BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بيۋرو سىبايلاس جەمقورلىق قىلمىسى ازايعان ورگانداردى اتادى

فوتو: Нұржас Жақсыбай

استانا، baq.kz ٴتىلشىسى. 2018 جىلدىڭ 11 ايىندا سىبايلاس جەمقورلىق قىلمىستار سانى وتكەن جىلدىڭ سايكەس كەزەڭىمەن سالىستىرعاندا 7% تومەندەگەن. بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى جاننا باستاروۆا مالىمدەدى. 11 ايلىق جۇمىس ناتيجەسىن قورىتىندىلادى.

«ٴبىرقاتار وڭىرلەردە سىبايلاس جەمقورلىق قىلمىستارىنىڭ ايتارلىقتاي تومەندەۋى بايقالدى. باسقا وبلىستارمەن سالىستىرعاندا سىبايلاس جەمقورلىقتىڭ جوعارى ەمەس دەڭگەيى – سقو، پاۆلودار جانە اقتوبە وبلىستارىندا. سونىمەن بىرگە جامبىل وبلىسىندا 45%-كە، قاراعاندى وبلىسى 30%-كە ەداۋىر تومەندەۋى بايقالادى»، - دەپ اتاپ ٴوتتى باستاروۆا.

اگەنتتىكتىڭ رەسمي وكىلى سىبايلاس جەمقورلىق دەڭگەيى تومەندەۋى بويىنشا وڭ ٴۇردىس ٴبىرقاتار ورتالىق مەملەكەتتىك ورگانداردا بايقالاتىنىن ايتتى.

«مۇنداي جاعدايدى جاقسارتۋ بويىنشا 84-تەن 32-گە ينۆەستيسيالار جانە دامۋ مينيسترلىگى، 16-دان 16-عا ۇەم كوشباسشىلار بولىپ تابىلادى. سىبايلاس جەمقورلىق قۇقىق بۇزۋشىلىقتار سانىنىڭ ايتارلىقتاي تومەندەۋى ٴبىلىم جانە الەۋمەتتىك قامتاماسىز ەتۋ سالالارىندا بايقالادى. ٴبىلىم سالاسىندا مۇنداي قۇقىق بۇزۋشىلىقتار 23%-كە، 213-تەن 163-كە، الەۋمەتتىك قامتاماسىز ەتۋ سالاسىندا 56%-كە، 99-دان 43-كە تومەندەگەن. وسى سالالاردىڭ بارلىعىندا اگەنتتىك قوعامدىق ۇيىمدار، ساراپشىلار قوعامداستىعى جانە مۇددەلى مەملەكەتتىك ورگاندارمەن بىرلەسىپ كەشەندى الدىن الۋ شارالارىن جۇرگىزگەندىگىن تاعى دا اتاپ وتكىم كەلەدى»، - دەدى ول.

ەستەرىڭىزگە سالا كەتەيىك، جاننا باستاروۆا ۇلتتىق بيۋرو جىل باسىنان بەرى قانشا سىبايلاس جەمقورلىق فاكتىسىن انىقتاعانى تۋرالى ايتقان بولاتىن.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي