BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وزبەكتەر اقتوبەدە ورتەنگەن تۋىستارىنىڭ ٴارقايسىسىنا 150 ملن تەڭگە سۇرادى

اقتوبەدە "اۆتوبۋس ٴورتى ٴىسى" بويىنشا سوت وتىرىسى جالعاستى. وتىرىستا اقتوبە وبلىسىنداعى اۆتوبۋس ورتىنەن قازا بولعان وزبەكستاندىق 52 ازاماتتىڭ تۋىسقاندارى مارقۇمداردىڭ ٴارقايسى ٴۇشىن 150 ميلليون تەڭگە وتەماقى تالاپ ەتتى، دەپ حابارلايدى baq.kz اقپارات اگەنتتىگى.

اقتوبەدە ٴوتىپ جاتقان سوتقا جابىرلەنۋشىلەردىڭ كەيبىرى تۇركىستان وبلىسى سارىاعاش اۋدانىنان ۆيدەو ارقىلى قوسىلىپ ٴجۇر. 3 قازانداعى وتىرىسقا سارىاعاشتان وزبەكستاننىڭ نامانگان وبلىسىنان كەلگەن جابىرلەنۋشىلەر - ابدۋللوجون حاتاموۆ پەن ميرزابدۋللا مادراxيموۆ بايلانىسقا شىقتى. ولار وزدەرىمەن بىرگە 22 جابىرلەنۋشىنىڭ قولى قويىلعان ٴوتىنىش xاتتى الا كەلگەن. حاتتا جابىرلەنۋشىلەر سوتتان ايىپتالۋشىلارعا ەڭ قاتاڭ جازا قولدانۋدى، ماتەريالدىق-مورالدىق شىعىن ٴوندىرىپ بەرۋدى وتىنگەن.

جابىرلەنۋشى تاراپتىڭ 150 مىڭ تەڭگە وتەماقى تۋرالى ارىزدارىن ەستىگەن سوتتالۋشىلاردىڭ تۋىستارى بۇل تالاپپەن كەلىسپەدى.

بيىل قاڭتاردىڭ ٴ18-ى كۇنى تاڭەرتەڭ اقتوبە وبلىسىنىڭ ىرعىز اۋدانى قالىباي اۋىلىنان 10 كيلومەتر قاشىقتا شىمكەنت-سامارا جولىندا جولاۋشىلار اۆتوبۋسى ورتەنگەن. بيلىك ورىندارىنىڭ حابارلاۋىنشا، اۆتوبۋستا بارلىعى 57 ادام بولعان، ولاردىڭ ٴ52-سى قازاعا ۇشىراعان. قۇربان بولعانداردىڭ بارلىعى – وزبەكستان ازاماتتارى. ەكى جولاۋشى مەن ٴۇش جۇرگىزۋشى امان قالعان.​

بۇل قىلمىستىق ٴىس بويىنشا سوت الدىندا بەس ادام جاۋاپ بەرەدى. ونىڭ ۇشەۋى – اۆتوبۋس جۇرگىزۋشىسى، ەكەۋى – "ازيا ترانزيت سەرۆيس" فيرماسىنىڭ قۇرىلتايشىسى مەن مەحانيگى. اۆتوبۋس جۇرگىزۋشىلەرى – نۇرجان قىرعىزبايەۆ، ماقسات پەرنەبەكوۆ پەن بارات تاڭاتوۆ 2018 جىلدىڭ 26 قاڭتارىنان بەرى اقتوبەدەگى تەرگەۋ يزولياتورىندا وتىر. ولارعا "ٴورت قاۋiپسiزدiگi تالاپتارىن بۇزدى جانە "جول ەرەجەسى نەمەسە كولiك قۇرالدارىن پايدالانۋ قاعيدالارىن بۇزدى" دەگەن ايىپ تاعىلعان. ال "ازيا ترانزيت سەرۆيس" كومپانياسىنىڭ جەتەكشىسى مەن مەحانيگى كەپىل تولەپ، ەشقايدا شىقپاۋ تۋرالى قولحاتپەن بوساتىلعان.

تەرگەۋ دەرەگىنشە، فيرما قۇرىلتايشىسى "زاڭدى تۇلعا رەتىندە ٴوز مىندەتتەرىن ٴتيىستى تۇردە اتقارمادى، جارامسىز كولىك قۇرالىن پايدالانۋعا بەردى جانە قۇجاتتى قولدان جاسادى" دەپ ايىپتالعان. ال مەحانيككە "اقاۋى بار اۆتوبۋستى جولعا شىعاردى" دەگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي