BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

سەمەيدە 1000-نان استام بالا مامانداردىڭ كاسىبي كومەگىنە مۇقتاج

سەمەي، baq.kz. سەمەي قالاسىندا ەرەكشە قاجەتتىلىكتەرى بار بالالار ٴۇشىن جاڭا پسيحولوگيالىق-پەداگوگيكالىق تۇزەتۋ كابينەتى (پپتك) اشىلدى.

بۇل «دارا» قايىرىمدىلىق قورى «samruk-kazyna trust» الەۋمەتتىك جوبالاردى دامىتۋ قورىمەن بىرلەسىپ اشقان ونىنشى ورتالىق.

شقو ٴبىلىم باسقارماسىنىڭ مالىمەتىنە سۇيەنسەك، سەمەي قالاسىندا ەرەكشە قاجەتتىلىكتەرى بار 2500-دەن استام بالا تۇرادى، سونىڭ ىشىندە 945 مۇمكىندىگى شەكتەۋلى. سونىمەن قاتار، دامۋىندا بۇزىلۋ بار مەكتەپكە دەيىنگى جاستاعى بالالاردىڭ 22% مەكتەپكە دەيىنگى تاربيەمەن دە، تۇزەتۋ كومەگىمەن دە قامتىلماعان. بۇگىنگى تاڭدا، سەمەي قالاسىنىڭ وزىندە 1000-نان استام بالا مامانداردىڭ كاسىبي كومەگىنە مۇقتاج.

مامانداردىڭ ۋاقىتىلى جانە بىلىكتى كومەگى ٴومىردى جاقسارتۋعا جانە كەز كەلگەن بالانىڭ، اسىرەسە مۇمكىندىگى شەكتەۋلى بالانىڭ لايىقتى جانە تابىستى بولاشاعىنا مۇمكىندىك بەرەدى.

وسىعان وراي، سەمەي قالاسىندا ماقساتى ارنايى ٴبىلىم قاجەتتىلىكتەرى بار بالالارعا جانە ولاردىڭ وتباسىلارىنا ٴتيىمدى كومەك كورسەتۋ بولىپ تابىلاتىن العاشقى ورتالىق پايدا بولدى. اشىلعالى جاتقان ورتالىق - كەز-كەلگەن ەرەكشە بالا مەن ونىڭ وتباسى دەفەكتولوگ، پسيحولوگ، لوگوپەد، سۋردو-اۋدارماشى، تيفلوپەداگوگ جانە ەدش ينسترۋكتورى سياقتى مامانداردان تولىققاندى كومەك الا الاتىن مەكەمە.

جىل سايىن وسى ورتالىق دامۋىندا ٴار ٴتۇرلى بۇزىلۋلارى بار 150-دەن استام بالاعا قىزمەت كورسەتەتىن بولادى، بالالار جانە ولاردىڭ وتباسىلارى قىزمەتتەردى تەگىن جانە تۇرعىلىقتى مەكەنجايىنا بايلانىستى الا الادى. ٴبىزدىڭ ستراتەگيالىق ماقساتىمىز - وسىنداي ورتالىقتاردىڭ ەرەكشە بالا ٴوسىپ كەلە جاتقان وتباسىلار ٴۇشىن «قول سوزىم» جەردە ورنالاسۋىن قامتاماسىز ەتۋ.

«مەن سىزدەردى وسىنداي ماڭىزدى شارامەن قۇتتىقتاعىم كەلەدى. ماڭىزدىلىعىن بارىنەن دە مۇعالىمدەر مەن پسيحولوگيالىق-پەداگوگيكالىق تۇزەتۋگە مۇقتاج بالالار تۇسىنەدى. جانە بۇگىنگى تاڭدا وسى ورتالىقتىڭ اشىلۋىمەن ارنايى ٴبىلىم بەرۋ قاجەتتىلىگى بار بالالاردى الەۋمەتتىك بەيىمدەۋدىڭ بارلىق مۇمكىندىكتەرى بار جانە ٴبىزدىڭ جەرگىلىكتى اتقارۋشى ورگانىمىز وسى ٴىس-شاراعا بەلسەنە قاتىساتىن بولادى»، - دەدى سەمەي قالاسىنىڭ اكىمى ەرمول ٴسالىموۆ.

سەمەيدەگى پسيحولوگيالىق-پەداگوگيكالىق تۇزەتۋ كابينەتىنىڭ اشىلۋى مەملەكەتتىڭ، ۇكىمەتتىك ەمەس سەكتوردىڭ جانە بيزنەستىڭ سەرىكتەستىگى ارقاسىندا جۇزەگە اسىرىلدى. وسىلايشا، ورتالىقتى اشۋعا جوعارى قىزىعۋشىلىق تانىتقان جەرگىلىكتى اتقارۋشى ورگاندار تەگىن ورىنمەن قاماتامسىز ەتۋدە، «samruk-kazyna trust» قورىنىڭ قولداۋىمەن «دارا» قورى وسى ورىنداردى بەيىمدەۋ، كەدەرگىسىز ورتانى جاساۋ جانە ماتەريالدىق-تەحنيكالىق جابدىقتارمەن جاساقتاۋ بويىنشا جۇمىستار جۇرگىزەدى، سونداي-اق مامانداردى وقىتادى. ورتالىق اشىلعاننان كەيىن جەرگىلىكتى بيۋدجەتتىڭ تەڭگەرىمىنە جانە كۇتىمىنە اۋىسادى، وسىلايشا جوبا ناتيجەلەرىنىڭ تۇراقتىلىعى قامتاماسىز ەتىلەدى.

«پسيحولوگيالىق-پەداگوگيكالىق تۇزەۋ كابينەتىنىڭ اشىلۋى - بۇل ەلىمىزدە ينكليۋزيۆتى قوعامدى دامىتۋدا جاسالعان تاعى ٴبىر قادام بولىپ تابىلادى. سەمەيدەگى پپتك - «دارا» قورىنىڭ «samruk-kazyna trust» قورىمەن بىرىگە اشىپ جاتقان ونىنشى پپتك. ايتا كەتەتىن ٴجايىت، وسكەمەن قالاسىنداعى پپتك-دە ەكى جىلدان ارتىق ۋاقىتتا ارنايى ٴبىلىم بەرۋ قاجەتتىلىگى بار 320-دان استام بالا قامتىلدى. قازاقستان بويىنشا بارلىعى 4 000-نان استام بالا تۇزەتۋ كابينەتتەرىندە كومەك الدى جانە الىپ كەلە جاتىر»، - دەپ «samruk-kazyna trust» الەۋمەتتىك جوبالاردى دامىتۋ قورىنىڭ وكىلى ىرگەبايەۆ ميراس اتاپ ٴوتتى.

ەستەرىڭىزگە سالا كەتەيىك، 2016 جىلى شىعىس قازاقستان وبلىسىنىڭ وبلىستىق ورتالىعىندا «دارا» قورى «samruk-kazyna trust» الەۋمەتتىك جوبالاردى دامىتۋ قورىمەن بىرلەسىپ №46 ورتا مەكتەپتىڭ بازاسىندا پسيحولوگيالىق-پەداگوگيكالىق تۇزەتۋ كابينەتىن اشتى. بۇگىنگى تاڭدا ەرەكشە قاجەتتىلىگى بار 320 بالاعا قىزمەت كورسەتىلدى جانە كورسەتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي