BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاۋەلسىزدىك العاننان بەرى ەكى-اق زاڭ قازاق تىلىندە ازىرلەنگەن

قازاقستان تاۋەلسىز ەل بولعاننان بەرى ەكى زاڭ عانا مەملەكەتتىك تىلدە دايىندالعان. بۇل تۋرالى قر پارلامەنتى سەناتنىڭ دەپۋتاتى مۇرات باقتيار ۇلى زاڭ شىعارۋ پروسەسىن جەتىلدىرۋ ماسەلەلەرى بويىنشا وتكەن ۇكىمەت ساعاتىندا مالىمدەدى، دەپ حابارلايدى baq.kz ٴتىلشىسى.

«قۇرمەتتى، مۇرات باقىتجان ۇلى. اۋدارماشىلار اراسىندا زاڭ ٴتىلىنىڭ ٴتۇپنۇسقالىعى جونىندە ٴارتۇرلى پىكىرلەر قالپتاسقان. زاڭ ٴتىلىنىڭ ٴوزىنىڭ ٴستيلى بار ەكەنى تۇسىنىكتى. ٴبىراق ٴتۇپنۇسقالىقتىڭ تىم سوزبە-سوز قامتاماسىز ەتىلۋى زاڭ نورمالارىنىڭ مەملەكەتتىك تىلدە سويلمەۋىنە، زاڭ ماتىندەرىنىڭ، حالىقارالىق قۇجاتتاردىڭ تۇسىنىكتى بولماۋىنا، قازاق تىلىندەگى زاڭداردىڭ اۋدارما رەتىندە قالىپتاسۋىنا اكەپ سوعۋدا. مىنا وركەنيەتتى ەلدەردى بىلاي قويعاندا، پوستكەڭەستىك مەملەكەتتەردىڭ بارلىعى زاڭدارىن مەملەكەتتىك تىلدە ازىرلەيدى. ٴبىزدىڭ تاۋەلسىزدىگىمىزگە بيىل 27 جىل تولىپ وتىر. وسى 27 جىل ىشىندە بىزدە ەكى-اق زاڭ مەملەكەتىك تىلدە دايارلاندى. وسىعان بايلانىستى سۇراق، مەملەكەتتىك تىلدەدايارلاۋعا نە كەدەرگى، ق ۇلىق جوق پا، ىنتا جوق پا، جوق الدە ماماندار جوق پا؟»، - دەپ سۇرادى دەپۋتات ادىلەت ٴمينيسترى مارات بەكەتايەۆتان.

مينيستر زاڭ جوبالارى مەن تۇجىرىمدامالارى مەملەكەتتىك جانە رەسمي تىلدە دە ازىرلەنتىنىن ايتتى.

«ارينە، بۇل وتە كۇردەلى جانە ماڭىزدى ماسەلە. قولدانىستاعى زاڭناماعا سايكەس بارلىق تۇجىرىمدامالار جانە زاڭ جوبالارى مەملەكەتتىك تىلدە جانە رەسمي تىلدە ازىرلەنەدى. ول اشىقتىعىن قامتاماسىز ەتۋگە بايلانىستى، مىسالى بارلىق تۇجىرىمدامالار مەن زاڭ جوبالاردىڭ ماتىندەرى رەسمي رەسۋرستاردا مىندەتتى تۇردە جاريالانادى جانە قوعامدىق تىڭداۋلار مىندەتتى تۇردە وتكىزىلەدى. سول سەبەپتەن ەكى تىلدە بۇل جۇمىس جۇرگىزىلىپ جاتىر»، - دەپ جاۋاپ بەردى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي