BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالدىقورعاندا ەسىرتكى ساتۋشى قولعا ٴتۇستى

تالدىقورعان، baq.kz. تالدىقورعان قالاسىنىڭ 47 جاستاعى تۇرعىنىنىڭ ۇيىنەن ساۋدالاۋ ماقساتىندا ازىرلەپ قويعان «كەپتىرىلگەن ماريحۋاننا» ەسىرتكى زاتى تابىلدى. بۇل تۋرالى الماتى وبلىسى پوليسيا دەپارتامەنتىنىڭ ٴباسپاسوز قىزمەتى حابارلادى.

«دوپينگ» شاراسى بارىسىندا 47 جاستاعى ازاماتتىڭ ۇيىنەن 125 گرامم ەسىرتكى زاتى تابىلدى. ونى وزگەلەرگە ساتۋ ماقساتىندا دايىنداعانى انىقتالدى. ەسىرتكى تاركىلەندى جانە بۇل فاكتى بويىنشا قر قىلمىستىق كودەكسى 297 بابىنىڭ 2-تارماعى بويىنشا قىلمىستىق ٴىس قوزعالدى»، - دەيدى ساقشىلار.

سونىمەن قاتار، اتالعان شارا كەزىندە ٴبىر كۇن ىشىندە پوليسەيلەر ەسىرتكى زاتتارىن زاڭسىز ساقتاۋدىڭ بىرنەشە دەرەگىن انىقتادى. قاراتال اۋدانىندا 50 جاستاعى ازاماتتان 2 كيلوگراممنان 700 گرامم ەسىرتكى تاركىلەنىپ، وعان قاتىستى سوتقا دەيىنگى تەكسەرۋ امالدارىن باستالدى.

ال، پانفيلوۆ اۋدانىنىڭ 68 جاستاعى تۇرعىنى ٴۇش جارىم كيلوگراممعا جۋىق ەسىرتكى قۇرالدارىن ۇيىندە زاڭسىز ساقتاعانى ٴۇشىن قولدانىستاعى زاڭناماعا سايكەس جازاسىن الاتىن بولادى. ال، ىلە اۋدانىنىڭ ٴتارتىپ ساقشىلارى 41 جاستاعى تۇرعىننىڭ ۇيىنەن 5 گراممعا جۋىق ماريحۋاننا ەسىرتكىسىن تاۋىپ، ونى مەكەنجايىن وزگەرتپەۋ جانە كەلۋ تۋرالى مىندەتتەمەمەن جىبەردى.

ايتا كەتەيىك، ۆەدومستۆو تاراتقان اقپارات بويىنشا بيىل الماتى وبلىسىنىڭ پوليسەيلەرى زاڭسىز اينالىمنان 4 توننادان استام ەسىرتكى زاتتارىن تاركىلەپ، ونى جويعان. ونىڭ ىشىندە 1 كيلوگراممنان استام گەروين جانە 14 كگ گاشيش ەسىرتكى زاتى دا بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي