BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنت شىرشاسىندا بالالارعا ارنايى سەرتيفيكاتتار تابىستالدى

استانا، baq.kz ٴتىلشىسى. ەلوردادا مەملەكەت باسشىسى نۇرسۇلتان نازاربايەۆ بالالارلى جاڭا جىلمەن مەرەكەسىمەن قۇتتىقتادى.

مەملەكەت باسشىسى ٴوز قۇتتىقتاۋىن ۆيدەوۇندەۋ ارقىلى جولدادى.

«جاڭا جىل شىرشاسىنا ۇزدىك وقيتىن ورەندەر جينالىپ وتىر. مەن سەندەردى جانە ەلىمىزدىڭ بارلىق بالاسىن مەرەيلى مەرەكەمەن شىن جۇرەگىممەن قۇتتىقتايمىن. بۇل وزدەرىڭدى جاڭا ارمانعا جەتەلەيتىن، جاڭا ٴۇمىت سىيلايتىن ەرەكشە مەيرام. وسى مەرەكەدە باسقوسۋدى بۇكىل بالا جىل بويى اسىعا كۇتەتىنى بەكەر ەمەس. ولار اقجولتاي تىلەكتەرىنىڭ ورىندالاتىنىنا سەنەدى»، - دەدى ول.

ەلباسى شىرشا تويىندا ونەر كورسەتىپ، سىيلىق الاتىن ٴبۇلدىرشىننىڭ قۋانىشىنان ارتىق ەشتەڭە جوق ەكەنىن اتاپ ٴوتتى.

«بالالاردىڭ الاڭسىز، ٴارى باقىتتى ٴومىر ٴسۇرۋى ٴۇشىن ٴبىز بارلىق جاعدايدى جاساپ كەلەمىز. سوندىقتان بارىڭدە سانالى تاربيەگە، ساپالى ٴبىلىم الۋعا ۇمتىلۋلارىڭ كەرەك. بۇگىندە دۇنيەجۇزى تاۋەلسىز قازاقستاننىڭ جارقىن جەتىستىكتەرىنە قۇرمەتپەن قارايدى. وسىنداي مارتەبەلى مەملەكەتتە، ەركىن ەلدە ٴوسىپ جاتقان سەندەر باقىتتىسىڭدار»، - دەدى نۇرسۇلتان نازاربايەۆ.

ال ٴبىلىم جانە عىلىم ۆيسە-مينيسترى ەلميرا سۋحانبەرديەۆا پرەزيدەنت شىرشاسىندا بالالارعا قانداي سىيلىقتار بەرىلەتىنىن جەتكىزدى.

«استانالىق 200 بالا پرەزيدەنت شىرشاسىن تويلاپ جاتىر. ولاردىڭ اراسىندا از قامتىلعان وتباسىلاردىڭ بالالارى دا بار. سىيلىق رەتىندە بالالارعا كيىم الۋعا 100 مىڭ تەڭگەنىڭ سەرتيفيكاتى بەرىلەدى. بالالار ٴوزىمىز تاڭدايىقشى دەگەن سوڭ، مينيسترلىك وعان رۇقسات بەردى. ولارعا كامپيتتەر دە بەرىلەدى»، - دەدى ۆيسە-مينيستر.

سونىمەن قاتار ول بۇگىن ساعات 11-دە 14 وبلىس مەن 2 رەسپۋبليكالىق ماڭىزى بار قالادا دا پرەزيدەنت شىرشاسى وتەتىنىن حابارلادى.

جاڭا جىلدىق شىرشانى بالالارمەن قاتار استانا قالاسىنىڭ اكىمى باقىت سۇلتانوۆ، ٴبىلىم باسقارماسىنىڭ باسشىسى ٴانۋار جانعوزين تاماشالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي