BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا-دۋشانبە» اۋە رەيسى اشىلدى

استانا، baq.kz ٴتىلشىسى. قازاقستاننىڭ scat اۋە كومپانياسى «استانا-دۋشانبە» باعاتىندا جاڭا حالىقارالىق رەيس اشتى. بۇل قازاقستان مەن تاجىكستان استانالارى اراسىنداعى العاشقى تىكەلەي اۋە رەيسى.

«ٴبىزدىڭ اۋە كومپانيا بيىلعى جىلدىڭ وزىندە 8-دەن استام جاڭا باعىت اشتى. ولاردىڭ ۇشەۋى – حالىقارالىق رەيس. «استانا-دۋشانبە» باعىتىنداعى العاشقى رەيس ەرتەڭ، ساعات 00.15-تە bombardier crj 200 اۋە كەمەسىمەن جاسالادى. رەيس اپتاسىنا ەكى رەت، ٴار جۇما جانە جەكسەنبى كۇندەرى جاسالماق»، - دەدى ٴباسپاسوز ماجىلىسىندە scat اۋە كومپانياسىنىڭ كوممەرسيا جونىندەگى ۆيسە-پرەزيدەنتى نيكولاي بۋرياكوۆ.

ونىڭ ايتۋىنشا، تاريف ٴبىر باعىتقا 44 مىڭ تەڭگەدەن باستالسا، ەكى جاققا 86 مىڭ تەڭگەدەن باستالادى.

«مەنىڭ ويىمشا، بۇل ىڭعايلى بولادى. جانە بۇل ىسكەرلىك بەلسەندىلىكتى ارتتىرىپ، بيزنەستى دامىتادى. قازاقستان ازاماتتارىنا تاجىكستان استاناسىنا بارۋعا جانە تاجىكستان ازاماتتارىنا قازاقستان استاناسىن كورۋگە مۇمكىندىك بەرەدى»، - دەدى نيكولاي بۋرياكوۆ.

مامانداردىڭ پىكىرىنشە، بۇل حالىقارالىق رەيس ەكى ەل اراسىنداعى ەكونوميكالىق بايلانىستى نىعايتىپ، تۋريزم سالاسىن دامىتۋعا مۇمكىندىك بەرەدى.

قر يدم ازاماتتىق اۆياسيا كوميتەتىنىڭ ٴتوراعاسى تالعات لاستايەۆ «استانا-دۋشانبە» رەيسى ۇزاق كۇتتىرگەن باعىتتاردىڭ ٴبىرى ەكەنىن ايتتى.

«ٴبىز ەلوردانىڭ تمد مەملەكەتتەرى استانالارىمەن بايلانىس ورناتۋ كەزەڭىن وسى رەيسپەن اياقتاپ وتىرمىز. بىزدە بارلىق كورشى ەلدەرمەن، تمد بويىنشا سەرىكتەستەرمەن تىكەلەي رەيستەر بولدى. «استانا-دۋشانبە» - بۇل ٴبىز بۇرىننان قول جەتكىزۋگە تىرىسقان، ۇزاق كۇتتىرگەن باعىتىمىز. ٴبىز وسى رەيس بويىنشا ۇزاق ۋاقىت جۇمىس ىستەدىك، اۆياسيا سالاسىنداعى ارىپتەستەرىمىزبەن كەلىسسوزدەر جۇرگىزدىك. كومپانيالار دا ٴوز دەڭگەيىندە جۇمىس جاسادى. ەندى وسى رەيستەردىڭ سىيىمدىلىعى مەن سانىن ارتتىرۋ بويىنشا ىسكە كىرىسىپ كەتتىك»، - دەدى لاستايەۆ.

ماماننىڭ مالىمەتىنشە، ازاماتتىق اۆياسيا كوميتەتى جەلتوقسان ايىندا تاجىكستان اۆياسيا اكىمشىلىگىمەن كەلىسسوز جۇرگىزۋدى جوسپارلاپ وتىر.

«ٴبىز كەلىسسوزدەر بارىسىندا اشىلعان رەيستىڭ سانىن ارتتىرۋعا مۇددەلىمىز. ويتكەنى، بۇنىڭ تىكەلەي ۇشۋ جانە ترانزيتتىك ۇشۋ الەۋەتى زور. مەنىڭشە، بۇل باعىت كەڭەيىپ، دامي تۇسەدى. قازاقستاندىق جانە تاجىكستاندىق تاسىمالداۋشىلار رەيستەرىن كوبەيتىپ، جولاۋشىلارعا ەلدەر اراسىندا ۇشۋعا قولايلى جاعدايلار جاسايدى دەپ ويلايمىن»، - دەدى تالعات لاستايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي