BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەمىرجولدى جوندەۋدە 100 مىڭ توننادان استام قازاقستاندىق رەلس پايدالانىلعان

استانا، baq.kz. 2018 جىلدىڭ باسىنان «قتج» ۇك» اق جەلىلەرى بويىنشا 860 كم استام تەمىر جولى كۇردەلى جوندەۋ كوردى. تولىقتاي العاندا اق جول شارۋاشىلىعىندا جىل سوڭىنا دەيىن شامامەن 870 كم ماگيسترالدىق جەلىنى كۇردەلى جوندەۋدەن وتكىزۋ جوسپارلانعان. بۇل تۋرالى «قازاقستان تەمىر جولى» ۇك» اق ٴباسپاسوز قىزمەتى حابارلايدى.

جەلىلەردى جاڭعىرتۋ ٴۇشىن اقتوبە رەلسارقالىقتى زاۋىتىنىڭ ونىمدەرى كەڭىنەن پايدالانۋدا. قازاقستاندىق وندىرۋشىلەر تەمىرجولشىلارعا 100 مىڭ توننادان استام رەلس قويىپ وتىر.

«جوعارعى تەحنيكالىق جانە پايدالانۋ سيپاتتامالارىمەن ەرەكشەلەنەتىن اراز ۇزىنولشەمدى رەلس ونىمدەرىن توسەۋ تۇيىسپەسىز ماگيسترال ۋچاسكەلەرىنىڭ ۇزىندىعىن ارتتىرادى. وسىلاي پويىز قوزعالىسى جىلدامدىعى قامتاماسىز ەتىلەدى. جىلجىمالى قۇرام مازمۇنىنا جۇمسالاتىن جانە جولدىڭ وزىندىك شىعىنى كەميدى. جولاۋشىلار ٴۇشىن جول ٴجۇرۋ ۋاقىتى تومەندەيدى»، - دەيدى «قتج» ۇك» اق – «ماگيسترالدىق جەلىلەرى ديرەكسياسى» اق فيليالىنىڭ جول جانە قۇرىلىس دەپارتامەنتىنىڭ باس مەنەدجەرى سايات باكىروۆ.

س.باكىروۆتىڭ ايتۋىنشا، جوندەۋ كەزىندە زاماناۋي جول تەحنيكاسى پايدالانىلادى: duomatic تۇزەتۋ-تىعىزداۋ ماشيناسى، dgs جول ستابيليزاتورى، pbr بالاستتى جوسپارلاۋشى، rm شاعىلتاستازارتۋ ماشيناسى جانە وزگەلەرى.

قازىرگى كەزدە سوزىلعان ماگيسترالدىق جولدىڭ ۇزىندىعى 21 مىڭ كم. ولاردى جاڭعىرتۋ جۇكتەردىڭ جەدەل جەتكىزىلۋى، جولاۋشىلاردىڭ جول ٴجۇرۋى ٴۇشىن جايلى جاعدايلار مەن قاۋىپسىزدىكتى قامتاماسىز ەتەدى. جۇكتەر تاسىمالى مەن جولاۋشىلار قوزعالىسى قاۋىپسىزدىگىن ارتتىرۋعا باعىتتالعان تەمىر جولداردى جاڭعىرتۋ «قتج» ۇك» اق جۇمىسىنداعى باسىمدىقتى باعىت بولىپ تابىلادى.

كونتەينەرلىك پويىزدار قوزعالىسىنىڭ جىلدامدىعىن ارتتىرۋ، جۇك جانە جولاۋشىلار پويىزدارىن كەدەرگىسىز وتكىزۋ ٴۇشىن جاعدايلار جاساۋ، تەمىرجول ينفراقۇرىلىمدارىن ۇستاپ تۇرۋ، ترانزيتتىك دالىزدەردىڭ وتكىزۋ مۇمكىندىگىن ارتتىرۋ «قتج» ۇك» اق جۇمىسىنىڭ باسىمدىقتى باعىتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي