BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رۋسلان دالەنوۆ ۇەم-نىڭ سىبايلاس جەمقورلىقپەن قالاي كۇرەسەتىنىن ايتتى

بۇگىن ماجىلىستە قر ۇلتتىق ەكونوميكا مينيسترلىگى دەپۋتتارعا جاڭا سالىق كودەكسىنىڭ جوباسىن تانىستىردى. جيىندا ۆيسە-مينيستر رۋسلان دالەنوۆ ۇەم مەن وعان قاراستى مەكەمەلەردەگى قىزمەتكەرلەردىڭ جۇمىس ىستەۋ يدەولوگياسىن قالاي وزگەرەتىنىن ايتتى، دەپ حابارلايدى baq.kz ٴتىلشىسى.

جيىندا قر پارلامەنتى ٴماجىلىسىنىڭ دەپۋتاتى مايرا ايسينا اتالعان مينيسترلىككە ٴوز ساۋالىن جولدادى.

«جاڭا سالىق كودەسىندەگى يدەولوگيانى وزگەرتۋ جونىندەگى تۇجىرىمداماسى ٴبىزدى قۋانتادى. ياعني زاڭداعى انىقتالماعان كەيبىر تۇستار سالىق تولەۋشىنىڭ پايداسىنا شەشىلەدى ەكەن. ٴبىراق وسى كۇنگە دەيىن سالىق تولەۋشى كىنالى بولىپ كەلگەنىن بىلەمىز. ال سالىق ينسپەكسياسىنىڭ قىزمەتكەرلەرىمەن سويلەسۋ مۇمكىن ەمەس. وسى ورايدا مينيسترلىك جانە وعان قاراستى قۇرىلىمدار ٴوز قىزمەتكەرلەرىنىڭ يدەولوگياسىن قالاي وزگەرتپەك؟»، - دەدى ول.

حالىق قالاۋلىسىنىڭ ساۋالىنا قر ۇلتتىق ەكونوميكا ۆيسە-مينيسترى رۋسلان دالەنوۆتىڭ ٴوزى جاۋاپ بەردى.

«جاقسى سۇراق. ٴبىز قالاي جازساق تا، جەرگىلىكتىك جەرلەردە، ميكرو دەڭگەيدە رەفورما دۇرىس قابىلدانباسا، تەكسەرۋشىنىڭ دنق-سى وزگەرمەسە، كەز-كەلگەن رەفورما جۇزەگە اسپايدى. سوندىقتان ينستيتۋسيونالدى تۇردە العاشقى قادام جاسالدى. مىسالى، قاراپايىم قاتەرلەردى ساناتتاۋعا بايلانىستى سۇراققا توقتالايىن. قىزىل، جاسىل ساناتتار دەپ بولدىك. نە وزگەردى؟ مەنى تەكسەرۋگە ( سالىق ينسپەكسياسىنىڭ قىزمەتكەرلەرى – اۆتور) كەلدى دەلىك. مەن ولاردىڭ نە ٴۇشىن كەلگەنىن بىلمەيمىن ٴارى ولار ماعان ەشتەڭە تۇسىندىرگەن جوق. ولار ماعان قاتەرلى سانات توبىندا ەكەنىمدى ايتتى دەلىك. ال مەن نەگە بىلمەيمىن؟ ەڭ قورقىنىشتىسى، ولاردىڭ ەندى ماعان كەلمەس ٴۇشىن نەمەسە ولار ٴجيى تەكسەرمەس ٴۇشىن مەن نە ىستەرىمدى بىلمەيمىن. مۇمكىن مەن كەيبىر دەكلاراسيانى تاۋىپ، اقشا تولەۋىم كەرەك شىعار»، - دەدى ٴمينيستردىڭ ورىنباسارى.

وسى ورايدا ول جاڭا سالىق كودەكسىندە اتالعان ماسەلەنىڭ ەسكەرىلگەنىن العا تارتتى.

«ەندى بارلىق سالىق تولەۋشىلەر الدىن الادى ارنايى ماتريسادان وتكىزىلىپ، ولاردىڭ جۇمىسىنداعى كەمشىلىكتەر كورسەتىلەدى. ال سالىق تولەۋشى ٴوز كەمشىلىگىن ٴبىلىپ، سونى جوندەۋگە تىرىسادى. بۇل – بيزنەستى قورعاۋ ٴارى جەرگىلىكتى ورىنداردا، ميكرو دەڭگەيدە سىبايلاس جەمقورلىقپەن كۇرەس بولىپ سانالادى. ٴبىز مەنتاليتەت رەفورماسى بىردەن جۇزەگە اسپايدى دەپ ويلايمىز. مەن زاڭداعى كەيبىر وزگەرىستەر دۇرىس جۇمىس ىستەگىسى كەلمەيتىن ازاماتتارعا كەدەرگى بولىپ، دۇرىس جۇمىس ىستەۋگە جاعداي جاسايدى دەپ سەنەمىن»، - دەدى ۆيسە-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي