تانىمال ٴانشى، تەرمەشى اياز بەتبايەۆ ومىردەن ٴوتتى - قوعام|08 ٴساۋىر 2018، 12:05
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تانىمال ٴانشى، تەرمەشى اياز بەتبايەۆ ومىردەن ٴوتتى

بەلگىلى تەرمەشى، قازاق مادەنيەتىنە ەرەكشە ۇنىمەن ولشەۋسىز ۇلەس قوسقان جىرشى اياز بەتبايەۆ ومىردەن ٴوتتى، دەپ حابارلايدى baq.kz اقپارات اگەنتتىگى.

بۇل تۋرالى تانىمال جۋرناليست امانگەلدى سەيىتحانوۆ ٴوزىنىڭ الەۋمەتتىك جەلىدەگى پاراقشاسىندا جازدى.

قازاق ونەرىنىڭ قارانارىنداي بولعان جىرشى-تەرمەشى 76 جاسىندا ومىردەن ٴوتتى.

ول شۋ وڭىرىندە قازاقتىڭ ۇلتتىق ونەرىنە، جىر، تەرمەلەرىنە سۋسىنداپ ٴوسىپ، جامبىل، ٴسۇيىنباي، كەنەندەردىڭ ونەرىن جالعاستىرىپ، ماڭدايىنا اقىندىق تاعدىر جازىلىپ، تاڭدايىنا ٴتاتتى ٴۇن ۇيالاعان، دالانىڭ جىرىن، دانانىڭ ٴۇنىن كوكەيىنە قوندىرىپ، بولمىسىنا ٴسوز سيقىرى دارىعان تۋما تالانت ەدى.

ول – قازاقستان رەسپۋبليكاسىنا ەڭبەگى سىڭگەن مادەنيەت قايراتكەرى، «قۇرمەت» وردەنى مەن باۋىرجان مومىش ۇلىنىڭ «باتىر شاپاعاتى» مەدالىنىڭ يەگەرى، اقىن، جىرشى-تەرمەشى. اياز بەتبايەۆتىڭ ەلىمىزدىڭ مادەنيەت سالاسىنا قوسقان ۇلەسى ۇشان-تەڭىز.

اياز بەتبايەۆ جىرلاعان "اقبوپە"، "ساعىنىش"، "عاشىقتار"، ت.ب. جىر-تەرمەلەرى حالىق جۇرەگىنەن ەرەكشە ورىن العان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي