استانا: 
2706 
0
استانا، baq.kz. ەلىمىزدە الداعى ەكى كۇندە «قىسقى كەزەڭ جاعدايىندا توتەنشە جاعدايلاردى جويۋ كەزىندەگى ٴىس-قيمىلدارعا ازاماتتىق قورعاۋ مەملەكەتتىك جۇيەسىنىڭ باسقارۋ ورگاندارى مەن كۇشتەرىن دايارلاۋ» تاقىرىبىندا «قىس 2018» رەسپۋبليكالىق كوماندالىق–شتابتىق وقۋ-جاتتىعۋى وتەدى.
وقۋ-جاتتىعۋدىڭ باسشىلىق شتابى استانا قالاسىندا ورنالاسادى (قر ٴىىم تج كوميتەتىنىڭ داعدارىس جاعدايلارىندا باسقارۋ ورتالىعىنىڭ احۋالدىق زالى). وقۋ-جاتتىعۋدىڭ باسشىسى قر ىشكى ىستەر ٴمينيسترىنىڭ ورىنباسارى يۋ.ۆ. يلين.
«وقۋ-جاتتىعۋ قىس كەزەڭىندەگى توتەنشە جاعدايلاردى جويۋعا ازاماتتىق قورعاۋ مەملەكەتتىك جۇيەسىنىڭ جانە حالىقتىڭ دايىندىق دەڭگەيى مەن قابىلەتىن ارتتىرۋ، ازاماتتىق قورعاۋ قىزمەتتەرى مەن قۇرامالارىنىڭ قىسقى كەزەڭدەگى تج-عا دەن قويۋعا ازىرلىگىن تەكسەرۋ ماقساتىندا وتكىزىلەدى»، - دەلىنگەن ۆەدومستۆونىڭ حابارلاماسىندا.
سونىمەن قاتار، «قىس-2018» وقۋ-جاتتىعۋى اياسىندا 2018 جىلعى 2 قاراشادا رەسپۋبليكا بويىنشا تج-نى جويۋ بويىنشا ىس-ارەكەتتەردى پىسىقتاۋعا ارنايى-تاكتيكالىق جاتتىعۋلار، اۆاريالىق-قۇتقارۋ قىزمەتتەرىمەن جانە ازاماتتىق قورعاۋ قۇرامالارمەن پراكتيكالىق ارەكەتتەر وتكىزىلەدى.
«قىس-2018» وقۋ-جاتتىعۋى اياسىندا ەلدىڭ وڭىرلەردە ەلەكتر دابىلدار قوسۋىمەن قۇلاقتاندىرۋ جۇيەسىنە تەحنيكالىق تەسكەرىس جۇرگىزىلەدى. وسى ٴىس-شارا حالىققا «بارشانىڭ نازارىنا!» قۇلاقتاندىرۋ ٴبىرىڭعاي دابىلىنا ارەكەت ەتۋ ٴتارتىبىن ۇيرەتۋ ماقساتىندا وتكىزىلەدى. وسىعان بايلانىستى سابىر ساقتاۋعا جانە ۇرەيلەنبەۋگە شاقىرامىز»، - دەيدى ماماندار.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
17079
0