BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پوليسيا قىزمەتكەرى كورشىلەرىن ورتتەن قۇتقاردى

فوتو: astana.gov.kz

استانا، baq.kz. قوياندى اۋىلىنىڭ تۇرعىنى استانا قالاسى ٴپد-نىڭ كينولوگيالىق قىزمەت ورتالىعىنىڭ كىشى ينسپەكتور-كينولوگى اقبوتا ەسەنبايەۆاعا العىسىن ٴبىلدىرىپ، قالالىق پوليسيا دەپارتامەنتىنە حات جولدادى. بۇل تۋرالى استانا اكىمدىگىنىڭ رەسمي سايتى حابارلايدى.

11 جەلتوقساندا ساعات 22:30-دا جەر ۇيدە ٴورت شىعىپ، عيماراتتىڭ وڭ جاعى جانا باستاعان. ٴۇي تۇرعىندارى ٴۇش ەرەسەك جانە 4-7 جاستاعى ەكى بالا اس بولمەدە بولعان. ولار ٴۇيدىڭ جانىپ جاتقانى تۋرالى بىلمەگەن.

«جانعان ۇيگە كورشى تۇراتىن اقبوتا ٴبىر ٴتۇرلى دىبىستىڭ شىققانىن ەستيدى. كەيىن ول جولداسىمەن بىرگە سىرتقا شىعىپ كورشىلەرىنىڭ ٴۇيى ورتەنىپ جاتقانىن بايقاعان. ولار بىردەن كورشىسىنە بارىپ ٴۇيدىڭ جانىپ جاتقانىن ايتقاندا، كورشىلەرى ۇيلەرىنىڭ جانىپ جاتقانىن بىلمەگەن»، - دەلىنگەن پوليسيا دەپارتامەنتىنىڭ ٴباسپاسوز حابارلاماسىندا.

ولاردىڭ ايتۋىنشا، ەگەر اقبوتا مەن جولداسى بولماعاندا، وقيعانىڭ ارتى قايعىلى جاعدايعا ۇلاسۋى مۇمكىن ەدى. اقبوتا مەن حاميت ەسەنبايەۆتار كورشىلەرىن دالادا قالدىرمادى. مىنە، ٴتىلسىز جاۋدان زارداپ شەككەن جانۇيانىڭ اقبوتا مەن ٴحاميتتىڭ ۇيىندە تۇرىپ جاتقانىنان ٴبىر اپتادان استى. كورشىلەر ٴبىر شاڭىراق استىندا تۇرىپ جاتىر. اقبوتا مەن حاميتتىڭ دە ەكى بالاسى بار. استانا قالاسى ٴپد-نىڭ كينولوگيالىق قىزمەت ورتالىعىنىڭ كىشى ينسپەكتور-كينولوگى اقبوتا ەسەنبايەۆانىڭ بۇل سالادا 12 جىلدىق ەڭبەك ٴوتىلى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي