BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«كەيكى مەرگەن» سەريالى تاۋەلسىزدىك كۇنى ەفيرگە شىعادى 

استانا، baq.kz. «قازاقستان» تەلەراديوكورپوراسياسىنىڭ تاۋەلسىزدىك كۇنىنە وراي دايىنداعان ارنايى جوبالارىنىڭ تانىستىرىلىمى ٴوتتى.

شاراعا تەلەراديوكورپوراسيانىڭ باسقارما ٴتوراعاسى ەرلان قارين قاتىستىپ، «qazaqstan»، «qazsport» جانە «balapan» تەلەارنالارىنىڭ تاۋەلسىزدىك مەرەكەسىنە وراي ەفيرگە شىعاتىن ارنايى جوبالارى تۋرالى ايتتى.

«قازاقستان» كورپوراسياسىنىڭ قۇرامىنا كىرەتىن تەلەارنالار مەن راديولاردىڭ، ونىڭ ىشىندە ۇلتتىق ارنانىڭ ەڭ باستى ماقساتى - ۇلتتىق ونەردى، ۇلتتىق قۇندىلىقتاردى ناسيحاتتاۋ. ەلىمىزدىڭ باستى مەيرامى - تاۋەلسىزدىك كۇنىنە ٴبىز ەرەكشە ٴمان بەرەمىز. وتكەن جىلى حابارلاعانداي، ٴبىز جىل باسىندا، ەڭ باستى جوبالارىمىزدىڭ تۇساۋكەسەرلەرىن ارنايى تاۋەلسىزدىك كۇنىنە جوسپارلاعان بولاتىنبىز. سوندىقتان، اقپارات قۇرالدارى ارقىلى، ٴبىزدىڭ تەلەۆيزيالىق ونىمدەر ارقىلى، حالىق اراسىندا تاۋەلسىزدىك كۇنىنىڭ ماڭىزدىلىعىن ارتتىرۋعا ۇمتىلامىز" - دەيدى ول.

سونىمەن قاتار ول، تاۋەلسىزدىك كۇنىنە وراي، وسى اپتادا بولاتىن ارنايى جوبالاردىڭ باعدارلامالىق كەستەسىن الدىن-الا تانىستىردى.

"سەبەبى، بۇل ٴبىزدىڭ ەڭ ۇلكەن، ٴتول مەرەكەمىز. وسى مەرەكە كۇندەرى اۋديتوريامىزدىڭ كەڭ جينالاتىنىن ەسكەرە وتىرىپ، تانىمدى، تاربيەلىك ماڭىزى بار جوبالارىمىزدى دايىنداپ، ۇسىناتىن بولامىز. بيىل، كورپوراسياعا كىرەتىن بارلىق قۇرىلىمىمىز وسى تاۋەلسىزدىك كۇنىنە ارنايى دايىندالدى" - دەيدى ٴتوراعا.

ۇلتتىق ارنا «كەيكى مەرگەن» جانە «كۇي عۇمىر» اتتى تاريحي تەلەحيكايالاردىڭ تۇساۋكسەرلەرىن دە وسى تاۋەلسىزدىك كۇنىنە ارنايى جوسپارلانعان.

سونىمەن 15 جەلتوقساننان باستاپ، «qazaqstan» ۇلتتىق ارناسىندا 14:50-دە 16 ٴبولىمدى «كەيكى مەرگەن»، ال، 17 جەلتوقسان كۇنى، ساعات 21:50-دە كۇي ونەرى، قازاقتىڭ جانى – دومبىرانى ارقاۋ ەتكەن «كۇي عۇمىر» تەلەحيكاياسى كورسەتىلەدى.

16 جەلتوقساندا، ساعات 21:00-دە «men qazaqpyn» گالا-كونسەرتىنىڭ تۇساۋكەسەرى. گالا-كونسەرتتە «men qazaqpyn» جوباسىنىڭ جەڭىمپازدارىن تەرمە، كۇي جانە ٴداستۇرلى ٴان جانرلارى بويىنشا ماراپاتتالىپ، قازىلار القاسىنىڭ مۇشەلەرى ۇلجان بايبوسىنوۆا، ايگۇل ۇلكەنبايەۆا، ايگۇل ەلشىبايەۆا ٴوز ونەرلەرىن كورسەتەدى.

15 جەلتوقسان كۇنى، تاۋەلسىزدىك كۇنىنە وراي، ساعات 18:20-دا «جەلتوقساننىڭ 16 كۇنى» اتتى دەرەكتى ٴفيلمى كورسەتىلەدى. سونداي-اق، تاۋەلسىزدىك جىلدارىنداعى ەلىمىزدىڭ ەلەۋلى وقيعالارى مەن جەتىستىكتەرى، قر پرەزيدەنتىنىڭ اتقارعان جۇمىستارى باياندالاتىن «qazaqstan» تەلەارناسى جانە "igraphic" ديزاين ستۋدياسى بىرلەسە وتىرىپ دايىنداعان بەينەروليكتەر توپتاماسى ۇسىنىلاتىن بولادى.

سونىمەن قاتار، ۇلتتىق ارنا كورەرمەندەرى ادەتتەگىدەي «ۇمىتىلماس اندەر» كونسەرتىن، «ٴازىل الەمى» ويىن-ساۋىقتىق باعدارلاماسىنىڭ جاڭا شىعارىلىمىن كورە الادى.

ال، «qazsport» ارناسىندا 16 جەلتوقسان كۇنى، ساعات 10:10-دا «اناتوليي حراپاتىي: مويا رودنايا شتانگا» اتتى دەرەكتى ٴفيلمى، 19:35-تە «qazaqstan fighter» رەاليتي-شوۋىنىڭ فينالدىق كورسەتىلىمى، 23:00-دە «astana arlans» كۋبوگىنا ارنالعان كاسىبي بوكس كەشى كورەرمەنگە جول تارتادى.

«balapan» ارناسى 10 جەلتوقساننان باستاپ كىشكەنتاي كورەرمەندەرگە hd فورماتتا 3 جاڭا مۋلتحيكايا تارتۋ ەتپەك. دۇيسەنبىدەن باستاپ 12:35-تە «ايدار»، 12:45-تە «دالا ويىندارى»، 16:30-دا «ەرتەمىر» انيماسيالىق فيلمدەرى ەفيرگە جول تارتادى. سونىمەن قاتار، «balapan» ارناسىنىڭ كورەرمەندەرى «ورمان كۇزەتى» مەن «شاحمات پاتشالىعى» مۋلتحيحايالارىن تاماشالاي الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي