BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇرعىن ٴۇي قۇرىلىس جيناق بانكى قىزمەتكەرلەرى جاڭاجىلدىق كەشتەن باس تارتتى

الماتى، baq.kz ٴتىلشىسى. اتالعان بانكتىڭ قىزمەتكەرلەرى جاڭاجىلدىق كورپوراتيۆتى مەدەۋ مۇزايدىنىندا سىرعاناق تەبۋمەن وتكىزۋدە. بانك ۇجىمى ٴداستۇرلى قىمبات وتىرىستان باس تارتىپ، تازا اۋاداعى بەلسەندى دەمالىستى تاڭداعان.

بانكتىڭ باسقارما ٴتورايىمى ٴلاززات يبراگيموۆا باسپاناعا قول جەتكىزۋ ٴۇشىن الدىمەن ۇنەمشىلدىكتەن باستاۋ كەرەكتىگىن ايتادى.

«ٴبىزدىڭ بانك جاڭاجىلدىق مەيرامدى كونكي تەۋىپ قارسى الۋدا. 350 مىڭ وتانداسىمىز بيىل بىزدە دەپوزيت اشىپ، ٴوز باسپانالارى ٴۇشىن قارجى جيناۋدى باستادى. باسپاناڭىزعا قاراجات جيناۋدى الدىمەن وزىڭىزدەن باستاۋىڭىز كەرەك. بانك رەتىندە ٴبىز دە باستاما كوتەرىپ، قىمبات تۇراتىن كورپوراتيۆتەردەن باس تارتىپ، سالاۋاتتى ٴومىر سالتىن ۇستانۋدى ٴجون كوردىك. مۇندا بانك قىزمەتكەرلەرى وتباسىلارىمەن كەلىپ كونكي تەبۋدە. ٴبىز وسىلايشا بارشا قازاقستاندىقتاعا ۇلگى كورسەتىپ، ولاردى ۇنەمشىلدىككە شاقىرۋدامىز»، - دەيدى ول.

مەدەۋگە بانكتىڭ ٴار ايماقتاعى فيليالدارىندا جۇمىس ىستەيتىن قىزمەتكەرلەرى دە شاقىرىلعان. بارلىعى 600-دەي ادام جينالعان. سولاردىڭ ٴبىرى – استانا قالاسىنان كەلگەن اسەل تولەۋعاليەۆا. ول بانكتىڭ مۇنداي باستاماسىن قۋانا قولداعانىن ايتادى.

«وزگەلەرگە ۇلگى كورسەتىپ ٴارى سالاۋاتتى ٴومىردى ناسيحاتتايتىن مۇنداي باستامانى ٴجۇز پايىزعا قولدايمىن. ەلىمىزدەگى ۇلتتىق كومپانيالار مەن مەكەمەلەر دە وسىنداي شارا وتكىزسە نۇر ۇستىنە نۇر بولار ەدى»، - دەيدى بانكتىڭ استانا قالاسىنداعى قىزمەتكەرى ٴا.تولەۋعاليەۆا.

باسقارما ٴتورايىمىنىڭ ورىنباسارى جانار جۇبانيازوۆا مەرەكەلىك شاراعا شاقىرىلعان قوناقتاردىڭ ٴبارى ٴبىر قۋانىپ قالعانىن ايتادى.

«مەرەكەلىك كەشتەر تەك مەيرامحانادا، ۇستەل ۇستىندە عانا ەمەس، ونى وسىنداي ادەمى تابيعات اياسىندا دا وتكىزۋگە بولادى. قالا تۇرعىندارى قاراجاتتى توي-دۋمانعا عانا جۇمساي بەرمەي، ٴوزىنىڭ باسپاناسىنا جيناپ، ۇنەمدەي بىلسە ەكەن دەگەن ويمەن بۇگىنگى دەمالىستى ۇلگى رەتىندە جاساپ وتىرمىز. كوكتەمدە «جاسىل مەكەن» اكسياسىن وتكىزىپ، اعاش وتىرعىزعان بولاتىنبىز. مۇنداي شارالار پايدالى ٴارى ۇنەمشىلدىككە، حالىققا جاقىن بولۋعا سەپتىگىن تيگىزەدى»، - دەيدى ول.

مۇز ايدىنىنداعى مەيرام كەزىندە قىزىقتى بايقاۋلار ۇيىمداستىرىلىپ، «تۇرعىن ٴۇي قۇرىلىس بانكى اياز اتاسى» اتتى فلەشموب ۇيىمداستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي