BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودارداعى تاتۋلاسۋ ورتالىعى ەڭبەك داۋلارىنىڭ ازايۋىنا ىقپال ەتۋدە

پاۆلودار، baq.kz. «سوتسىز تاتۋلاسۋ ورتالىعى - سەنتر ۆنەسۋدەبنوگو پريميرەنيا» جوباسىن ىسكە اسىرۋ شەڭبەرىندە كاسىپوداق ورتالىعىنىڭ بازاسىندا جۇمىس ىستەيتىن تاتۋلاسۋ ورتالىعى حالىق اراسىندا داۋلاردى سوتتان تىس شەشۋ ينستيتۋتتارىنىڭ جۇمىسىن جانداندىرۋعا قىزمەت ەتىپ، قوعامداعى جانجالدى جاعدايلاردى ازايتۋعا كومەكتەسۋدە.

مۇندا ەڭبەك جانجالىنا قاتىسۋشىلار سوت جۇيەسىنىڭ ارداگەرلەرىنەن، كاسىبي مەدياتورلاردان جانە كاسىپوداق ورتالىعىنىڭ ماماندارىنان داۋلاردى سوتتان تىس شەشۋدىڭ مۇمكىندىكتەرى تۋرالى تەگىن كونسۋلتاسيا الادى.

وسى تاتۋلاسۋ ورتالىعى «مەدياسيا ەڭبەك سالاسىندا» تاقىرىبى بويىنشا 2018 جىلى اتقارىلعان جۇمىستىڭ قورىتىندىلارىن شىعاردى.

جيىنعا سۋديالار، «اتامەكەن» فيليالى ديرەكتورىنىڭ ورىنباسارى مارات سىزدىقوۆ، «قوعامدىق كەلىسىم» مەدياسيا ورتالىعىنىڭ، حالىقارالىق قۇقىق قورعاۋ ورتالىعىنىڭ، سونداي-اق «مير» مەن «سوگلاسيە» ورتالىعىنىڭ باسشىلارى ولگا نيكولاشينا، ولگا ەرليح، سالتانات كايداروۆا مەن يرينا سەدلەسكايا قاتىستى. سونىمەن قاتار وسى ٴىس-شارانى وتكىزۋ كەزىندە ەڭبەك باسقارماسىنىڭ مامانى ايگۇل يسكاكوۆا، «كوميتەت پو مونيتورينگۋ ۋگولوۆنوي رەفورمى ي پراۆام چەلوۆەكا» قوعامدىق بىرلەستىگىنىڭ ٴتوراعاسى سۆەتلانا كوۆلياگينا مەن مەدياتورلار بولدى.

وبلىس كاسىپوداق ورتالىعىنىڭ ٴتوراعاسى دينارا ايتجانوۆا سوتتان تىس تاتۋلاسۋ ورتالىعى جۇمىسىنىڭ تيىمدىلىگى تۋرالى ايتا كەلە، تەك 10 ايدىڭ ىشىندە عانا وسى ورتالىققا 75 ادامنىڭ كەلگەنىن اتاپ ٴوتتى.

تاتۋلاسۋ ورتالىعى اشىلعاننان كەيىن ەڭبەك داۋلارىنىڭ ازايعانىن اتاپ كورسەتە كەلە وبلىستىق سوتتىڭ سۋدياسى گۇلنۇر تەرگەمەسوۆا وزدەرىنە جالاقىنىڭ تولەنبەۋى جانە جۇمىسقا قايتا الۋ تۋرالى قىزمەتكەرلەردىڭ تالابى الدەقايدا كوپ قويىلعان كاسىپورىنداردىڭ قاتارىندا «پرومۋگول 2010» مەن «ەنەرگوينۆەست-پۆ» جشس-لارىن اتادى. ول ٴوز سوزىندە سوتتا ەڭبەك داۋلارىن قاراۋ كەزىندەگى سوت مەدياسياسى تاقىرىبىنا باسا نازار اۋداردى.

مەدياسيا ورتالىقتارىنىڭ جەتەكشىلەرى تاتۋلاسۋ راسىمدەرىن قولدانۋدىڭ وزەكتى ماسەلەلەرى تۋرالى ايتىپ بەردى.

پىكىر الىسۋعا قاتىسقاندار قورىتا كەلگەندە تاتۋلاسۋ ورتالىعىنىڭ جۇمىسىنا وڭ باعا بەرۋمەن قاتار، ەڭبەك سالاسىندا مەدياسيانى كەڭىنەن قولدانۋ كەرەكتىگى جونىندە ٴبىرقاتار ويلارىمەن ٴبولىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي