاريحىن زەرتتەۋ، ادامزات تاريحىنداعى تۇركى وركەنيەتىنىڭ ٴرولىن تالقىلايدى.

سونداي-اق، جيىن بارىسىندا «راريتەت» باسپاسىنان قازاق، ورىس اعىلشىن تىلدەرىندە باسىلىپ شىققان دۇنيە ٴجۇزى تۇركولوگياسىنىڭ تاريحىنا ارنالعان «تۇركولوگيا. دۇنيەجۇزى تۇركولوگياسىنىڭ تاريحى» اتتى كىتابىنىڭ تۇساۋكەسەر ٴراسىمى وتەدى.

ساعات 16.30-دا «ٴبىر ەل-بىر كىتاپ» رەسپۋبليكالىق اكسياسىنىڭ قورىتىندىسى شىعارىلىپ، «ۇزدىك كىتاپحاناشى - 2018» جانە «ۇزدىك كىتاپحانا باسشىسى - 2018» نوميناسيالارى بويىنشا جانە ۇزدىك وقىرماندارعا ەستەلىك سىيلىقتار تابىس ەتىلەدى.

ٴىس-شاراعا قر مادەنيەت جانە سپورت ٴمينيسترى ارىستانبەك مۇحامەدي ۇلى، فيلولوگيا عىلىمدارىنىڭ دوكتورى، پروفەسسورلار م.جولداسبەكوۆ، س.قاسقاباسوۆ، جازۋشى، كينودراماتۋرگ سماعۇل ەلۋباي، «ەگەمەن قازاقستان» رەسپۋبليكالىق گازەتى» اق باسقارما ٴتوراعاسى دارحان ٴقىدىرالى، فيلولوگيا عىلىمدارىنىڭ دوكتورى، پروفەسسورلار: ح. يۋ. ميننەگۋلوۆ (قازان)، ح. كاساپوگلى، (انكارا)، ن. راحمانوۆ (تاشكەنت)، ر.اسكەر (باكۋ)، ت. سادىكوۆ (بيشكەك) ، ا.م.باگيروۆ (ماسكەۋ)، بەلگىلى ورىس جازۋشىسى، جۋرناليست جانە باسپاگەر، قوعام قايراتكەرى، ورىس ادەبيەتى اكادەمياسىنىڭ اكادەميگى (ماسكەۋ) گ. ۆ. پرياحين جانە ت.ب.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي