استانا، baq.kz. سانكت-پەتەربۋرگ مەملەكەتتىك ورمان-تەحنيكالىق ۋنيۆەرسيتەتىنىڭ عىلىمي كەڭەسى باس عيماراتىندا الاش كوسەمى əليحان بوكەيحانوۆقا ەستەلىك تاقتا ورناتىلاتىن بولدى. بۇل تۋرالى الاشتانۋشى سۇلتان حان ٴجۇسىپ facebook پاراقشاسىندا جازدى.
استانا: 
2258 
0
«ٴسۇيىنشى، الاش ۇرپاقتارى، ٴسۇيىنشى! وسىدان تۋرا جارتى ساعات بۇرىن عانا سانكت-پەتەربوردان قۋانىشتى جاڭالىق كەلىپ جەتتى. التى الاش كوسەمى ٴاليحان بوكەيحانوۆتىڭ 1890-1894 جىلدارى وقىپ بىتىرگەن بۇرىنعى يمپەراتورلىق ورمان ينستيتۋتى، قازىرگى سانكت-پەتەربور مەملەكەتتىك ورمان-تەحنيكالىق ۋنيۆەرسيتەتىنىڭ عىلىمي كەڭەسى باس عيماراتىنىڭ ماڭدايىنا ٴوزىنىڭ داڭقتى تۇلەگى، 2015 جىلى يۋنەسكو باس كونفەرەنسياسىنىنىڭ 38-سەسسياسى «بۇكىل الەمدىك شىنايى داڭقتى قايراتكەر» دەپ تانىعان ٴاليحان بوكەيحانعا ەستەلىك تاقتا ورناتۋ تۋرالى ۇسىنىستى 27 داۋىسپەن قولداپ، 7 داۋىس قارسى، 5 داۋىس قالىس قالىپ، باسىم كوپشىلىك داۋىسپەن ماقۇلدادى»، - دەپ جازدى عالىم.
ەسكەرتكىش تاقتا ورناتۋدى اتالعان جوعارى وقۋ ورنىنىڭ تۇلەگى مايكەن ازەنوۆ ۇسىنىپ، عىلىمي كەڭەستىڭ قاراۋىنا ارنايى حات جولداعان. تاقتانى جاساتىپ، ورناتۋدى «اق جول» پارتياسى ٴوز جاۋاپكەرشىلىگىنە الىپ وتىر.
«ودان بولەك ۇلت كوسەمىنىڭ قيان-كەسكى كۇرەسكە تولى عۇمىرىنىڭ اقىرعى 15 جىلىن (1922-1937 جج.) وتكىزگەن ماسكەۋدەگى ب. كيسلوۆسكيي ورامى، 4 ٴۇيى مەن سامارا قالاسىنداعى 1909-1917 جىلدارى تۇرعان كازانسكايا كوشەسى، 30 (ٴقازىر 32 ٴۇي) ۇيىنە دە ەستەلىك تاقتا ورناتۋ ٴىسى قولعا الىندى. «اق جول» پارتياسىنىڭ ماجىلىستەگى فراكسياسىنان ماسكەۋدەگى ەلشىلىككە تيەسىلى حات جولداندى. ەندى ماسكەۋدەن حابار كۇتىپ وتىرمىز»، - دەدى سۇلتان حان اقق ۇلى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
17087
0