سولتۇستىك قازاقستاننىڭ ماعجان جۇمابايەۆ اۋدانىنا جاڭا اكىم تاعايىندالدى

پەتروپاۆل، baq.kz ٴتىلشىسى. سولتۇستىك قازاقستان وبلىسىنىڭ اكىمى قۇمار اقساقالوۆ ٴوڭىر اكتيۆىنە ماعجان جۇمابايەۆ اۋدانىنىڭ جاڭا باسشىسىن تانىستىردى. بۇل قىزمەتكە اۋىل شارۋاشىلىعى باسقارماسىن باسقارىپ كەلگەن قايرات وماروۆ تاعايىندالدى.

ماعجان جۇمابايەۆ اۋدانىن سوڭعى 3 جىلدا باسقارىپ كەلگەن اسقار بەگمانوۆ «بولاشاق» باعدارلاماسى بويىنشا شەتەلگە وقۋعا اتتانباق. جيىن بارىسىندا قۇمار اقساقالوۆ اۋداننىڭ جاڭا اكىمىنە ناقتى تاپسىرمالار جۇكتەدى.

قايرات قايروللا ۇلى 1979 جىلى 15 ناۋرىزدا بۇرىنعى كوكشەتاۋ وبلىسى ۆولودار اۋدانى، پرەكراسنىي اۋىلىندا تۋعان. «فەميدا» قاراعاندى زاڭ اكادەمياسىنىڭ كوكشەتاۋ فيليالىن، كوكشەتاۋ ەكونوميكا جانە مەنەدجمەنت ينستيتۋتىن ەكونوميكا باكالاۆرى، زاڭگەر ماماندىقتارى بويىنشا ٴتامامداعان.

ەڭبەك جولىن 1996 جىلى ايىرتاۋ اۋدانى پرەكراسنىي ورتالاۋ مەكتەبiندە مۇعالiم بولۋدان باستادى.

2004-2007 جىلدار ارالىعىندا عابيت مۇسiرەپوۆ اتىنداعى اۋداننىڭ ادiلەت باسقارماسىنىڭ جەتەكشi، باس مامانى بولىپ جۇمىس iستەدi.

2007-2008 جىلدار ارالىعىندا ايىرتاۋ اۋدانى ادiلەت باسقارماسىنىڭ باس مامانى بولىپ قىزمەت اتقاردى.

2008-2012 جىلدار ارالىعىندا «حالىققا قىزمەت كورسەتۋ ورتالىعى» رمك فيليالىنىڭ عابيت مۇسiرەپوۆ اتىنداعى اۋدان بويىنشا ٴبولiمiنiڭ باستىعى بولدى.

2012 جىلدان باستاپ وسى تاعايىنداۋعا دەيiن عابيت مۇسiرەپوۆ اتىنداعى اۋدان اكiمiنiڭ ەكونوميكا جانە اۋىل شارۋاشىلىعى جونiندەگi ورىنباسارى قىزمەتiن اتقاردى.

2015 جىلدان باستاپ، وسى كۇنگە دەيىن سولتۇستiك قازاقستان وبلىسى اۋىل شارۋاشىلىعى باسقارماسىنىڭ باسشىسى بولدى.

جيىننان كەيىن وبلىس اكىمى اۋدان ورتالىعى بۋلايەۆتا جاقىندا اشىلعان دەنە شىنىقتىرۋ - ساۋىقتىرۋ كەشەنىنىڭ جۇمىسىمەن تانىسىپ، جاس سپورتشىلارمەن، اۋدان تۇرعىندارىمەن تىلدەستى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!