تالدىقورعاندا «جەتىسۋ – ادالدىق الاڭى» جوبالىق كەڭسەسى اشىلدى - قوعام|27 جەلتوقسان 2018، 10:11
كۋرسى ۆاليۋت وبنوۆليايۋتسيا
استانا:

تالدىقورعاندا «جەتىسۋ – ادالدىق الاڭى» جوبالىق كەڭسەسى اشىلدى

استانا، baq.kz. تالدىقورعاندا «جەتىسۋ – ادالدىق الاڭى» جوبالىق كەڭسەسى اشىلدى. ونىڭ اشىلۋ سالتاناتىنا وبلىس اكىمى اماندىق باتالوۆ پەن الماتى وبلىسىنا جۇمىس ساپارىمەن كەلگەن قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ قاتىستى. بۇل تۋرالى الماتى وبلىسى اكىمىنىڭ ٴباسپاسوز قىزمەتى حابارلادى.

«جەتىسۋ – ادالدىق الاڭى» جوباسى سىبايلاس جەمقورلىق دەڭگەيىن تومەندەتۋ، جالپىقوعامدىق توزبەۋشىلىكتى قالىپتاستىرۋ، الماتى وبلىسىنىڭ مەملەكەتتىك باسقارۋ ينستيتۋتىنا ازاماتتاردىڭ سەنىمىن ارتتىرۋ ماقساتىندا ۇيىمداستىرىلدى. جوبا اياسىندا اشىلعان كەڭسە وبلىس اكىمدىگىنىڭ ٴبىرىنشى قاباتىندا ورنالاسقان.

اشىلۋ سالتاناتىندا وبلىستىق ٴبىلىم، دەنساۋلىق ساقتاۋ باسقارمالارىنىڭ، مەملەكەتتىك كىرىستەر، پوليسيا دەپارتامەنتتەرىنىڭ باسشىلارى، وبلىستىق سوتتىڭ وكىلى ٴوز سالالارىنداعى سيفرلاندىرۋ جوبالارىن تانىستىرىپ، وسىعان وراي ماتەريالدىق بازانى نىعايتۋ شارالارى جايلى ايتىپ بەردى. اشىلۋ ٴراسىمىنىڭ قورىتىندىسىندا اگەنتتىك ٴتوراعاسى اليك شپەكبايەۆ وسى تانىستىرىلعان جوبالار ارقىلى جۇمىستىڭ تيىمدىلىگى، ىلگەرىلەۋ كورىنۋى كەرەكتىگىن اتاپ ٴوتتى.

مۇنان سوڭ ا.شپەكبايەۆ جەتىسۋ جەرىنىڭ اكتيۆىمەن جانە قوعام بەلسەندىلەرىمەن كەزدەسەدى. كەزدەسۋدە الدىمەن وبلىس اكىمى اماندىق باتالوۆ وڭىردەگى سىبايلاس جەمقورلىقپەن كۇرەس جانە ونىڭ الدىن الۋعا باعىتتالعان شارالارعا قىسقاشا توقتالدى. ماسەلەن، وڭىردە قوعامنىڭ جەمقورلىققا توزبەۋشىلىگىن قالىپتاستىرۋعا ارنالعان 300-دەن استام شارا وتكىزىلگەن. سىبايلاس جەمقورلىققا قارسى 27 جەدەل توپ قۇرىلدى. «ادال جول – چەستنىي پۋت» جەمقورلىققا قارسى مارافونى ۇيىمداستىرىلعان. وبلىستا جىل باسىنان بەرى 7،3 ملن. تەڭگەگە مەملەكەتتىك قىزمەت كورسەتىلسە، سونىڭ 5،8 ملن. تگ. نەمەسە 79،4% ەلەكتروندى تۇردە كورسەتىلگەن. مەملەكەتتىك قىزمەت ساپاسىن ارتتىرۋ ماقساتىندا وبلىستىق سيفرلىق تەحنولوگيالار باسقارماسى قۇرىلىپ، اۋدان، قالا اكىمدىكتەرىندە مەملەكەتتىك قىزمەت مونيتورينگىسى بولىمدەرى جاساقتالدى.

جيىن بارىسىندا «استانا – ادالدىق الاڭى» جوبالىق كەڭسەسىنىڭ باسشىسى جازيرا جىلقىشيەۆا استانا قالاسى بويىنشا سىبايلاس جەمقورلىقتىڭ الدىن الۋ مەن كۇرەس جۇمىستارى تۋرالى ٴوز تاجىريبەلەرى نەگىزىندە باياندادى. سارىارقا اۋدانى مەن № 10 ەمحانا بازاسىندا جۇرگىزىلگەن جوبالىق جۇمىستار تىلگە تيەك ەتىلدى.

قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى سەرىكباي نۇرعيسايەۆ «جەتىسۋ – ادالدىق الاڭى» جوباسىنىڭ 3 باسىم باعىتى تۋرالى ايتىپ بەردى. سونىڭ ىشىندە مەملەكەتتىك قىزمەت الۋدا ادامي فاكتوردى ازايتۋ، قوعامدىق باقىلاۋدى جۇزەگە اسىرۋ جانە سىبايلاس جەمقورلىققا قارسى مادەنيەتتى قالىپتاستىرۋ باعىتىنداعى جۇمىستار، سونىمەن قاتار دەپارتامەنت پەن ادەپ كەڭەسىنىڭ جۇمىسى جايلى ٴسوز قوزعادى.

قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ مەملەكەت باسشىسىنىڭ تاپسىرماسىنا وراي كاسىبي مەملەكەتتىك اپپارات قالىپتاستىرۋداعى جاڭا باستامالارعا كەڭىنەن توقتالدى. سونىڭ ىشىندە سيفرلاندىرۋ، كۇندەلىكتى تۇرمىستىق جەمقورلىق ارەكەتتەرىنە جول بەرمەۋ، كادرلاردى قايتا دايارلاۋ، ەڭبەكاقى تولەمىنىڭ جاڭا جۇيەسى، ٴىت كارتا ەنگىزۋ جانە باسقا دا وزگەرىستەر جايلى ايتىلدى. وسى جاڭا رەفورما تۇپتەپ كەلگەندە مەملەكەتتىك قىزمەت ساپاسىن ارتتىرۋعا، ونىڭ اشىقتىعى مەن قولجەتىمدىلىگىن قامتاماسىز ەتۋگە، جەمقورلىقتى ازايتۋعا قىزمەت ەتپەك.

كەزدەسۋ سوڭىندا قوس تاراپ، ياعني ا. باتالوۆ پەن ا. شپەكبايەۆ «جەتىسۋ – ادالدىق الاڭى» جوباسىنىڭ جارعىسىنا قول قويدى. سونىمەن قاتار جەتىسۋلىق ٴبىرقاتار ازاماتتار اگەنتتىك ٴتوراعاسىنىڭ العىس حاتىمەن ماراپاتتالدى.

مۇنان سوڭ ا. شپەكبايەۆ قالاداعى بىرنەشە نىساندى ارالادى. اتاپ ايتقاندا تالدىقورعان كوپ سالالى اۋرۋحاناسىندا، تالدىقورعان قالاسى بويىنشا كىرىستەر دەپارتامەنتىندە بولدى.

بۇگىنگى كۇنى وبلىستىق دەنساۋلىق ساقتاۋ باسقارماسى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ الماتى وبلىسى بويىنشا دەپارتامەنتىمەن بىرلەسىپ «جەتىسۋ – ادالدىق الاڭى» جوباسىنىڭ اياسىندا مەديسينالىق قىزمەتتى سيفرلاندىرۋ بويىنشا ٴبىرشاما جۇمىستار اتقارعان. ماسەلەن، وبلىستىڭ 14 اۋدانىندا ەلەكتروندى كەزەك تاقتالارى ورناتىلىپ، وبلىس بويىنشا قامتۋ 70 %-كە جەتكەن. سونىمەن قاتار «جەتىسۋ» مەديسينالىق اقپاراتتىق جۇيەسىمەن اۋدان ورتالىقتارى مەن قالالىق دەڭگەيدەگى مەديسينالىق ۇيىمدار 100% قامتاماسىز ەتىلگەن.

وسى ساپارىندا ا. شپەكبايەۆ تالدىقورعان كوپ سالالى اۋرۋحاناسىنىڭ، جەدەل جاردەم قىزمەتىنىڭ جانە ونكولوگيالىق اۋرۋلاردى ەرتە كەزەڭنەن انىقتاۋعا مۇمكىندىك بەرەتىن جاعداياتتىق ورتالىقتىڭ جۇمىسىمەن تانىستى.

مەملەكەتتىك كىرىستەر ورگانى بۇگىنگى تاڭدا مۇندا 48 مەملەكەتتىك قىزمەت تۇرلەرى كورسەتىلسە، سونىڭ ٴ32-سى اۆتوماتتاندىرىلعان. مىسالى، تالدىقورعان قالاسىندا 2016 جىلى كورسەتىلگەن قىزمەتتىڭ ۇلەسى ەلەكتروندىق تۇردە 90،3% قۇراعان، 2017 جىلى – 91،5% جانە 2018 جىلدىڭ باسىنان بەرى – 92،7 % نەمەسە 182 106 قىزمەت كورسەتىلدى. بۇل رەتتە مەملەكەتتىك قىزمەت ساپاسىن ارتتىرۋ ٴۇشىن سالىق تولەۋشىنىڭ تەرمينالى جۇمىس ىستەيدى، كورسەتىلەتىن قىزمەتتەر تەرمينالداردا تەگىن جۇرگىزىلەدى، سول سياقتى قر قم مكك جاعداياتتىق ورتالىعىنا قوسىلعان كەزەك باسقارۋدىڭ ەلەكتروندىق جۇيەسى جۇمىس ىستەيدى.

اگەنتتىك ٴتوراعاسى نىسانداردى ارالاۋ بارىسىندا مەملەكەتتىك قىزمەت كورسەتۋ ساپاسى مەن قولجەتىمدىلىگىن ارتتىرۋ، سىبايلاس جەمقورلىق دەڭگەيىن تومەندەتۋ بارلىق قىزمەت كورسەتۋشىلەردىڭ نەگىزگى باسىمدىق بەرەتىن باعىتى بولۋى ٴتيىس ەكەنىن اتاپ ٴوتتى.

مۇنان ٴارى ا. شپەكبايەۆتىڭ ساپارى قاراتال اۋدانى ۇشتوبە قالاسىندا جالعاستى. مۇندا مەملەكەتتىك قىزمەت الۋشىلارعا جايلى جاعدايلار جاساۋ مەن ازاماتتاردىڭ سيفرلىق ساۋاتتىلىعىن ارتتىرۋ ماقساتىندا بيىلعى جىلى ىسكە قوسىلعان «سەرۆيستىك اكىمدىكتىڭ» جۇمىسىمەن تانىستى.

«سەرۆيستىك اكىمدىك» جوباسىنىڭ قاعيدالارى مەملەكەتتىك قىزمەت كورسەتەتىن مەكەمەلەردى ٴبىر جەردە شوعىرلاندىرۋ مەن ازاماتتارعا ىڭعايلى جاعدايلار جاساۋعا نەگىزدەلگەن. «سەرۆيستىك اكىمدىك» ازاماتتارمەن تىعىز بايلانىستا جۇمىس جاساۋعا جانە تۇرعىندارعا قالانىڭ تۇكپىر-تۇكپىرىندە ورنالاسقان بولىمدەردى ىزدەمەي-اق مەملەكەتتىك قىزمەتتەردى ٴبىر عيماراتتان الۋعا مۇمكىندىك بەرەدى.

جوباعا 41 مەملەكەتتىك قىزمەتتى كورسەتەتىن اۋداننىڭ ەڭ قاجەتتى دەگەن ٴبىرقاتار مەكەمەلەرى، اتاپ ايتقاندا ۇشتوبە قالاسى اكىمىنىڭ اپپاراتى، ٴبىلىم بەرۋ، ساۋلەت جانە قالا قۇرىلىسى، جەر قاتىناستارى، جولاۋشىلار تاسىمالى جانە اۆتوموبيل جولدارى بولىمدەرى، قاراتال اۋدانى اكىمدىگىنىڭ جۇمىسپەن قامتۋ ورتالىعى دا قوسىلعان. جالپى، وسى عيمارات اشىلعالى بەرى 4878 مەملەكەتتىك قىزمەت كورسەتىلگەن. كۇنىنە «سەرۆيستىك اكىمدىككە» ورتا ەسەپپەن 58 ادام كەلەدى.

وسى رەتتە «سەرۆيستىك اكىمدىكتە» مەملەكەتتىك ورگانداردىڭ اشىقتىعىن قامتاماسىز ەتۋ ماقساتىندا جەرگىلىكتى اتقارۋشى ورگانداردىڭ بولىمدەرى open space – اشىق كابينالاردا ورنالاسقانىن ايتا كەتكەن ٴجون. وسى «اشىق الاڭداعى» تەرەزەلەردىڭ بىرىندە ٴداستۇرلى جۇمىس كابينەتىنەن باس تارتىپ ۇشتوبە قالاسىنىڭ اكىمى دە جۇمىس ىستەپ وتىر.

وبلىسقا جاساعان ساپارىنىڭ سوڭىندا ا. شپەكبايەۆ قاراتال اۋدانىنىڭ اكتيۆىمەن كەزدەستى. «سەرۆيستىك اكىمدىككە» وڭ باعا بەرىپ، مۇنداي جوبانىڭ اۋداندىق دەڭگەيدە العاش رەت ٴساتتى ىسكە اسىپ وتىرعانىن اتاپ ٴوتتى. «ساپالى مەملەكەتتىك قىزمەت كورسەتۋدە open space رەجيمىندەگى اشىقتىق ٴپرينسيپىن قاتاڭ ۇستاناتىن مۇنداي نىسانداردى بارلىق جەرلەردە اشۋىمىز كەرەك»، - دەدى اگەنتتىك ٴتوراعاسى.

ايتا كەتسەك، اگەنتتىك ٴتوراعاسى كەشە تالدىقورعان قالاسىندا جاڭادان بوي كوتەرگەن بيكەن ريموۆا اتىنداعى دراما تەاترىنىندا سىبايلاس جەمقورلىق تاقىرىبىنداعى بولعان وقيعا ىزىمەن جازىلعان «قۇلقىننىڭ ق ۇلى» دراماسىن وبلىستىڭ مەملەكەتتىك قىزمەتشىلەرىمەن جانە ۋنيۆەرسيتەت ستۋدەنتتەرىمەن بىرگە تاماشالادى. سونداي-اق ا. شپەكبايەۆ «جاستار» سپورت سارايىندا بولىپ، ۆولەيبولدان وتكەن جولداستىق كەزدەسۋگە قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي