BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سوتتالعانداردىڭ قولىنان قازا تاپقان دارىگەردىڭ قۇرمەتىنە ەسكەرتكىش قويىلدى

استانا، baq.kz. قىلمىستىق-اتقارۋ جۇيەسىندە قىزمەت اتقارۋ – ٴقاۋىپتىڭ وتىندە، قاتەردىڭ قاسىندا ٴجۇرۋ دەگەن ٴسوز. نەبىر قانقۇيلى قىلمىسكەرلەر شوعىرلانعان جەردە جايباراقات جۇرەمىن دەگەن ٴجاي ٴسوز. وعان دالەل – بىرەن-ساران بولسا دا سوتتالعانداردىڭ قولىنان قازا تاپقان قىلمىستىق اتقارۋ جۇيەسىنىڭ قىزمەتكەرلەرى بار. سولاردىڭ ٴبىرى – ايداربەك سابىربەكوۆ.

ايداربەك قابىلبەك ۇلى 1974 جىلى 14 جەلتوقساندا الماتى وبلىسى ۇيعىر اۋدانىنىڭ كەتپەن اۋىلىندا دۇنيەگە كەلگەن. ول 1994 جىلى وتان الدىنداعى مىندەتىن وتەپ كەلگەن سوڭ سول كەزدەگى الماتى مەديسينالىق ۋچيليششەسىنە تۇسەدى. ونى ٴبىتىرىپ ماماندىعى بويىنشا بىرنەشە جىل قىزمەت اتقارعان ول جۇرەك قالاۋىمەن ىشكى ىستەر ورگاندارىنا كەلگەن ەدى. قىلمىستىق-اتقارۋ جۇيەسىنە قاراستى تۇزەۋ مەكەمەلەرىندە دارىگەر ماماندىعى قاشاندا سۇرانىسقا يە ماماندىق. سوندىقتان دا ايداربەك ىشكى ىستەر ورگانىنا كىرۋگە ٴوتىنىش جازىسىمەن كوپ ۇزاماي الماتى قالالىق ىشكى ىستەر باسقارماسىنىڭ بۇيرىعىمەن لا-155/6 مەكەمەسىنىڭ فەلدشەرى لاۋازىمىنا تاعايىندالادى. بۇل ەلىمىزدە قىلمىستىق احۋالدىڭ ٴبىر كۇردەلى كەزەڭى بولاتىن. اسىرەسە اۋىر قىلمىستار جاساعانى ٴۇشىن كولونيالاردا جاستار جاعى باسىم ەدى. تىپتەن كامەلەتتىك جاسقا تولماعان جاسوسپىرىمدەردىڭ اۋىر قىلمىسقا بارۋلارى جيىلەگەن كەز وسى ەكى مىڭىنشى جىلداردىڭ باسى بولاتىن دەسەك ارتىق ايتپايمىز. ال، لا-155/6 تۇزەۋ مەكەمەسى وسىنداي جاسوسپىرىمدەر جازاسىن وتەيتىن مەكەمە.

ايداربەك قابىلبەك ۇلى ٴوزى قالاپ كەلگەن قىزمەتىنە قۇلشىنا كىرىستى. ارينە، باسىندا ەركىندىكتەگىدەي ەمەس، تەمىر توردىڭ ار جاعىندا قىزمەت اتقارۋ پسيحولوگياسىنا ٴبىراز سالماق سالعانمەن، ارادا از عانا ۋاقىت وتىسىمەن قىلمىس دەگەن ٴقاۋىپتىڭ قۇرىعىنا ٴىلىنىپ، ەندى سونىڭ جازاسىن وتەپ جۇرگەن جاسوسپىرىمدەردىڭ دەنساۋلىعىن باقىلاۋدى، اۋىرىپ قالعاندارىن ەمدەۋدى بار ىنتاسىمەن اتقارىپ، جاسوسپىرىمدەرگە جاناشىرلىق تانىتۋدان جالىقپادى. وسى ٴبىر قاعىلەز، قانداي تاپسىرما بولسا دا تاپ-تۇيناقتاي ەتىپ ورىندايتىن جىگىتتى ۇجىمداعىلار «ٴبىزدىڭ دارىگەر اعاي» دەپ اتاپ كەتىپ ەدى. وكىنىشكە قاراي ىشكى قىزمەت كىشى لەيتەنانتى ايداربەكتىڭ ٴومىرى نەبارى 26 جاسىندا ٴۇزىلدى.

2000 جىلدىڭ 30 قاراشاسىندا ول قىزمەتتىك مىندەتىن اتقارۋ كەزىندە ساعات 22.30 شاماسىندا سوتتالعانداردىڭ قاشۋىن توقتاتۋ بارىسىندا سوتتالعان جاسوسپىرىمدەردىڭ قولىنان قازا تاپتى. ارتىندا نەبارى ٴۇش جاستاعى قىزى اياۋلى مەن ٴۇش ايلىق ۇلى ۇلان قالدى.

ارينە، ايداربەكتى ولتىرگەندەردىڭ بارلىعى بۇرىنعى جازالارىنا تاعى دا 10 جىل قوسىلىپ سوتتالعانمەن، جازىقسىز توگىلگەن قان، مەزگىلسىز ۇزىلگەن ٴومىر، ەستەرىن بىلمەي جاتىپ جەتىم قالعان سابيلەردىڭ تاعدىرى، بەسىك تايانىپ ەگىلگەن جارىنىڭ قاسىرەتى مۇنىمەن جەڭىلدەگەن جوق.

ا. سابىربەكوۆكە قازا تاپقاننان كەيىن «ىشكى قىزمەت لەيتەنانتى» ارنايى اتاعى بەرىلدى جانە قازاقستان رەسپۋبليكاسى پرەزيدەنتىنىڭ جارلىعىمەن «ەرلىگى ٴۇشىن» مەدالىمەن ماراپاتتالدى. ٴوزى قىزمەت اتقارعان الماتى قالاسىنداعى لا-155/6 تۇزەۋ مەكەمەسىنىڭ اۋماعىندا ەسكەرتكىش قويىلدى.

جۋىردا ٴبىز قازاقتىڭ «ورنىندا بار وڭالار» دەگەن ٴسوزىنىڭ قاسيەتىنە تاعى ٴبىر رەت كوز جەتكىزدىك. ايداربەكتىڭ جۇبايى سۆەتلانا ساعىمبايەۆا بەيبىت كۇننىڭ باتىرى اتانعان ايداربەكتىڭ ارتىندا قالعان قىزى مەن ۇلىن سانالى ەتىپ تاربيەلەپ، قاتارعا قوسىپتى. بۇگىندە اياۋلى ايداربەكقىزى جوعارى وقۋ ورنىنىڭ ستۋدەنتى بولسا، ۇلان ايداربەك ۇلى اكەسىنىڭ جولىن قۋىپ قر ٴىىم-نىڭ ش.قابىلبايەۆ اتىنداعى اكادەمياسىنىڭ كۇندىزگى وقۋ بولىمىنە ٴتۇسىپتى. وقۋعا تۇسكەندەردى قۇتتىقتاۋ راسىمىندە اكادەميا باستىعى پوليسيا گەنەرال-مايورى م.قىزىلوۆ ۇلانعا ۇلكەن قۇرمەت كورسەتىپ، ٴارى قاراي قىزمەتىن ٴساتتى جالعاستىرۋعا تىلەكتەستىك بىلدىرگەنىنە ەل ريزا.

ەلىمىزدىڭ تاۋەلسىزدىك مەرەكەسى قارساڭىندا ايداربەك سابىربەكوۆتىڭ جانۇياسى مەن تۋعان-تۋىستارى، ارىپتەستەرى تاعى دا ٴبىر قۋانىشتىڭ كۋاسى بولدى. الماتى قالاسى قىلمىستىق-اتقارۋ جۇيەسى دەپارتامەنتىنىڭ باستىعى ادىلەت پولكوۆنيگى ماناس جۇماش ۇلى تۇياقبايەۆتىڭ باستاماسىمەن دەپارتامەنت عيماراتىنىڭ جانىنان لا-155/6 مەكەمەسىنىڭ مەديسينالىق ٴبولىمىنىڭ فەلدشەرى ىشكى قىزمەت لەيتەنانتى ايداربەك قابىلبەك ۇلى سابىربەكوۆكە ەسكەرتكىش اشىلدى.

ەرلىگىمەن ارىپتەستەرىنىڭ ەسىندە ماڭگى قالعان ا.سابىربەكوۆتىڭ ەسكەرتكىشىن اشۋ سالتاناتىنا «گەنەرالدار كەڭەسى» رەسپۋبليكالىق قوعامدىق بىرلەستىگى پرەزيديۋمىنىڭ ٴتوراعاسى گەنەرال رۇستەم ەسىمحان ۇلى حايداروۆ، الماتى قالاسى تۇرىك مادەني ورتالىعىنىڭ ٴتوراعاسى، عالىم، قوعام قايراتكەرى قازاقباي تاشتەمىر ۇلى كاسيموۆ، الماتى قالاسى بويىنشا قازاقستان حالقى اسسامللەياسى ٴتوراعاسىنىڭ ورىنباسارى، قر قارۋلى كۇشتەرى ارداگەرلەر كەڭەسىنىڭ ٴتوراعاسى قازبەك مانسۋروۆ، ايداربەكتىڭ جارى سۆەتلانا، قىزى اياۋلى جانە باۋىرلارى قاتىستى.

سالتاناتتى ٴىس-شارا بارىسىندا قىلمىستىق-اتقارۋ جۇيەسىنە قىزمەتكە جاڭادان قابىلدانعان 20 جاس مامان سالتاناتتى تۇردە انت قابىلدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي