سەنبى كۇنگى اۋا رايى بولجامى

اساتانا، baq.kz. سەنبى،17 قاراشا كۇنى رەسپۋبليكانىڭ سولتۇستىگى مەن شىعىسىندا فرونتالدىق بولىكتەردىڭ وتۋىنە بايلانىستى كەي جەرلەردە قار جاۋادى. جەكەلەگەن اۋماقتاردا تۇمان، كوكتايعاق، ەكپىندى جەل مەن بۇرقاسىن كۇتىلەدى، دەپ بولجايدى «قازگيدرومەت» سينوپتيكتەرى.

اقمولا، سولتۇستىك قازاقستان، كۇندىز قوستاناي، پاۆلودار وبلىستارىنىڭ كەي جەرلەرىندە بۇرقاسىن كۇتىلەدى، جەل 15-20 م/س كۇشەيەدى. سولتۇستىك قازاقستان، قوستاناي وبلىستارىنىڭ كەي جەرلەرىندە تۇمان، كوكتايعاق كۇتىلەدى.

جامبىل، ماڭعىستاۋ، قاراعاندى وبلىستارىنىڭ جەكەلەگەن اۋماقتارىندا تۇمان كۇتىلەدى. ماڭعىستاۋ وبلىسىندا جەلدىڭ ەكپىنى 15-20 م/س ارتىپ، كۇندىز قاراعاندى وبلىسىنىڭ كەي جەرلەرىندە جاياۋ بۇرقاسىن جۇرەدى. شىعىس قازاقستان وبلىسىنىڭ كەي اۋماقتارىندا جاياۋ بۇرقاسىن بولادى. كۇندىز قىزىلوردا وبلىسىندا جەلدىڭ جىلدامدىعى 15-20 م/س كۇشەيەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!