استانا baq.kz ٴتىلشىسى. بۇگىن، "قازكونتەنت" اق ەكى اپتا بويى وتكەن "تۋعان جەرىم - التىن بەسىگىم" تۋريستىك بايقاۋىن قورىتىندىلادى. بايقاۋعا قاتىسۋ ٴۇشىن قازاقستاننىڭ بارلىق ايماقتارىنان 50-دەن استام جۇمىس جىبەرىلدى.
استانا: 
2470 
0
استانا baq.kz ٴتىلشىسى. بۇگىن، "قازكونتەنت" اق ەكى اپتا بويى وتكەن "تۋعان جەرىم - التىن بەسىگىم" تۋريستىك بايقاۋىن قورىتىندىلادى. بايقاۋعا قاتىسۋ ٴۇشىن قازاقستاننىڭ بارلىق ايماقتارىنان 50-دەن استام جۇمىس جىبەرىلدى.
3 مينۋتتىق بەينەروليكتە قاتىسۋشىلار تۋعان ولكەسىنىڭ سۇلۋلىعىن تولىق كورسەتىپ الۋمەتتىك جەلىدەگى ٴار جازىلۋشىنىڭ قىزىعۋشىلىعىن تۋدىرۋىپ، كوپ «لايك» جيناۋى ٴتيىس بولاتىن. بايقاۋ قورىتىندىسى بويىنشا ەڭ ۇزدىك ٴۇش جۇمىس ىرىكتەلىپ الىندى.
وسىلايشا، داۋىستاردى ساناۋ بويىنشا ٴبىرىنشى ورىندى كوكشەتاۋ قالاسىنان يگور سترەلسوۆ يەلەندى. يگور ٴوزىنىڭ شاعىن بەينەسيۋجەتىندە بۋرابايدىڭ تابيعاتىنىڭ ەرەكشەلىكتەرى مەن سۇلۋلىعىن كورسەتتى. ەكىنشى ورىنعا پاۆلودار وبلىسىنان ايبەك ماراتوۆ يە بولدى. باياناۋىلدىڭ تابيعاتىنا دەگەن ماحاباتىمەن ول ٴوز جازىلۋشىلارىن بەي-جاي قالدىرمادى.ٴۇشىنشى ورىندى ەڭ كونە قالالاردىڭ ٴبىرى – تۇركىستاننىڭ كورىكتى جەرلەرىن كورسەتكەن ولجاس ٴالجانوۆ ٴۇشىنشى ورىن الدى.
«مەنىڭ ويىمشا، اتالمىش بايقاۋدى ۇيىمداستىرۋ ىشكى ٴتۋريزمدى دامىتۋعا ىقپال ەتىپ قانا قويماي، ەلىمىزدىڭ ٴاربىر تۇرعىنىنا تۋعان ولكەسىنىڭ تابيعاتى تۋرالى ايتۋعا مۇمكىندىك بەردى»،- دەپ اتاپ ٴوتتى ٴبىرىنشى ورىن يەگەرى يگور سترەلسوۆ.
ەستەرىڭىزگە سالا كەتەيىك، بۇعان دەيىن" قازكونتەنت "اق ىشكى ٴتۋريزمدى دامىتۋعا باعىتتالعان "تۋعان جەرىم – التىن بەسىگىم" تۋريستىك بايقاۋىنىڭ باستالعانى تۋرالى حابارلاعان بولاتىن.
فوتو-ۆيدەو نۇرجاس جاقسىباي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
17088
0