BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق كومپانيا 8 مىڭ ماماننىڭ ٴبىلىمىن جەتىلدىردى

استانا. 2 جەلتوقسان. baq.kz – «قتج» ۇك» اق –«تەمىرجول كولىگى پەرسونالىن دامىتۋدى باعالاۋ ورتالىعى» جانە اقتوبە، پاۆلودار، قاراعاندى، تاراز قالالارىنداعى وقۋ ورىندارىندا 230 ماماندىق بويىنشا تەمىرجولشىلار ٴبىلىمىن جەتىلدىردى.

مەملەكەت باسشىسى قازاقستان حالقىنا جولداۋىندا، جالپىعا ورتاق ەڭبەك قوعامى تۋرالى جولداۋىندا دا كادرلەردىڭ بىلىكتىلىگىن جەتىلدىرۋ مەن قايتا دايارلاۋ ىسىنە باسا نازار اۋداردى. بۇل ٴوز كەزەگىندە سىرتقى داعداردىستى قاتەرلەرگە قارسى تۇراقتىلىق پەن ەكونوميكانىڭ ناقتى قوزعاۋشى كۇشى بولاتىندىعىن اتاپ ٴوتتى.

جولداۋدا ايتىلعانداي ناقتى قولداۋ ەڭبەككە جارامدى، قايتا دايارلاۋعا ىنتالىلار مەن بوس ورىنداردى تولتىرۋ باعدارلاماسىنا قاتىسۋشىلارعا ارنالۋى ٴتيىس. «قتج» ۇك» اق كادرلەردىڭ بىلىكتىلىگىن كوتەرۋ مەن كاسىبيلىگىنە تۇراقتى نازار اۋدارىپ كەلەدى. ۇلتتىق كومپانيانىڭ قۇرىلىمدىق بولىمشەلەرى مەن ەنشىلەس كاسىپورىندارىندا ۇقساس ماماندىقتارعا دايارلاۋ قايتا دايارلاۋ ارنايى سۇرانىستار بويىنشا جۇرگىزىلەدى.

«قتج» ۇك» اق وقۋ ورتالىعىندا تەمىرجولشىلار جولاۋشىلار تاسىمالداۋ، لوكوموتيۆ، ۆاگون شارۋاشىلىعى، دانەكەرلەۋ ٴىسى، اقاۋ تابۋشى، تاسىمالداۋ ۇدەرىسى، ەلەكترلەندىرۋ مەن ەنەرگەتيكا، بەلگى بەرۋ جانە بايلانىس، ەڭبەكتى قورعاۋ جانە تەحنيكالىق قاۋىپسىزدىك، ونەركاسىپ قاۋىپسىزدىگى جانە باسقا دا ماماندىق تۇرلەرىنە باۋليدى.

وندىرىستەگى كادرلەردى ۇقساس ماماندىقتارعا قايتا دايارلاۋ ٴۇش ايدان التى ايعا دەيىن جۇرگىزىلەدى. ولاردىڭ ىشىندە ەلەكتروۆوز، تەپلوۆوز ماشينيستەرى، درەزينا جۇرگىزۋشى، ەلەكترومەحانيكتەر، ستانسيا كەزەكشىلەرى، جول شەبەرى، جول بريگاديرىنە ماڭىز بەرىلگەن.تەمىرجول كولىگى ماماندارىنىڭ پەرسونالىق دامىتۋ ورتالىعىندا وقىتۋعا قاجەتتى بارلىق جاعدايلار جاسالعان. وندا وندىرىستە ىسىلعان بىلىكتى وقىتۋشىلار ساباق بەرەدى. ماتەريالدىق تەحنيكالىق بازاسى جاقسى. وقۋ زەرتحانا كەشەنىمەن، سوڭعى ۇلگىدەگى يننوۆاسيالىق تەحنيكالارمەن جاراقتاندىرىلعان.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي